Rajinikanth 173rd film Dharman The Deadly Doctor
- ಸೂಪರ್ಸ್ಟಾರ್ ರಜನಿಕಾಂತ್ ಅವರ 173ನೇ ಸಿನಿಮಾದ ಹೆಸರು, ಫಸ್ಟ್ ಲುಕ್ ರಿಲೀಸ್
- 'ಧರ್ಮನ್' ಮೂಲಕ ರಜನಿಕಾಂತ್ ಮತ್ತು ಕಮಲ್ ಹಾಸನ್ ಮುಖಾಮುಖಿ
- ಧರ್ಮನ್ ದಿ ಡೆಡ್ಲಿ ಡಾಕ್ಟರ್ ಫಸ್ಟ್ ಲುಕ್ ರಿಲೀಸ್ ಮಾಡಿದ ಕಮಲ್ ಹಾಸನ್ ನಿರ್ಮಾಣ ಸಂಸ್ಥೆ
Dharman First Look: ಕಾಲಿವುಡ್ನ ಸೂಪರ್ಸ್ಟಾರ್ ರಜನೀಕಾಂತ್ರ 173ನೇ ಬಹುನಿರೀಕ್ಷಿತ ಚಿತ್ರದ ಶೀರ್ಷಿಕೆ ಮತ್ತು ಫಸ್ಟ್ ಲುಕ್ ಪೋಸ್ಟರ್ ಅನ್ನು ನಟ ಕಮಲ್ ಹಾಸನ್ ಕಮಲ್ ಹಾಸನ್ರ ನಿರ್ಮಾಣ ಸಂಸ್ಥೆಯಾದ 'ರಾಜ್ ಕಮಲ್ ಫಿಲ್ಮ್ಸ್ ಹಂಚಿಕೊಂಡಿದೆ.
ರಜನೀಕಾಂತ್ ಅವರ ಸಿನಿಮಾ ಬೆಳ್ಳೆತೆರೆ ಮೇಲೆ ಅಬ್ಬರಿಸಲು ಘೋಷಣೆಗಳ ಅಗತ್ಯವಿಲ್ಲ. ಕಾರ್ಯಕ್ರಮಗಳ ಅವಶ್ಯಕತೆ ಇಲ್ಲ. ಅವರ ಪೋಸ್ಟ್, ಫಸ್ಟ್ ಲುಕ್ ಸಾಕು ಅಭಿಮಾನಿಗಳಿಗೆ ಹಬ್ಬದೂಟ ಇದ್ದಂತೆ. ಈಗ ರಜನಿಕಾಂತ್ ಅವರ 173ನೇ ಚಿತ್ರ 'ಧರ್ಮನ್ ದಿ ಡೆಡ್ಲಿ ಡಾಕ್ಟರ್' ಸಹ ಸೋಶಿಯಲ್ ಮೀಡಿಯಾದಲ್ಲಿ ಅಬ್ಬರಿಸುತ್ತಿದೆ.
ಧರ್ಮನ್ ದಿ ಡೆಡ್ಲಿ ಡಾಕ್ಟರ್ ಫಸ್ಟ್ ಲುಕ್
ಧರ್ಮನ್ ದಿ ಡೆಡ್ಲಿ ಡಾಕ್ಟರ್ ಎನ್ನುವುದು ಸಿನಿಮಾದ ಟೈಟಲ್ ಆಗಿದ್ದು, ರಜನೀಕಾಂತ್ ಅವರ ರಕ್ತಸಿಕ್ತ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಕಮಲ್ ಹಾಸನ್ರ ನಿರ್ಮಾಣ ಸಂಸ್ಥೆಯಾದ 'ರಾಜ್ ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್' ಆನ್ಲೈನ್ ಪ್ಲಾಟ್ಫಾರ್ಮ್ನಲ್ಲಿ ಹಂಚಿಕೊಂಡಿದ್ದಾರೆ ಇದಕ್ಕೆ ಜಸ್ಟೀಸ್ ವಿಲ್ ಪ್ರಿವೇಲ್ ನ್ಯಾಯವೇ ಗೆಲ್ಲುವುದು ಎನ್ನುವ ಶೀರ್ಷಿಕೆ ಕೊಟ್ಟುಕೊಂಡಿದ್ದಾರೆ.
ದಿಗ್ಗಜ ನಟರ ಮುಖಾಮುಖಿ
ಇದು ರಜನೀಕಾಂತ್ ಅವರ 173ನೇ ಚಿತ್ರವಾಗಿರುವುದರಿಂದ ಮಾತ್ರವಲ್ಲದೆ, ಚಿತ್ರರಂಗದ ಇಬ್ಬರು ದಿಗ್ಗಜರಾದ ರಜನಿಕಾಂತ್ ಮತ್ತು ಕಮಲ್ ಹಾಸನ್ ಅವರ ಅಪರೂಪದ ಕಾಂಬಿನೇಷನ್ನಿಂದಾಗಿ ಜಾಗತಿಕ ಮಟ್ಟದಲ್ಲಿ ಭಾರೀ ನಿರೀಕ್ಷೆ ಹುಟ್ಟುಹಾಕಿದೆ.
ಚಿತ್ರದ ಪೋಸ್ಟರ್ನಲ್ಲಿ ಏನಿದೆ?
ರಜನೀಕಾಂತ್ ಅವರು ಪೋಸ್ಟರ್ನಲ್ಲಿ ಸರ್ಜಿಕಲ್ ಚಾಕು ಹಿಡಿದು, ಬಿಳಿ ಕ್ಲಿನಿಕಲ್ ಕೋಟ್ ಧರಿಸಿದ್ದಾರೆ. ವ್ಯಕ್ತಿಯೊಬ್ಬನ ಮೇಲೆ ಕಾಲಿಟ್ಟಿರುವಂತೆ ಕಂಡಿದ್ದು, ಶೂ ಅಲ್ಲಲ್ಲಿ ರಕ್ತಸಿಕ್ತವಾಗಿದೆ. ಅವರ ಮುಖದ ಮೇಲಿನ ವಿಶಿಷ್ಟ ನಗು, ಸಿಗ್ನೇಚರ್ ಸನ್ಗ್ಲಾಸ್ ಹಾಗೂ ಆಪರೇಷನ್ ಥಿಯೇಟರ್ನ ಹಿನ್ನೆಲೆ ನೋಡುಗರಲ್ಲಿ ತೀವ್ರ ಕುತೂಹಲ ಮೂಡಿಸಿದೆ.
ನಿರ್ದೇಶಕರ ಬದಲಾವಣೆ
2025ರಲ್ಲಿ ಈ ಚಿತ್ರ ಘೋಷಣೆಯಾದಾಗಿನಿಂದ ಹಲವು ಮಹತ್ವದ ಬೆಳವಣಿಗೆಗಳನ್ನು ಕಂಡಿದೆ. ಆರಂಭದಲ್ಲಿ ಈ ಬಿಗ್ ಬಜೆಟ್ ಚಿತ್ರವನ್ನು ಖ್ಯಾತ ನಿರ್ದೇಶಕ ಸುಂದರ್ ಸಿ ನಿರ್ದೇಶಿಸಬೇಕಿತ್ತು. ಆದರೆ, ಘೋಷಣೆಯಾದ ಕೆಲವೇ ದಿನಗಳಲ್ಲಿ ಅನಿವಾರ್ಯ ಮತ್ತು ಅನಿರೀಕ್ಷಿತ ಕಾರಣಗಳಿಂದಾಗಿ ಸುಂದರ್ ಸಿ ಈ ಪ್ರಾಜೆಕ್ಟ್ನಿಂದ ಹೊರನಡೆದರು.
ಅವರ ನಿರ್ಗಮನದ ನಂತರ, 'ಡಾನ್' ಚಿತ್ರದ ಖ್ಯಾತಿಯ ನಿರ್ದೇಶಕ ಸಿಬಿ ಚಕ್ರವರ್ತಿ ಅವರನ್ನು ಚಿತ್ರಕ್ಕೆ ಆಯ್ಕೆ ಮಾಡಲಾಯಿತು. ಅವರು ಚಿತ್ರದ ಪ್ರಿ-ಪ್ರೊಡಕ್ಷನ್ ಕೆಲಸಗಳಿಗಾಗಿ ಸಾಕಷ್ಟು ಸಮಯವನ್ನು ವಿನಿಯೋಗಿಸಿದ್ದರು. ಆದರೆ ನಂತರದ ದಿನಗಳಲ್ಲಿ ಅವರೂ ಸಹ ಚಿತ್ರದಿಂದ ಹೊರನಡೆದಿದ್ದರು. ಕೊನೆಗೂ ಈ ಎಲ್ಲಾ ಗೊಂದಲಗಳಿಗೆ ತೆರೆ ಬಿದ್ದಿದ್ದು, ಈಗ ಯುವ ನಿರ್ದೇಶಕ ಅಶ್ವತ್ ಮಾರಿಮುತ್ತು ಈ ಮೆಗಾ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ.
ಯಾರು ಈ ಅಶ್ವಥ್ ಮಾರಿಮುತ್ತು
ಅಶ್ವಥ್ ಮಾರಿಮುತ್ತು ಒಬ್ಬ ಯುವ ನಿರ್ದೇಶಕ ಇವರು, 2020 ರ ಓ ಮೈ ಕಡವುಲೆ ಸಿನಿಮಾದ ನಿರ್ದೇಶಿಸುವ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟರು. ನಂತರ ಇದು ಒರಿ ದೇವುಡ ಎಂದು ಟಾಲಿವುಡ್ಗೆ ರಿಮೇಕ್ ಆಯಿತು. ವೆಂಕಟೇಶ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. ಸಿನಿಮಾದಲ್ಲಿ ಮೌನಿಕಾ ರೆಡ್ಡಿ ಆಶಾ ಭಟ್ ನಟಿಸಿದ್ದರು. ನಂತರ ಡ್ರ್ಯಾಗನ್ ಸಿನಿಮಾವನ್ನು ಇದರಲ್ಲಿ ಪ್ರದೀಪ್ ರಂಗನಾಥನ್, ಕಯಾದು ಲೋಹರ್, ಅನುಪಮಾ ಪರಮೇಶ್ವರನ್ ಸೇರಿದಂತೆ ಹೆಸರಾಂತ ಕಲಾವಿದರು ನಟಿಸಿದ್ದರು.