ಬಾಲಿವುಡ್ನಲ್ಲಿ ಸದ್ಯ ಸಿನಿಮಾ ಬಿಡುಗಡೆಗೆ ದೊಡ್ಡ ಟ್ರಾಫಿಕ್ ಏರ್ಪಟ್ಟಿದೆ. ಈಗಾಗಲೇ ಸಾಕಷ್ಟು ಚಿತ್ರ ನಿರ್ವಪಕರು ಸಿಕ್ಕಿದ್ದೇ ಚಾನ್ಸ್ ಎಂದು ತಮ್ಮ ಚಿತ್ರಗಳ ಬಿಡುಗಡೆ ದಿನಾಂಕವನ್ನು ಘೋಷಣೆ ಮಾಡಿದ್ದಾರೆ. ಇತ್ತ ದಕ್ಷಿಣದಲ್ಲೂ ಇದು ಮುಂದುವರಿದಿದ್ದು, ಸಾಕಷ್ಟು ದೊಡ್ಡ ಬಜೆಟ್ನ ಮತ್ತು ಸ್ಟಾರ್ ಸಿನಿಮಾಗಳು ಒಂದಾದ ನಂತರ ಒಂದು ಸರಣಿಯಲ್ಲಿ ತೆರೆಗೆ ಬರಲು ಸಿದ್ಧವಾಗಿವೆ.
ಈ ನಡುವೆ ಇದೇ ವರ್ಷಾಂತ್ಯಕ್ಕೆ ಬರಬೇಕಿದ್ದ ಕಂಗನಾ ನಟನೆಯ ‘ಧಾಕಡ್’ ಚಿತ್ರ ಕಾರಣಾಂತರಗಳಿಂದ 2022ರ ಏಪ್ರಿಲ್ 8ಕ್ಕೆ ಮುಂದೂಡಲ್ಪಟ್ಟಿದೆ. ಇತ್ತೀಚೆಗಷ್ಟೇ, ಕಂಗನಾ ಅಭಿನಯದ ‘ತಲೈವಿ’ ಬಿಡುಗಡೆಯಾಗಿತ್ತು. ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ. ಜಯಲಲಿತಾ ಅವರ ಜೀವನವನ್ನಾಧರಿಸಿದ ಈ ಸಿನಿಮಾ, ಬಾಕ್ಸ್ ಆಫೀಸ್ನಲ್ಲಿ ಹೇಳಿಕೊಳ್ಳುವಂಥ ಕಮಾಯಿ ಮಾಡಲಿಲ್ಲ. ವಿಮರ್ಶೆ ದೃಷ್ಟಿಯಿಂದಲೂ ಸಿನಿಮಾ ಹಿಂದೆಬಿದ್ದಿತ್ತು. ಆ ಒಂದು ಕಾರಣಕ್ಕೆ ‘ಧಾಕಡ್’ ಚಿತ್ರ ಮುಂದೂಡಲಾಗಿದೆಯಂತೆ. ರಜನೀಶ್ ಘಾಯ್ ನಿರ್ದೇಶನ ಮಾಡಿದ್ದಾರೆ. -ಏಜೆನ್ಸೀಸ್