ಸೋಷಿಯಲ್ ಮೀಡಿಯಾದಲ್ಲಿ ಸಿನಿಮಾ ತಾರೆಯರು ಹಳೇ ಫೋಟೋಗಳನ್ನು ಆಗಾಗ ಶೇರ್ ಮಾಡಿಕೊಂಡು ಖುಷಿ ಪಡುತ್ತಿರುತ್ತಾರೆ. ಆವತ್ತಿನ ದಿನವನ್ನು ಮತ್ತೆ ನೆನಪು ಮಾಡಿಕೊಂಡು, ಮತ್ತೆ ಆ ದಿನಗಳಿಗೆ ಜಾರುತ್ತಾರೆ. ಇದೀಗ ಬಾಲಿವುಡ್ ನಟಿ ಮಲೈಕಾ ಅರೋರಾ ಸಹ ಅಂತದ್ದೇ ಹಳೇ ನೆನಪಿಗೆ ಜಾರಿ ಆವತ್ತಿನ ಕ್ಷಣವನ್ನು ಮತ್ತೆ ರೀ ಕಾಲ್ ಮಾಡಿಕೊಂಡಿದ್ದಾರೆ. ಆದರೆ, ಆ ನೆನಪಿನ ಫೋಟೋ ಹಾಕಿದ್ದೇ ತಡ, ಬಗೆಬಗೆಯ ಕಮೆಂಟ್ಗಳು ಮಲೈಕಾ ಇನ್ಬಾಕ್ಸ್ಗೆ ಬಂದು ಬೀಳುತ್ತಿವೆ. ಯಾವುದಾ ಫೋಟೋ? ಏನೆಲ್ಲ ಕಮೆಂಟ್ಗಳು ಬಂದಿವೆ..
ಹೌದು, ಸಹೋದರಿ ಅಮೃತಾ ಅರೋರಾ ಜತೆಗಿನ ಒಂದೂವರೆ ದಶಕದ ಹಿಂದಿನ ಫೋಟೋವೊಂದನ್ನು ಜಾಲತಾಣದಲ್ಲಿ ಹಂಚಿಕೊಂಡಿರುವ ಮಲೈಕಾ, ಸೇಮ್ ಪೋಸ್, ಸೇಮ್ ಸ್ಮೈಲ್ ಎಂದು ಬರೆದುಕೊಂಡಿದ್ದಾರೆ. ಈ ಫೋಟೋಕ್ಕೆ ಸಾಕಷ್ಟು ಕಮೆಂಟ್ಗಳು ಸಂದಾಯವಾಗಿದ್ದು, 15 ವರ್ಷದ ಹಿಂದೆ ನೀವು ಬೋಲ್ಡ್ ಆ್ಯಂಡ್ ಬ್ಯೂಟಿಫುಲ್, ಆದರೆ, ಅದೇ ಅರ್ಜುನ್ ಕಪೂರ್ ಆಗಿನ್ನು ಎಳಸು..’, ‘ಅರ್ಜುನ್ ಕಪೂರ್ ನೀವು ನಿಮ್ಮ 15 ವರ್ಷದ ಹಿಂದಿನ ಫೋಟೋ ಶೇರ್ ಮಾಡಿ..’ ಎಂದೂ ಮತ್ತೆ ಕೆಲವರು ಕಿಚಾಯಿಸಿದ್ದಾರೆ.
15 ವರ್ಷದ ಹಿಂದೆ ಅರ್ಜುನ್ ಕಪೂರ್ಗೆ ಕೇವಲ 19 ವರ್ಷ ವಯಸ್ಸು. ಸಿನಿಮಾ ಕ್ಷೇತ್ರದ ಬಗ್ಗೆ ಅರಿವಿದ್ದರೂ, ಚಿತ್ರರಂಗ ಪದಾರ್ಪಣೆಗೆ ಅವರ ದೇಹ ಮಾತ್ರ ಸ್ಪಂದಿಸಿರಲಿಲ್ಲ. ಆಗ ಮಲೈಕಾ ಅರೋರಾ ಬಾಲಿವುಡ್ಗೆ ಪದಾರ್ಪಣೆ ಮಾಡಿಯೇ ಏಳು ವರ್ಷಗಳು ಉರುಳಿದ್ದವು. 25 ವರ್ಷಕ್ಕೆ ಅಂದರೆ 1998ರಲ್ಲಿಯೇ ಸಲ್ಮಾನ್ ಸಹೋದರ ಅರ್ಬಾಜ್ ಖಾನ್ ಜತೆ ವಿವಾಹವನ್ನೂ ಆಗಿದ್ದರು ಮಲೈಕಾ. ಇದೀಗ ಇದೇ 46 ವರ್ಷದ ಮಲೈಕಾ ಮತ್ತು 34 ವರ್ಷದ ಅರ್ಜುನ್ ಕಪೂರ್ ಬಾಲಿವುಡ್ನ ಮೋಸ್ಟ್ ಟಾಕ್ಡ್ ಲವ್ಬರ್ಡ್ಸ್. (ಏಜೆನ್ಸೀಸ್)