ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
"ಸಲಗ' ಚಿತ್ರದ ಬಳಿಕ ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸಿರುವ ಸಿನಿಮಾ "ಭೀಮ'. ಈಗಾಗಲೇ ಚಿತ್ರದ ಐದು ಹಾಡುಗಳು ರಿಲೀಸ್ ಆಗಿದ್ದು ಜಾಲತಾಣದಲ್ಲಿ ವೈರಲ್ ಆಗಿವೆ. ಇತ್ತೀಚೆಗಷ್ಟೆ ಚಿತ್ರದ ಸೆನ್ಸಾರ್ ಪೂರ್ಣಗೊಂಡಿದ್ದು, "ಎ' ಪ್ರಮಾಣ ಪತ್ರ ದೊರೆತಿದೆ. ಆ. 9ರಂದು "ಭೀಮ' ತೆರೆಗೆ ಬರಲಿದ್ದು, ಸದ್ಯ ಪ್ರಚಾರದ ಕೆಲಸಗಳು ಭರದಿಂದ ಸಾಗಿವೆ.
ಚಿತ್ರದ ಬಗ್ಗೆ ನಿರ್ದೇಶಕ, ನಾಯಕ ವಿಜಯ್, ""ಸಲಗ' ಚಿತ್ರದಲ್ಲಿ ಸಿದ್ದಿ ಜನಾಂಗದ ಪ್ರತಿಭೆಗಳಿಗೆ ಅವಕಾಶ ಮಾಡಿಕೊಟ್ಟಂತೆಯೇ ಈ ಚಿತ್ರದಲ್ಲೂ ನಾಗರಹೊಳೆಯ ಬುಡಕಟ್ಟು ಪ್ರತಿಭೆಗಳಿಗೆ ಅವಕಾಶ ನೀಡಿದ್ದೇವೆ. ಅವರು ಹಾಡಿರುವ "ಬೂಂ ಬೂಂ ಬೆಂಗಳೂರು' ಹಾಡಿಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ."ಭೀಮ'ನ ಮೂಲಕ ಒಂದು ಸೂಕ್ಷ$್ಮ ವಿಷಯವನ್ನು ಜನರಿಗೆ ತಲುಪಿಸುವ ಪ್ರಯತ್ನ ಮಾಡುತ್ತಿದ್ದೇನೆ. ನಮ್ಮ ಚಿತ್ರದಿಂದ ಜನರಲ್ಲಿ ಜಾಗೃತಿ ಮೂಡಿಸುವಂತಾಗಬೇಕು. ನಾನು ಶಾಲೆಯಲ್ಲಿ ಬಿ ಪ್ಲಸ್, ಸಿ ಪ್ಲಸ್ ಮಾರ್ಕ್ಸ್ ಪಡೆಯುತ್ತಿದ್ದೆ. ಈಗ "ಭೀಮ'ನಿಗೆ ಸೆನ್ಸಾರ್ನಲ್ಲಿ "ಎ' ಸಿಕ್ಕಿದೆ. ಕೆಲವು ಕಟ್ಸ್ ಮತ್ತು ಮ್ಯೂಟ್ ಮಾಡಲು ತಿಳಿಸಿದ್ದಾರೆ. ಅದರಂತೆ ಎಲ್ಲವನ್ನೂ ಮಾಡುತ್ತೇವೆ ' ಎಂದು ನಗುತ್ತಲೇ ಹೇಳಿಕೊಂಡರು.
ಹಾಗೇ ಕೆಲ ತಿಂಗಳಿನಿಂದ ಕನ್ನಡ ಸಿನಿಮಾಗಳಿಗೆ ಪ್ರೇಕ್ಷಕರು ಬಾರದ ಕಾರಣ ರಾಜ್ಯಾದ್ಯಂತ ಬಾಗಿಲು ಹಾಕಿದ್ದ 20 ಥಿಯೇಟರ್ಗಳು "ಭೀಮ'ನ ಮೂಲಕ ಮತ್ತೆ ಪ್ರದರ್ಶನ ಪ್ರಾರಂಭಿಸುತ್ತಿರುವ ಕುರಿತು ನಿರ್ಮಾಪಕರಾದ ಜಗದೀಶ್ ಮತ್ತು ಕೃಷ್ಣ ಸಾರ್ಥಕ್ ಸಂತಸ ವ್ಯಕ್ತಪಡಿಸಿದರು. ದುನಿಯಾ ವಿಜಯ್ಗೆ ಚಿತ್ರದಲ್ಲಿ ಅಶ್ವಿನಿ ಅಂಬರೀಶ್ ನಾಯಕಿಯಾಗಿದ್ದು, ಬ್ಲಾಕ್ ಡ್ರಾಗನ್ ಮಂಜು, ಪ್ರಿಯಾ ಶಠಮರ್ಷಣ, ಕಾಕ್ರೋಚ್ ಸುಧಿ, ರಂಗಾಯಣ ರು, ಕಲ್ಯಾಣಿ ರಾಜು, ಅಚ್ಯುತ್ ಕುಮಾರ್ ಪ್ರಮುಖ ತಾರಾಗಣದಲ್ಲಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಶಿವಸೇನಾ ಛಾಯಾಗ್ರಹಣ, ದೀಪು .ಎಸ್ ಕುಮಾರ್ ಸಂಕಲನ, ಮಾಸ್ತಿ ಸಂಭಾಷಣೆ, ವಿನೋದ್, ಚೇತನ್ ಡಿಸೋಜಾ, ಟೈಗರ್ ಶಿವ ಸಾಹಸ ನಿರ್ದೇಶನವಿರಲಿದೆ.