ಬೆಂಗಳೂರು: ಕನ್ನಡದ ಸಿನಿಮಾಗಳು ನೇರವಾಗಿ ಒಟಿಟಿಯಲ್ಲಿ ತೆರೆಕಾಣುವುದು ತುಂಬ ಅಪರೂಪ. ಈ ಹಿಂದೆ ಪುನೀತ್ ರಾಜಕುಮಾರ್ ನಿರ್ವಣದ ‘ಲಾ’ ಮತ್ತು ‘ಫ್ರೆಂಚ್ ಬಿರಿಯಾನಿ’ ಸಿನಿಮಾಗಳು ಅಮೆಜಾನ್ನಲ್ಲಿ ಬಿಡುಗಡೆಯಾಗಿದ್ದನ್ನು ಬಿಟ್ಟರೆ, ಮತ್ಯಾವ ಚಿತ್ರಗಳೂ ಆ ಸಾಹಸಕ್ಕೆ ಕೈ ಹಾಕಿರಲಿಲ್ಲ. ಇದೀಗ ‘ಇಕ್ಕಟ್’ ಚಿತ್ರ ನೇರವಾಗಿ ಒಟಿಟಿ ಹಾದಿ ಹಿಡಿದಿದೆ. ಇದೇ ತಿಂಗಳು 21ರಂದು ಸ್ಟ್ರೀಮಿಂಗ್ ಆರಂಭಿಸಲಿದೆ. ‘ಇಕ್ಕಟ್’ ಸಿನಿಮಾ ಶೀರ್ಷಿಕೆಗೆ ತಕ್ಕಂತೆಯೇ ಕಥಾಹಂದರ ಹೊಂದಿದೆ. ವಿಚ್ಛೇದನ ಬಯಸುವ ದಂಪತಿ, ಇನ್ನೇನು ಡಿವೋರ್ಸ್ಗೆ ಮುಂದಾಗುತ್ತಾರೆ ಎಂದಾದಾಗ ಲಾಕ್ಡೌನ್ ಘೋಷಣೆ ಆಗುತ್ತದೆ. ಆಗ ಆ ಜೋಡಿಯ ವ್ಯಥೆ ಎಂಥದ್ದು ಎಂಬುದನ್ನು ಹಾಸ್ಯದ ರೂಪದಲ್ಲಿ ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕರಾದ ಇಶಮ್ ಮತ್ತು ಹಸೀನ್ ಖಾನ್. ನಾಗಭೂಷಣ್ ಮತ್ತು ‘ಬಿಗ್ಬಾಸ್’ ಖ್ಯಾತಿಯ ನಟಿ ಭೂಮಿ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಸುಂದರ್ ವೀಣಾ, ಆನಂದ್ ನೀನಾಸಂ ಇನ್ನುಳಿದ ಪಾತ್ರ ವರ್ಗ ದಲ್ಲಿದ್ದಾರೆ. ‘ಲೂಸಿಯಾ’ ಪವನ್ ಕುಮಾರ್ ಈ ಚಿತ್ರಕ್ಕೆ ಸಾಥ್ ನೀಡಿದ್ದಾರೆ.
ಬರುತ್ತಿವೆ ಸಾಲು ಸಾಲು ಚಿತ್ರಗಳು: ಕನ್ನಡದಲ್ಲಿ ‘ಇಕ್ಕಟ್’ ಚಿತ್ರ 21ರಂದು ಬಿಡುಗಡೆ ಆಗುತ್ತಿದ್ದರೆ, ಪರಭಾಷೆಯ ಹಲವು ಸಿನಿಮಾಗಳೂ ಸಾಲಿನಲ್ಲಿವೆ. ಆ ಪೈಕಿ ಅತಿ ಹೆಚ್ಚು ನಿರೀಕ್ಷೆ ಮೂಡಿಸಿರುವ, ಟೀಸರ್ ಮೂಲಕ ಸದ್ದು ಮಾಡಿರುವ ‘ತೂಫಾನ್’ ಚಿತ್ರ 16ಕ್ಕೆ ಪ್ರಸಾರ ಆರಂಭಿಸಲಿದೆ. ಮಲಯಾಳಂನಲ್ಲಿ ಫಹಾದ್ ಫಾಸಿಲ್ ನಟಿಸಿರುವ ‘ಮಲಿಕ್’ ಜುಲೈ 15 ಮತ್ತು ಆರ್ಯ ನಟಿಸಿರುವ ತಮಿಳಿನ ‘ಸರ್ಪಟ್ಟ’ ಚಿತ್ರ 22ಕ್ಕೆ ಸ್ಟ್ರೀಮ್ ಆಗಲಿದೆ. 24ಕ್ಕೆ ವೆಂಕಟೇಶ್ ಅಭಿನಯದ ‘ನಾರಪ್ಪ’, ಇದರ ಜತೆಗೆ ‘ಹಾಸ್ಟೆಲ್ ಡೇಸ್’, ‘ಟಾಮ್ ಆಂಡ್ ಜೆರ್ರಿ’ ಸೇರಿ ಹಲವು ಇಂಗ್ಲಿಷ್ ಸಿನಿಮಾಗಳೂ ಇದೇ ತಿಂಗಳಲ್ಲಿ ಅಮೆಜಾನ್ನಲ್ಲಿ ರಿಲೀಸ್ ಆಗಲಿವೆ.
ಬರುತ್ತಿವೆ ಸಾಲು ಸಾಲು ಚಿತ್ರಗಳು: ಕನ್ನಡದಲ್ಲಿ ‘ಇಕ್ಕಟ್’ ಚಿತ್ರ 21ರಂದು ಬಿಡುಗಡೆ ಆಗುತ್ತಿದ್ದರೆ, ಪರಭಾಷೆಯ ಹಲವು ಸಿನಿಮಾಗಳೂ ಸಾಲಿನಲ್ಲಿವೆ. ಆ ಪೈಕಿ ಅತಿ ಹೆಚ್ಚು ನಿರೀಕ್ಷೆ ಮೂಡಿಸಿರುವ, ಟೀಸರ್ ಮೂಲಕ ಸದ್ದು ಮಾಡಿರುವ ‘ತೂಫಾನ್’ ಚಿತ್ರ 16ಕ್ಕೆ ಪ್ರಸಾರ ಆರಂಭಿಸಲಿದೆ. ಮಲಯಾಳಂನಲ್ಲಿ ಫಹಾದ್ ಫಾಸಿಲ್ ನಟಿಸಿರುವ ‘ಮಲಿಕ್’ ಜುಲೈ 15 ಮತ್ತು ಆರ್ಯ ನಟಿಸಿರುವ ತಮಿಳಿನ ‘ಸರ್ಪಟ್ಟ’ ಚಿತ್ರ 22ಕ್ಕೆ ಸ್ಟ್ರೀಮ್ ಆಗಲಿದೆ. 24ಕ್ಕೆ ವೆಂಕಟೇಶ್ ಅಭಿನಯದ ‘ನಾರಪ್ಪ’, ಇದರ ಜತೆಗೆ ‘ಹಾಸ್ಟೆಲ್ ಡೇಸ್’, ‘ಟಾಮ್ ಆಂಡ್ ಜೆರ್ರಿ’ ಸೇರಿ ಹಲವು ಇಂಗ್ಲಿಷ್ ಸಿನಿಮಾಗಳೂ ಇದೇ ತಿಂಗಳಲ್ಲಿ ಅಮೆಜಾನ್ನಲ್ಲಿ ರಿಲೀಸ್ ಆಗಲಿವೆ.
ಇವೆಲ್ಲ ಬಿಡುಗಡೆಯಾಗಲಿಕ್ಕಿರುವ ಹೊಸ ಚಿತ್ರಗಳ ಪಟ್ಟಿಯಾದರೆ, ಎರಡು ವರ್ಷಗಳ ಹಿಂದೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದ್ದ ಭುವನ್ ಪೊನ್ನಣ್ಣ ಅಭಿನಯದ ‘ರಾಂಧವ’ ಈಗಾಗಲೇ ಸದ್ದಿಲ್ಲದೆ ಅಮೆಜಾನ್ನಲ್ಲಿ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ಭುವನ್ಗೆ ನಾಯಕಿಯಾಗಿ ಅಪೂರ್ವ ಶ್ರೀನಿವಾಸನ್ ನಟಿಸಿದ್ದು, ಮಿಕ್ಕಂತೆ ಜಹಾಂಗೀರ್, ಯಮುನಾ ಶ್ರೀನಿಧಿ ಮುಂತಾದವರು ನಟಿಸಿದ್ದಾರೆ.