Shraddha Kapoor: ಬಾಲಿವುಡ್ನಲ್ಲಿ ತನ್ನದೇ ಆದ ವಿಭಿನ್ನ ಪಾತ್ರ, ವಿನೂತನ ಅಭಿನಯ ಹಾಗೂ ತನ್ನದೇ ಆದ ಫ್ಯಾನ್ ಬೇಸ್ ಹೊಂದಿರುವ ನಟಿ ಎಂದರೆ ಅದು ಶ್ರದ್ಧಾ ಕಪೂರ್ ಆಗಿದ್ದಾರೆ. ಈಗ, ಶ್ರದ್ಧಾ ಕಪೂರ್ ಲಾವಣಿ ಹಾಗೂ ತಮಾಷಾ ನಾಟ್ಯ ಕಲೆಯ ದಂತಕತೆ ಎಂದೇ ಕರೆಯಲಾಗುವ ವಿಠಾಬಾಯಿ ನಾರಾಯಣಗಾಂವ್ಕರ್ ಅವರ ಜೀವನಾಧಾರಿತ ಸಿನಿಮಾ "ಈಥಾ" ದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಈ ಸಿನಿಮಾದ ಟ್ರೇಲರ್ ಅಕ್ಟೋಬರ್ 30 ರಂದು ಬಿಡುಗಡೆಯಾಗಿದೆ. ಇನ್ನು ಸಿನಿಮಾ ಡಿಸೆಂಬರ್ 4 ರಂದು ತೆರೆಕಾಣಲಿದೆ. ಹೀಗಾಗಿ ಈ ಸಿನಿಮಾದ ಟ್ರೇಲರ್ ಲಾಂಚ್ ಸಲುವಾಗಿ ಶ್ರದ್ಧಾ ಫೋಟೊಶೂಟ್ ನಡೆಸಿದ್ದು, ಅಲ್ಲಿ ಕ್ಲಿಕ್ಕಿಸಿಕೊಂಡ ಕೆಲ ಫೋಟೊಗಳನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.