ಮುಂಬೈ: ಬಾಲಿವುಡ್ ಗಾಯಕ, ಸಂಗೀತ ನಿರ್ದೇಶಕ, ನಟ ಹಿಮೇಶ್ ರೇಷಮಿಯಾ 1998 ರಿಂದ ಇಂದಿಗೂ ಒಬ್ಬ ದೊಡ್ಡ ಸ್ಟಾರ್ ಎಂದೇ ಹೇಳಬೇಕು. ಅವರ ವಿಭಿನ್ನವಾದ ಕಂಠದ ಮೂಲಕ ಸಂಗೀತ ಪ್ರೀಯರನ್ನು ಸಿಕ್ಕಾಪಟ್ಟೆ ರಂಜಿಸಿ ದೇಶದಾದ್ಯಂತ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇನ್ನು, ಸೋಶಿಯಲ್ ಮೀಡಿಯಾದಲ್ಲಿ ಗಾಯಕ ಹಿಮೇಶ್ ರೇಷಮಿಯಾ ಅವರು ಸಿಕ್ಕಾಪಟ್ಟೆ ಆ್ಯಕ್ಟೀವ್ ಎಂದೇ ಹೇಳಬೇಕು. ಆದರೆ, ಸದಾ ತಮ್ಮ ಹಾಡುಗಳಿಗಾಗಿ, ಸಿನಿಮಾಗಳಿಗಾಗಿ ಸಖತ್ ಸುದ್ದಿಯಲ್ಲಿರುವ ಹಿಮೇಶ್ ಕಳೆದ ಕೆಲವು ಗಂಟೆಗಳಿಂದ ಟ್ರೋಲರ್ಗಳಿಗೆ ಅಚ್ಚುಮೆಚ್ಚು ಆಗಿದ್ದಾರೆ.
ಹೌದು, ಸದ್ಯ ಅವರೊಂದು ಸಿಂಪಲ್ ಕಾರಣಕ್ಕೆ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದ್ದಾರೆ. ಅಂದಹಾಗೆ, ಸೆಲೆಬ್ರಿಟಿಗಳು, ಸಿನಿತಾರೆಯರು ಎಲ್ಲಿ ಹೋದರೂ ಕೂಡಾ ಅವರ ಹಿಂದೆ ಮಾಧ್ಯಮದವರು ಇರುತ್ತಾರೆ. ಅವರ ಮೇಲೆ 24/7 ಕ್ಯಾಮೆರಾ ಕಣ್ಣುಗಳು ಇದ್ದೆ ಇರುತ್ತವೆ. ಇತ್ತೀಚೆಗೆ, ಹಿಮೇಶ್ ರೇಷಮಿಯಾ ಅವರು ಪತ್ನಿ ಸೋನಿಯಾ ಕಪೂರ್ ಜೊತೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಇನ್ನು, ಹಿಮೇಶ್ ಅವರಿಗಿಂತಲೂ ಸೋನಿಯಾ ಕಪೂರ್ ಎತ್ತರ ಇದ್ದಾರೆ. ಹಿಮೇಶ್ ಅವರು 5.3 ಎತ್ತರ ಇದ್ದಾರೆ. ಇನ್ನು ಅವರ ಪತ್ನಿ ಸೋನಿಯಾ 5.6 ಅಡಿ ಇದ್ದಾರೆ. ಈ ಜೋಡಿಗೆ 0.3 ಅಡಿ ವ್ಯತ್ಯಾಸವಿದೆ. ಅದು ಕೆಲವೊಮ್ಮೆ ಹಿಮೇಶ್ಗೆ ಇರಿಸುಮುರಿಸು ಉಂಟು ಮಾಡುತ್ತದೆ ಎಂಬುದು ಈ ಬಾರಿ ಬಹಿರಂಗವಾಗಿ ಕ್ಯಾಮೆರಾ ಮುಂದೆ ಸಾಬೀತಾಗಿದೆ.
ಮಾಧ್ಯಮದವರ ಕ್ಯಾಮೆರಾಗಳಿಗೆ ಹಿಮೇಶ್ ರೇಷಮಿಯಾ ಮತ್ತು ಅವರ ಪತ್ನಿ ಸೋನಿಯಾ ಕಪೂರ್ ವಿಮಾನ ನಿಲ್ದಾಣದಲ್ಲಿ ಜೊತೆಯಾಗಿ ಪೋಸ್ ಕೊಟ್ಟಿದ್ದಾರೆ. ಈ ವೇಳೆ ಪತ್ನಿಯ ಹೈಟ್ ಗೆ ಮ್ಯಾಚ್ ಮಾಡಲು ಅಂದರೆ ಆಕೆಗೆ ಸಮನಾಗಿ ನಿಲ್ಲಲು ಹಿಮೇಶ್ ಅವರು ಸಿಕ್ಕಾಪಟ್ಟೆ ಕಷ್ಟಪಟ್ಟಿದ್ದಾರೆ. ಅದು ವಿಡಿಯೋದಲ್ಲಿ ಸಹ ಕಾಣಿಸಿಕೊಂಡಿದೆ. ಫೋಟೋ ಕ್ಲಿಕ್ಕಿಸುವಾಗ ಹಿಮೇಶ್ ಅವರು ಎತ್ತರವಾಗಿ ಕಾಣಲು ತುದಿಗಾಲಿನಲ್ಲಿ ನಿಂತಿರುವುದು ಕ್ಯಾಮೆರಾ ಕಣ್ಣುಗಳಿಗೆ ಕಾಣಿಸಿದೆ. ಸದ್ಯ, ಈ ವಿಡಿಯೋ ನೋಡಿದ ನೆಟ್ಟಿಗರು ಬಿದ್ದು ಬಿದ್ದು ನಗುತ್ತಿದ್ದು, ಟ್ರೋಲ್ ಮಾಡುವುದರ ಜತೆಗೆ ವಿಡಿಯೋವನ್ನು ಸಖತ್ ವೈರಲ್ ಮಾಡುತ್ತಿದ್ದಾರೆ.