- ಕ್ರಿಸ್ಮಿ ಫಿಲ್ಂನ ಲವ್ ಮಾಕ್ಟೇಲ್ 3 ಸಿನಿಮಾ ಓಟಿಟಿಗೆ
- ಮೇ8ರಂದು ಓಟಿಟಿಗೆ ಲಗ್ಗೆ ಇಡಲಿರುವ ಲವ್ ಮಾಕ್ಟೇಲ್ 3
- ಮಿಲನಾ, ಕೃಷ್ಣ ನಿರ್ದೇಶನದ ಲವ್ ಮಾಕ್ಟೇಲ್ 3 ಮೇ.8ರಂದು ಓಟಿಟಿಗೆ ಬರಲಿದೆ
Love Mocktail 3: ಕೋವಿಡ್ ಕಾಲದಲ್ಲಿ ಕರ್ಫ್ಯೂಗೆ ಒಳಗಾಗಿದ್ದಾಗ ರಿಲೀಸ್ ಆಗಿದ್ದ ಲವ್ ಮಾಕ್ಟೇಲ್ ಸಿನಿಮಾವು ಪ್ರೇಮಿಗಳ ಮನ ಗೆದ್ದಿದ್ದವು. ಲವ್ ಮಾಕ್ಟೇಲ್ 2 ಅಷ್ಟೇನು ಹಿಟ್ ಕಂಡಿಲ್ಲವಾದರೂ, ಲವ್ ಮಾಕ್ಟೇಲ್ 3 ಅಮ್ಮ-ಮಗಳ ಸಂಬಂಧಕ್ಕಾಗಿ ಹೆಚ್ಚು ಇಷ್ಟವಾಗುತ್ತದೆ. ಚಿತ್ರಮಂದಿರದಲ್ಲಿ ಸಿನಿಮಾ ನೋಡಲು ಸಾಧ್ಯವಾಗಿಲ್ಲ ಎಂದು ಬೇಸರವಾಗಿದ್ದ ಸಿನಿ ಪ್ರೇಮಿಗಳಿಗೆ ಗುಡ್ನ್ಯೂಸ್ ಒಂದು ಸಿಕ್ಕಿದೆ.
ಸಿನಿಮಾ ಓಟಿಟಿಗೆ ಲಗ್ಗೆ ಇಡಲಿದೆ.
ಹೌದು, ಲವ್ ಮಾಕ್ಟೇಲ್-3 ಸಿನಿಮಾ ಮೇ.8ರಂದು ಜೀ 5ನಲ್ಲಿ ರಿಲೀಸ್ ಆಗಲಿದೆ ಎಂದು ಅಧಿಕೃತವಾಗಿ ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡಿದೆ. ಕೆಲವು ಕಥೆಗಳು ಹೃದಯಕ್ಕೆ ಹತ್ತಿರ, ಈ ಕಥೆ ಅದಕ್ಕೂ ಮಿಗಿಲು! ‘ಲವ್ ಮಾಕ್ಟೇಲ್ 3’ ಅಧಿಕೃತ ಟ್ರೇಲರ್ ಈಗ ನಿಮ್ಮ ಮುಂದೆ. ಆದಿಯ ಈ ಹೊಸ ಅಧ್ಯಾಯ ಕಣ್ತುಂಬಿಕೊಳ್ಳಿ ನಿಮ್ಮ ನೆಚ್ಚಿನ Z5 ಕನ್ನಡದಲ್ಲಿ ಎಂದು ಪೋಸ್ಟ್ನ್ನು ಹಂಚಿಕೊಂಡಿದೆ.
ಲವ್ ಮಾಕ್ಟೇಲ್ ಸಿನಿಮಾದ ಕತೆ ಏನು?
ಲವ್ ಮಾಕ್ಟೇಲ್ 31 ಜನವರಿ 2020ರಲ್ಲಿ ರಿಲೀಸ್ ಆಗಿದ್ದು, ರೊಮ್ಯಾಂಟಿಕ್ ಚಿತ್ರ. ಈ ಸಿನಿಮಾವನ್ನು ಕೃಷ್ಣ ಮತ್ತು ಮಿಲನಾ ನಾಗರಾಜ್ ನಿರ್ದೇಸಿದ್ದರು. ಆದಿ ಮತ್ತು ಜೋ ಪ್ರೀತಿ ಮಾಡುತ್ತಿರುತ್ತಾರೆ. ಆದರೆ, ಇಬ್ಬರ ಮಧ್ಯೆಯ ಹಣದ ವಿಚಾರಕ್ಕೆ ನಡೆದ ಕಿತ್ತಾಟ ದೂರವಾಗಿಸುತ್ತದೆ. ನಂತರ ಆದಿಗೆ ಪರಿಚಯವಾಗೋದೆ ನಿಧಿ ಅದೇ ಮಿಲನಾ ನಾಗರಾಜ್ ಆಕೆಗೂ ಕ್ಯಾನ್ಸರ್ನಿಂದಾಗಿ ಮೃತಪಡುತ್ತಾಳೆ. ಇದರ ನಂತರ ಬರೋದೆ ಲವ್ ಮಾಕ್ಟೇಲ್ 2, ಈಗ ಲವ್ ಮಾಕ್ಟೇಲ್ 3 ಇದರಲ್ಲಿ ಆದಿ ಮಗುವನ್ನು ದತ್ತು ಪಡೆದುಕೊಳ್ಳುವುದು ಅದಕ್ಕೆ ಎದುರಾಗುವ ಸವಾಲುಗಳನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ.
ಲವ್ ಮಾಕ್ಟೇಲ್ 3ರಲ್ಲಿ ಮಿಲನ ನಾಗರಾಜ್, ಡಾರ್ಲಂಗ್ ಕೃಷ್ಣ, ಯದುನಂದನ್, ಶ್ವೇತಾ ಪ್ರಸಾದ್, ಅಮೃತಾ ಅಯ್ಯಂಗಾರ್ ಇದ್ದಾರೆ. ಸಿನಿಮಾವನ್ನು ಕ್ರಿಸ್ಮಿ ಫಿಲಂಸ್ ಅಡಿ ನಿರ್ಮಿಸಿದ್ದಾರೆ.
ಲವ್ ಮಾಕ್ಟೇಲ್ 3 ವಿವಾದ ಸುತ್ತ
ಲವ್ಮಾಕ್ಟೇಲ್ ಸಿನಿಮಾ ಭಾಗ 3 ಕೃತಿ ಚೌರ್ಯ ಆರೋಪವನ್ನು ಎದುರಿಸುತ್ತಿದೆ. ನಿರ್ದೇಶಕ ರಾಘವೇಂದ್ರ ಎಂನಾಯ್ಕ ಮತ್ತು ಗಯುರು ದೇಶಪಾಂಡೆ ಅವರು ಕೃಷ್ಣ ವಿರುದ್ಧ ಆರೋಪಿಸಿದ್ದರು. ಕರ್ನಾಟಕ ಚಲನ ಚಿತ್ರ ವಾಣಿಜ್ಯ ಮಂಡಳಿ ಮಧ್ಯಸ್ಥಿಕೆ ಮತ್ತಿ ಡಾ ಜಯಮಾಲಾ ನೇತೃತ್ವದಲ್ಲಿ ಈ ವಿವಾದವು ಸುಖಾಂತ್ಯ ಕಂಡಿದೆ ಎನ್ನಲಾಗಿದೆ, (ಏಜೆನ್ಸೀಸ್).