Kathanar – The Wild Sorcerer Teaser
- ಮಳೆಗಾಲದಲ್ಲಿ ಅನುಷ್ಕಾ ಶೆಟ್ಟಿ ನಟನೆಯ ಕಥನಾರ್ ಸಿನಿಮಾ ಬಿಡುಗಡೆ
- ಮಾ.31ರಂದು ಕಥನಾರ್ ಟೀಸರ್ ರಿಲೀಸ್, ಕುತೂಹಲ ಕೆರಳಿಸಿದ ಕಥಾ ಹಂದರ
- ಕಥನಾರ್ ಸಿನಿಮಾ ಮೂಲಕ ಮಲಯಾಳ ಚಿತ್ರರಂಗಕ್ಕೆ ಕಾಲಿಟ್ಟ ಅನುಷ್ಕಾ ಶೆಟ್ಟಿ
ಹೌದು, ಘಾಟಿ ಸಿನಿಮಾದ ನಂತರ ಸೋಶಿಯಲ್ ಮೀಡಿಯಾದಿಂದ ಅಂತರ ಕಾಯ್ದುಕೊಂಡಿದ್ದ ಅನುಷ್ಕಾ ಶೆಟ್ಟಿಯವರು ಮತ್ತೆ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು ಇತ್ತೀಚೆಗೆ. ಬೆಂಗಳೂರಿನ ಪ್ರಸಿದ್ಧ ಉದ್ಯಮಿ ಜೊತೆ ಅರೇಂಜ್ಡ್ ಮ್ಯಾರೇಜ್ ಎಂದೆಲ್ಲ ಸುದ್ದಿ ಹರಡಿತ್ತು. ಅವರಿಬ್ಬರು ಈವೆಂಟ್ವೊಂದರಲ್ಲಿ ಕಾಣಿಸಿಕೊಂಡಿದ್ದ ವಿಡಿಯೋ ವೈರಲ್ ಆಗಿತ್ತು. ಸದ್ಯ ಮದುವೆ ಸುದ್ದಿ ಬಿಡಿ ಸಿನಿಮಾ ಬರ್ತಿದೆ ನೋಡಿ ಎಂದು ಪರೋಕ್ಷವಾಗಿ ಸಿನಿಮಾ ಪೋಸ್ಟರ್ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುವ ಮೂಲಕ ಅನುಷ್ಕಾ ಶೆಟ್ಟಿಯವರು ಸಿಹಿಸುದ್ದಿ ಕೊಟ್ಟಿದ್ದಾರೆ.
ಟೀಸರ್ ಇಂದು ರಿಲೀಸ್
Kathanar – The Wild Sorcere ರೋಜಿನ್ ಥಾಮಸ್ ನಿರ್ದೇಶನದ, ಜಯಸೂರ್ಯ ಮುಖ್ಯ ಭೂಮಿಕೆಯಲ್ಲಿ ನಟಸಿರುವ ಸಿನಿಮಾದಲ್ಲಿ ಅನುಷ್ಕಾ ಶೆಟ್ಟಿಯವರು ನಟಿಸಿದ್ದಾರೆ. ಈ ಸಿನಿಮಾದ ಟೀಸರ್ ಮಾ.31ರಂದು ಬಿಡುಗಡೆಯಾಗಿದೆ.
ಮಾಲಿವುಡ್ಗೆ ಕಾಲಿಟ್ಟ ಅನುಷ್ಕಾ
ಕೇರಳದ ಪುರಾಣ ಕತೆಗಳಲ್ಲಿ ಅದ್ಭುತ ಶಕ್ತಿ ಹೊಂದಿರುವ ಪ್ರಾದಿಯೊಬ್ಬರ ಕಥಾ ಹಂದರವನ್ನು ಈ ಸಿನಿಮಾ ಹೊಂದಿದ್ದು, ಪ್ರೇಕ್ಷಕರಲ್ಲಿ ಕೂತೂಹಲವನ್ನು ಹೆಚ್ಚಿಸಲಿದೆ. ಕನ್ನಡ, ತೆಲುಗು, ಮಲಯಾಳಂ ಸೇರಿದಂತೆ ಆರು ಭಾಷೆಯಲ್ಲಿ ಸಿನಿಮಾ ಮೂಡಿಬರಲಿದೆ ಎಂದು ಚಿತ್ರತಂಡ ಹೇಳಿದೆ.ಈ ಸಿನಿಮಾ ಮೂಲಕ ಅವರು ಮೊದಲ ಬಾರಿಗೆ ಮಲಯಾಳಂ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ.
ಸಿನಿಮಾ ರಿಲೀಸ್ ಆಗೋದ್ಯಾವಾಗ?
ಸದ್ಯ ಸಿನಿಮಾದ ಟ್ರೇಲರ್, ಟೀಸರ್ ಮಾತ್ರ ಬಿಡುಗಡೆಯಾಗಿದ್ದು, ಮಳೆಗಾಲದಲ್ಲಿ ಕಥನಾರ್ ಸಿನಿಮಾ ರಿಲೀಸ್ ಮಾಡಲು ತಂಡ ಚಿಂತನೆ ನಡೆಸಿದೆ. ಸುಮಾರು 500ಕ್ಕೂ ಹೆಚ್ಚು ಜನರು, ಐದು ವರ್ಷಗಳಿಂದ ಸಿನಿಮಾಗಾಗಿ ಕೆಲಸ ಮಾಡಿದ್ದಾರೆ. ಮುಖ್ಯ ಭೂಮಿಕೆಯಲ್ಲಿ ಜಯಸೂರ್ಯ, ಅನುಷ್ಕಾ ಶೆಟ್ಟಿ, ಪ್ರಭುದೇವ, ಮೋಹನ್ ಲಾಲ್, ವಿನೇಶ್, ಹರೀಶ್ ಉತ್ತಮನ ಅವರು ಕಾಣಿಸಿಕೊಂಡಿದ್ದಾರೆ.
ಸಿನಿಮಾದಲ್ಲಿ ಪ್ರಾಮುಖ್ಯತೆ ಕಾಣ್ತಿರುವ ಅನುಷ್ಕಾ
ಇತ್ತೀಚೆಗೆ ಅವರು ಸಿನಿಮಾಗಳಲ್ಲಿ ನಟಿಸುವ ಮುನ್ನ ತುಂಬಾನೆ ಚ್ಯೂಸ್ ಮಾಡಿ ಸೆಲೆಕ್ಟ್ ಮಾಡುತ್ತಾರೆ. ಸಿನಿಮಾದಲ್ಲಿ ಅವರಿಗಿರುವ ಪ್ರಾಮುಖ್ಯತೆಯನ್ನು ವಿಮರ್ಶಿಸಿ ನಂತರ ಸಿನಿಮಾ ಒಪ್ಪಿಕೊಳ್ಳುತ್ತಿದ್ದಾರೆ. ಇದಕ್ಕೆ ಉದಾಹರಣೆ, ಘಾಟಿ, ಮಿಸ್ ಶೆಟ್ಟಿ-ಮಿಸಸ್ ಪೊಲೀಶೆಟ್ಟಿ, ಬಾಹುಬಲಿ ಸಿನಿಮಾಗಳನ್ನು ನೋಡಬಹುದು.
ಟೀಸರ್ನಲ್ಲಿ ಏನಿದೆ?
ಕಥನಾರ್ ಟೀಸರ್ ಸುಮಾರು 2 ನಿಮಿಷ 58 ಸೆಕೆಂಡ್ ಇದೆ. ಚಿತ್ರವು ಅದ್ಭುತ ದೃಶ್ಯಗಳನ್ನು ಹೊಂದಿದೆ. ಪೌರಾಣಿಕ ಹಿನ್ನೆಲೆಯ ಪ್ರಾದಿ ಕತೆಯನ್ನ ಆಧಾರಬವಾಗಿಟ್ಟುಕೊಂಡು ಸಿನಿಮಾ ಮಾಡಲಾಗಿದೆ. ಚಿತ್ರದ ಮೇಕಿಂಗ್ ಹೇಗಿದೆ ಎನ್ನುವುದನ್ನು ಟೀಸರ್ ಬಹಿರಂಗಪಡಿಸಿದೆ. ಜಯಸೂರ್ಯ ಮತ್ತು ಅನುಷ್ಕಾ ಶೆಟ್ಟಿಯವರ ಪಾತ್ರ ಪರಿಚಯಗಳು ಕುತೂಹಲವನ್ನುಟ್ಟು ಹಾಕುವಂತಿದೆ, (ಏಜೆನ್ಸೀಸ್).