ಕರೊನಾ ತಡೆಯಲು ಮಾಸ್ಕ್ ಕಡ್ಡಾಯವಾಗುತ್ತಿದ್ದಂತೆಯೇ, ತರತರಹದ ಮಾಸ್ಕ್ಗಳು ಇದೀಗ ಎಲ್ಲೆಡೆ ಸಿಗುತ್ತಿವೆ. ಈ ಪೈಕಿ ಇದೀಗ ಹೊಸ ಸೇರ್ಪಡೆ ಉಪ್ಪಿ ಮಾಸ್ಕ್.
ಇದನ್ನೂ ಓದಿ: ಅಪ್ಪನ ಜನ್ಮದಿನಕ್ಕೆ ದೀಪಿಕಾ ಪಡುಕೋಣೆ ವಿಶೇಷ ಸಂದೇಶ
ಲಾಕ್ಡೌನ್ ನಂತರ ಉಪೇಂದ್ರ ಅವರ ಅಭಿಮಾನಿಗಳು, ತಮ್ಮ ಮೆಚ್ಚಿನ ನಟನ ಹೆಸರಿನಲ್ಲಿ ಹಲವು ಸಹಾಯ ಮಾಡುತ್ತಾ ಬಂದಿದ್ದಾರೆ. ಇದೀಗ ಅವರು ಜನರಿಗೆ ಮಾಸ್ಕ್ಗಳನ್ನು ಹಂಚುತ್ತಿದ್ದಾರೆ. ಅಭಿಮಾನಿಗಳು ಕಳುಹಿಸಿರುವ ಮಾಸ್ಕ್ ತೊಟ್ಟು, ಸೋಷಿಯಲ್ ಮೀಡಿಯಾಲದಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ ಉಪೇಂದ್ರ.
ಮಾಸ್ಕ್ ಹಂಚುತ್ತಿರುವುದು ಉಪೇಂದ್ರ ಅವರ ತೆಲುಗು ಅಭಿಮಾನಿಗಳು. ಹೈದರಾಬಾದ್ನ ಚಿಕ್ಕಡಪಲ್ಲಿಯ ನೀಲಿಮಾ ಗ್ರಾಫಿಕ್ಸ್ ತಯಾರಿಸಿಕೊಟ್ಟಿರುವ ಉಪೇಂದ್ರ ಅವರ ಫೋಟೋ ಇರುವ ಈ ಮಾಸ್ಕ್ಗಳನ್ನು ಇದೀಗ ಅವರ ಅಭಿಮಾನಿಗಳು ಆಂಧ್ರ ಮತ್ತು ತೆಲಂಗಾಣದಲ್ಲಿ ಹಂಚುತ್ತಿದ್ದಾರೆ.
ಉಪೇಂದ್ರ ಅವರ ಅಭಿಮಾನಿಗಳು ಈ ಕೆಲಸ ಮಾಡುತ್ತಿರುವುದೇನೋ ಸರಿ, ಆದರೆ ಯಾರು ಈ ಕೆಲಸ ಮಾಡಿದ್ದಾರೆಂದು ಸ್ವತಃ ಉಪೇಂದ್ರ ಅವರಿಗೂ ಗೊತ್ತಿಲ್ಲವಂತೆ. ಈ ಕುರಿತು ಪ್ರತಿಕ್ರಿಯಿಸಿರುವ ಅವರು, ಇಂದು ಬೆಳಿಗ್ಗೆ ಹೈದರಾಬಾದ್ನಿಂದ ಒಂದು ಕೊರಿಯರ್ ಬಂತು. ಹೈದರಾಬಾದ್ನ ಅಭಿಮಾನಿಗಳು ಈ ಮಾಸ್ಕ್ಗಳನ್ನು ಕಳುಹಿಸಿದ್ದರು. ಅವರ್ಯಾರು ಎಂದು ನನಗೂ ಗೊತ್ತಿಲ್ಲ ಎಂದು ಉಪೇಂದ್ರ ಹೇಳಿಕೊಂಡಿದ್ದಾರೆ.