ಚಿತ್ರ: ಮ್ಯಾಕ್ಸ್
ನಿರ್ದೇಶನ: ವಿಜಯ್ ಕಾರ್ತಿಕೇಯ
ನಿರ್ಮಾಣ: ಕಲೈಪುಲಿ ತನು, ಕಿಚ್ಚ ಸುದೀಪ್
ತಾರಾಗಣ: ಕಿಚ್ಚ ಸುದೀಪ್, ಸುಕೃತಾ, ಸಂಯುಕ್ತಾ, ಉಗ್ರಂ ಮಂಜು, ವರಲಕ್ಷಿ$್ಮ, ಪ್ರಭಾಕರ್, ಸುನಿಲ್, ಇಳವರಸು, ರೆಡಿನ್ ಕಿಂಗ್ಸ್ಲಿ ಮುಂತಾದವರು
| ಹರ್ಷವರ್ಧನ್ ಬ್ಯಾಡನೂರು
"ಇದುವರೆಗೂ ಡ್ಯೂಟಿಗೆ ರಿಪೋರ್ಟ್ ಮಾಡಿಕೊಂಡ ಮೇಲೆ ಸಸ್ಪೆಂಡ್ ಆಗ್ತಿದ್ದೆ. ಆದ್ರೆ, ನಿಮ್ಗಳ ಸಹವಾಸ ಮಾಡಿ ಈ ಸಾರಿ ಡ್ಯೂಟಿಗೆ ರಿಪೋರ್ಟ್ ಮಾಡ್ಕೊಳ್ಳೋಕೂ ಮುಂಚೇನೇ ಸಸ್ಪೆಂಡ್ ಆಗ್ತೀನಿ ಅನ್ಸುತ್ತೆ' ಅಂತಾನೆ ಪೊಲೀಸ್ ಅಧಿಕಾರಿ ಅರ್ಜುನ್ ಮಹಾಕ್ಷಯ್ ಅಲಿಯಾಸ್ ಮ್ಯಾಕ್ಸ್ (ಸುದೀಪ್). ಸಸ್ಪೆಂಡ್ ಆಗಿದ್ದ ಮ್ಯಾಕ್ಸ್ನ ಬೆಂಗಳೂರು ಹೊರವಲಯದ ಪೊಲೀಸ್ ಠಾಣೆಗೆ ವರ್ಗಾವಣೆ ಮಾಡಲಾಗಿರುತ್ತದೆ. ಆತ ಮಾರನೆಯ ದಿನ ಬೆಳಗ್ಗೆ ಡ್ಯೂಟಿಗೆ ರಿಪೋರ್ಟ್ ಮಾಡಿಕೊಳ್ಳಬೇಕು ಎನ್ನುವಷ್ಟರಲ್ಲಿ, ನಾಕಾಬಂದಿ ಹಾಕಿದ್ದ ಠಾಣೆಯ ಸಿಬ್ಬಂದಿ ಮೇಲೆ ಡ್ರಗ್ಸ್ ನಶೆಯಲ್ಲಿ ಮಿನಿಸ್ಟರ್ಗಳ ಮಕ್ಕಳು ಕೈಮಾಡಿರುತ್ತಾರೆ. ಸಚಿವರಾದ ಪರಶುರಾಮ್ ಮತ್ತು ಡೇನಿಯಲ್ ಮಕ್ಕಳಾದ ಮೈಕಲ್ ಮತ್ತು ವೀರಾ ಇಬ್ಬರಿಗೂ ರಡಿಸಿ ಮ್ಯಾಕ್ಸ್ ಲಾಕಪ್ನಲ್ಲಿ ಹಾಕಿರುತ್ತಾನೆ. ಸಿಎಂ ಗಾದಿ ಮೇಲೆ ಕಣ್ಣುಹಾಕಿರುವ ಈ ಇಬ್ಬರೂ ಸಚಿವರು ಎರಡು ಸಾವಿರ ಕೋಟಿ ರೂಪಾಯಿ ಖರ್ಚು ಮಾಡಿ ಎಲ್ಲ ಶಾಸಕರನ್ನು ಒಂದೆಡೆ ಸೇರಿಸುತ್ತಿರುತ್ತಾರೆ. ಇದರ ನಡುವೆ ಮಕ್ಕಳು ಹೀಗೆ ಜೈಲುಪಾಲಾಗುವುದು ಅವರನ್ನು ಇಕ್ಕಟ್ಟಿಗೆ ಸಿಲುಕಿಸುತ್ತದೆ. ಅವರನ್ನು ಬಿಡಿಸಿಕೊಳ್ಳಲು ಬರುವವರಿಗೆ ಸ್ಟೇಷನ್ನಲ್ಲಿ ಒಂದು ಶಾಕ್ ಕಾದಿರುತ್ತದೆ. ಅದೇನು? ಮೈಕಲ್, ವೀರಾ ಏನಾದರು? ಮುಂದೇನು? "ಮ್ಯಾಕ್ಸ್' ನೋಡಿ...
ಒಂದೇ ರಾತ್ರಿ 12 ತಾಸಿನಲ್ಲಿ ನಡೆಯುವ ಕಥೆ "ಮ್ಯಾಕ್ಸ್'. ಟ್ರೇಲರ್ ರಿಲೀಸ್ ಆದಾಗ ತಮಿಳಿನ "ಕೈದಿ' ಚಿತ್ರಕ್ಕೆ "ಮ್ಯಾಕ್ಸ್'ಅನ್ನು ಹೋಲಿಸಲಾಗಿತ್ತಾದರೂ, ಒಂದೇ ರಾತ್ರಿ ಪೊಲೀಸ್ ಠಾಣೆಯಲ್ಲಿ ನಡೆಯುವ ಕಥೆ ಎಂಬುದನ್ನು ಹೊರತುಪಡಿಸಿದರೆ, ಈ "ಮ್ಯಾಕ್ಸ್', "ಕೈದಿ'ಯನ್ನೂ ಮೀರಿಸುತ್ತಾನೆ. ವಿಜಯ್ ಕಾರ್ತಿಕೇಯ ಚೊಚ್ಚಲ ನಿರ್ದೇಶನದಲ್ಲಿಯೇ ಒಂದು ಮಾಸ್ ಸಿನಿಮಾವನ್ನು ಅಚ್ಚುಕಟ್ಟಾಗಿ ಕಟ್ಟಿಕೊಟ್ಟಿದ್ದಾರೆ. 133 ನಿಮಿಷಗಳ ಈ ಚಿತ್ರದಲ್ಲಿ ಹಲವು ಟ್ವಿಸ್ಟ್ ಮತ್ತು ರ್ಟನ್ಗಳು ಸೀಟಂಚಲ್ಲಿ ಕೂರಿಸುತ್ತವೆ. ಕಿಚ್ಚ ಸುದೀಪ್ ಅವರ ಡೈಲಾಗ್, ಆ್ಯಕ್ಷನ್, ಬಾಡಿ ಲಾಂಗ್ವೇಜ್, ಸ್ಟೆ$ಲಿಶ್ ಲುಕ್ "ಮ್ಯಾಕ್ಸ್'ನ ಮ್ಯಾಕ್ಸಿಮಮ್ ಮಾಸ್ ಆಗಿಸಿವೆ. ಅದಕ್ಕೆ ಒಪು$್ಪವ ಅಜನೀಷ್ ಲೋಕನಾಥ್ ಹಿನ್ನೆಲೆ ಸಂಗೀತ ಚಿತ್ರವನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ದಿದೆ. ಪೊಲೀಸ್ ಠಾಣೆ ಸಿಬ್ಬಂದಿ ಪಾತ್ರಗಳಲ್ಲಿ ಇಳವರಸು, ಉಗ್ರಂ ಮಂಜು ಪಾತ್ರಗಳು ಗಮನ ಸೆಳೆಯುತ್ತವೆ. ಉಳಿದಂತೆ ಸುಕೃತಾ ವಾಗ್ಲೆ, ಸಂಯುಕ್ತಾ, ಗೋವಿಂದೇಗೌಡ ಅಚ್ಚುಕಟ್ಟಾಗಿ ಪಾತ್ರಗಳನ್ನು ನಿಭಾಯಿಸಿದ್ದಾರೆ. ಸುನಿಲ್, ಪ್ರಭಾಕರನ್, ಪ್ರಮೋದ್ ಶೆಟ್ಟಿ ವಿಲನ್ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಕಿಚ್ಚ ಸುದೀಪ್ ಹಲವು ಚಿತ್ರಗಳಲ್ಲಿ ಖಾಕಿ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ, "ಮ್ಯಾಕ್ಸ್'ನಲ್ಲಿ ಅವರ ಮಾಸ್ ಅವತಾರ ಈ ಹಿಂದಿನ ಎಲ್ಲ ಸಿನಿಮಾಗಳಿಗಿಂತಲೂ ಬೆಸ್ಟ್ ಎನ್ನಬಹುದು.