ನವದೆಹಲಿ: ಬಹಳ ಅಪರೂಪದ ಘಟನೆಯೊಂದರಲ್ಲಿ ಹಸಿರು ಮರದ ಕಪ್ಪೆಯೊಂದು ಅತ್ಯಂತ ವಿಷಕಾರಿಯಾದ ಹಾವಿನಿಂದ ಸಾಕಷ್ಟು ಬಾರಿ ಕಚ್ಚಿಸಿಕೊಂಡರೂ ಅದನ್ನು ನಂಗು ಹಾಕಿ ಬದುಕುಳಿದಿರುವುದು ಎಲ್ಲರ ಅಚ್ಚರಿಗೆ ಕಾರಣವಾಗಿದೆ.
ಕಪ್ಪೆಯು ಕೋಸ್ಟಾಲ್ ತೈಪಾನ್ ಹೆಸರಿನ ವಿಷಕಾರಿ ಹಾವನ್ನು ನುಂಗು ಹಾಕಿದೆ. ಇದು ವಿಶ್ವದಲ್ಲೇ ತುಂಬಾ ವಿಷಕಾರಿಯಾದ ಹಾವುಗಳಲ್ಲಿ ಒಂದಾಗಿದೆ. ಸೋಜಿಗವೆಂದರೆ ಹಾವನ್ನು ನುಂಗಿದ ಕಪ್ಪೆ ಆರಾಮವಾಗಿ ಓಡಾಡಿಕೊಂಡಿದೆ.
ಟೌನ್ಸ್ವಿಲ್ಲೆ ಹೆಸರಿನ ಫೇಸ್ಬುಕ್ ಫೇಜ್ನಲ್ಲಿ ಈ ಸ್ಟೋರಿಯನ್ನು ಫೆ. 4ರಂದು ಹಂಚಿಕೊಳ್ಳಲಾಗಿದೆ. ಹಾವನ್ನು ನುಂಗುತ್ತಿರುವ ಕಪ್ಪೆಯ ಫೋಟೋವನ್ನು ಶೇರ್ ಮಾಡಿಕೊಂಡು, ವಿಶ್ವದಲ್ಲೇ 3ನೇ ವಿಷಕಾರಿ ಹಾವಾದ ಕೋಸ್ಟಾಲ್ ತೈಪಾನ್ ಅನ್ನು ಕಪ್ಪೆಯ ತಿಂದುಹಾಕಿದೆ. ಹಾವನ್ನು ರಕ್ಷಣೆ ಮಾಡಲಾಗಲಿಲ್ಲ. ಆದರೆ, ತಿನ್ನುವ ಮುನ್ನ ಸಾಕಷ್ಟು ಬಾರಿ ಕಡಿತಕ್ಕೊಳಗಾದರೂ ಕಪ್ಪೆಯು ಬದುಕುಳಿಯಲಿದೆ ಎಂಬ ಭರವಸೆ ಇದೆ ಎಂದು ಅಡಿಬರಹ ಬರೆಯಲಾಗಿದೆ.
ಈ ಸ್ಟೋರಿಯನ್ನು ಹಂಚಿಕೊಂಡ ದಿನದಿಂದ ಈವರೆಗೂ ಸಾವಿರಾರು ಮಂದಿ ವೀಕ್ಷಣೆ ಮಾಡಿದ್ದಾರೆ. ಅಲ್ಲದೆ, ಸಾವಿರಾರು ಮಂದಿ ಶೇರ್ ಕೂಡ ಮಾಡಿಕೊಂಡಿದ್ದು, ಅನೇಕ ನೆಟ್ಟಿಗರು ಕಪ್ಪೆ ಕುರಿತು ಅಚ್ಚರಿಯನ್ನು ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)