ತಮಿಳು ಚಿತ್ರರಂಗದ ಸ್ಟಾರ್ ನಟ
- ಆರಂಭದಲ್ಲಿ ಚುಚ್ಚು ಮಾತುಗಳು, ಇಂದು ಅಭಿಮಾನಿಗಳ ಅಭಿಮಾನಕ್ಕಿಲ್ಲ ಕೊನೆ
- ತಮಿಳು ಚಿತ್ರರಂಗದ ಸ್ಟಾರ್ ನಟನ ಆರಂಭದ ಕಥೆಯಿದು
- ಅಪಾರ ಸಂಖ್ಯೆ ನೆಚ್ಚಿನ 'ಜನನಾಯಗನ್' ಈ ನಟ
ಚೆನ್ನೈ: ಚಿತ್ರರಂಗ ಅಂದಮೇಲೆ ಚುಚ್ಚು ಮಾತು, ಟೀಕೆಗಳು, ವ್ಯಂಗ್ಯಗಳು ತೀರ ಸಾಮಾನ್ಯ ಬಿಡಿ. ಈ ರೀತಿಯ ಕಹಿ ಅನುಭವಗಳು ಅನೇಕ ನಟ-ನಟಿಯರಿಗೆ ಆರಂಭದಲ್ಲಿ ಕಾಡಿರುವುದಂತು ಖಚಿತ. ಅಂತಹ ಹಲವಾರು ನಿದರ್ಶನಗಳು ಇಂದು ನಮ್ಮ ನಿಮ್ಮೆಲರ ಮುಂದಿದೆ.
ಚೊಚ್ಚಲ ಚಿತ್ರದಲ್ಲಿ ಹೀರೋ, ನಾಯಕ ನಟಿಯಾಗಿ ಹೊರಹೊಮ್ಮುವ ಆಸೆಯನ್ನು ಹೊತ್ತುಕೊಂಡು ಬರುವ ಅದೆಷ್ಟೋ ಕಲಾವಿದರು ಕೆಲವರು ಹಿಯಾಳಿಸುವ ರೀತಿಗೆ ಸೋತು, ವೃತ್ತಿಯಿಂದಲೇ ಎಕ್ಸಿಟ್ ಆಗಿಬಿಡುತ್ತಾರೆ. ಚುಚ್ಚು ಮಾತುಗಳಿಗೆ ನಾಯಕರಾಗಿರುವ ಅಂಥವರ ಮಾತುಗಳನ್ನು ಮನಸ್ಸಿಗೆ ತೆಗೆದುಕೊಂಡು ತಮ್ಮ ಕನಸನ್ನೇ ಮೊಟಕುಗೊಳಿಸುತ್ತಾರೆ. ಇನ್ನು ಕೆಲವರು ಎಷ್ಟೇ ಅಣಕಿಸಿ ಮಾತನಾಡಿದರು, ಕುಗ್ಗಿಸಲು ಪ್ರಯತ್ನಿಸಿದರು, ಅದಕ್ಕೆ ಜಗ್ಗದೆ ತಮ್ಮ ಸಾಧನೆ ಮುಖೇನ ಉತ್ತರಿಸುತ್ತಾರೆ. ಅದಕ್ಕೆ ಈ ನಟ ಕೂಡ ಒಂದು ಅತ್ಯುತ್ತಮ ಉದಾಹರಣೆ.
ತಮಿಳಿನ ಸ್ಟಾರ್ ಹೀರೋ
ಇಲ್ಲೊಬ್ಬ ಸ್ಟಾರ್ ನಟ ತಮ್ಮ ಆರಂಭದ ದಿನಗಳಲ್ಲಿ ನೋಡಿದ ಕಷ್ಟದ ದಿನಗಳನ್ನು ಅವರ ಸ್ನೇಹಿತರೊಬ್ಬರು ನೇರವಾಗಿ ಕಂಡಿದ್ದು, ಅದನ್ನು ಸಂದರ್ಶನವೊಂದರಲ್ಲಿ ಬಹಿರಂಗವಾಗಿ ಹಂಚಿಕೊಂಡಿದ್ದಾರೆ. ಅಷ್ಟಕ್ಕೂ ಯಾರು ಆ ಸೂಪರ್ಸ್ಟಾರ್? ಇವರು ಯಾವ ಚಿತ್ರರಂಗದವರು? ಈ ಘಟನೆಗಳನ್ನು ಮುಕ್ತವಾಗಿ ತಿಳಿಸಿದ ಅವರ ಸ್ನೇಹಿತರು ಯಾರು? ಎಂಬ ಪ್ರಶ್ನೆಗಳಿಗೆ ಇಲ್ಲಿದೆ ನೋಡಿ ಉತ್ತರ.
ತಮಿಳು ನಟ ವಿಶಾಲ್, ತಮ್ಮ ಆಪ್ತ ಸ್ನೇಹಿತರಾದ ಕಾಲಿವುಡ್ನ ದಳಪತಿ ವಿಜಯ್ ಅವರ ಕಷ್ಟದ ದಿನಗಳನ್ನು ಸಂದರ್ಶನವೊಂದರಲ್ಲಿ ಮೆಲುಕು ಹಾಕಿದ್ದರು. “ನಾನು ವಿಜಯ್ ಅವರನ್ನು ಕಾಲೇಜು ದಿನಗಳಿಂದಲೂ ನೋಡಿದ್ದೇನೆ. ಯಾಕಂದ್ರೆ, ಕಾಲೇಜಿನಲ್ಲಿ ವಿಜಯ್ ನನ್ನ ಸಹೋದರನ ಸೀನಿಯರ್ ಆಗಿದ್ದರು. ಹಾಗಾಗಿ ಅಂದಿನಿಂದಲೂ ಅವರ ಜೀವನದ ಗ್ರಾಫ್ ಹೇಗಿತ್ತು ಎಂಬುದನ್ನು ಹತ್ತಿರದಿಂದ ಕಂಡಿದ್ದೇನೆ” ಎಂದರು.
ಅವಮಾನ, ಸನ್ಮಾನ
“ವಿಜಯ್ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಆರಂಭದ ದಿನಗಳಲ್ಲಿ ಒಂದು ಪ್ರತ್ಯೇಕ ಮ್ಯಾಗ್ಜೀನ್ ಅವರ ಬಗ್ಗೆ ಕೆಟ್ಟದಾಗಿ ಬರೆದಿತ್ತು. ಇವನ ಮುಖ ನೋಡಲು ಚಿತ್ರಮಂದಿರಕ್ಕೆ ಹಣ ಕೊಟ್ಟು ಹೋಗಬೇಕಾ? ಎಂದು ವ್ಯಂಗ್ಯವಾಡಿತ್ತು. ಆದ್ರೆ, ಇದಕ್ಕೆ ತಲೆಕಡಿಸಿಕೊಳ್ಳದ ವಿಜಯ್, ತನ್ನ ಕೆಲಸಗಳನ್ನು ಮುಂದುವರೆಸಿ, ಹಲವಾರು ಸಿನಿಮಾಗಳನ್ನು ಮಾಡಿದರು. ಸತತ ಸಿನಿಮಾಗಳನ್ನು ಮಾಡಿದ ಬಳಿಕ ಅದೇ ಮ್ಯಾಗ್ಜೀನ್ನವರು, ವಿಜಯ್ ಬಗ್ಗೆ ಪಾಸಿಟಿವ್ ಆಗಿ ಬರೆದರು ಎಂದರು.
ಅಭಿಮಾನಿಗಳ 'ಜನನಾಯಗನ್'
ಇದು ದಳಪತಿ ವಿಜಯ್ ಅವರ ಯಶಸ್ಸು. ಇಷ್ಟು ವರ್ಷಗಳಿಂದ ನೋಡಿರುವಂತೆ ಅವರು ಏಣಿಯನ್ನು ಹಂತ ಹಂತವಾಗಿ ಹತ್ತಿಕೊಂಡು ಮತ್ತಷ್ಟು ಎತ್ತರಕ್ಕೆ ಬಂದಿದ್ದಾರೆ. ಇದು ಅಷ್ಟು ಸುಲಭದ ಮಾತಲ್ಲ ಎಂದು ವಿಶಾಲ್ ತಮ್ಮ ಗೆಳಯ ವಿಜಯ್ ಬಗ್ಗೆ ಗುಣಗಾನ ಮಾಡಿದ್ದು ವಿಶೇಷ. ಇನ್ನು ರಾಜಕೀಯಕ್ಕೆ ಎಂಟ್ರಿಕೊಟ್ಟಿರುವ ವಿಜಯ್, ತಮ್ಮ ಸಿನಿ ಪಯಣಕ್ಕೆ ಕೊನೆ ಚಿತ್ರ 'ಜನನಾಯಗನ್' ಮೂಲಕ ಗುಡ್ಬೈ ಹೇಳಲು ಸಜ್ಜಾಗಿದ್ದಾರೆ. ಆದ್ರೆ, ಒಂದಷ್ಟು ಅಡಚಣೆಗಳಿಂದ ಚಿತ್ರದ ರಿಲೀಸ್ ವಿಳಂಬವಾಗಿದೆ,(ಏಜೆನ್ಸೀಸ್).