ತನ್ನನ್ನು ಬೆನ್ನಟ್ಟಿದ ಪಾಪರಾಜಿಗಳ ಹಿಂದೆ ನಡೆದುಕೊಂಡು ಹೋಗುತ್ತಿರುವ ಬಾಲಿವುಡ್ ನಟಿ ತಾರಾ ಸುತಾರಿಯಾ
ಮುಂಬೈ: ಪಾಪಾರಾಜಿಗಳು ಹಾಗೂ ಸೆಲೆಬ್ರಿಟಿಗಳ ನಡುವಿನ ಜಟಾಪಟಿ ನಿನ್ನೆ-ಮೊನ್ನೆಯದಲ್ಲ. ವಿಡಿಯೋ ಮಾಡುವ ನೆಪದಲ್ಲಿ ಕಲಾವಿದರ ಅದರಲ್ಲೂ ನಟಿಯರ ತೀವಾ ಹತ್ತಿರಕ್ಕೆ ಹೋಗುವುದು, ಅಗತ್ಯಕ್ಕಿಂತ ಹೆಚ್ಚಿನ ಜೂಮ್ ಮಾಡುವುದು ಪಾಪಾರಾಜಿಗಳ ಕೆಟ್ಟ ಚಾಳಿಯಾಗಿದೆ.
ನಟಿಯರು ಏರ್ಪೋರ್ಟ್, ಜಿಮ್, ಶೂಟಿಂಗ್, ಪಾರ್ಟಿ ಎಲ್ಲಿಗೆ ಹೋದರು ಅವರ ನೆರಳಂತೆ ಈ ಪಾಪಾರಾಜಿಗಳ ಹಿಂಬಾಲಿಸುತ್ತಾರೆ. ಇದರಿಂದ ನಟಿಯರ ವಿಡಿಯೋಗಳೇನೋ ವೈರಲ್ ಆಗುತ್ತದೆ. ಆದರೆ, ಅವರ ಖಾಸಗಿತನಕ್ಕೆ ಕೂಡ ಧಕ್ಕೆ ಉಂಟಾಗುತ್ತಿದೆ.
ಈದೀಗ ಇದೇ ರೀತಿಯ ಘಟನೆಯೊಂದು ನಡೆದಿದ್ದು, ಬಾಲಿವುಡ್ ನಟಿ, ಟಾಕ್ಸಿಕ್ ಸುಂದರಿ ತಾರಾ ಸುತಾರಿಯಾ (Tara Sutaria) ಪಾಪಾರಾಜಿಯೊಬ್ಬರ ಅತಿರೇಕದ ವರ್ತನೆಗೆ ಕೋಪಗೊಂಡು, ಅವರ ಮೊಬೈಲ್ನ್ನು ತಳ್ಳಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾನಲ್ಲಿ ಸಕ್ಕತ್ ವೈರಲ್ ಆಗುತ್ತಿದೆ.
ವಿಡಿಯೋನಲ್ಲೇನಿದೆ?
ಸಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋನಲ್ಲಿ ನಟಿ ತಾರಾ ಸುತಾರಿಯಾ ಬಿಳಿ ಬಣ್ಣದ ಸುಂದರವಾದ ಡ್ರೆಸ್ ಧರಿಸಿ ಕಾರ್ಯಕ್ರಮವೊಂದಕ್ಕೆ ಹೊರಡುತ್ತಿರುವಾಗ, ಪಾಪಾರಾಜಿಗಳು ನಟಿಗೆ ಮುತ್ತಿಗೆ ಹಾಕಿದ್ದಾರೆ.
ತಮ್ಮ ಎಂದಿನ ಚಾಳಿಯಂತೆ, ಮ್ಯಾಮ್..ಮ್ಯಾಮ್..ತಾರಾ..ತಾರಾ... ಫೋಟೊ..ಫೋಟೊ ಎನ್ನಲು ಶುರುವಿಟ್ಟಿದ್ದಾರೆ. ಆದರೆ ನಟಿ ಒಂದು ಕಡೆ ನಿಂತು ಫೋಟೊಗೆ ಪೋಸ್ ಕೊಡಲು ಸಾಧ್ಯವಾಗುವ ಸ್ಥಿತಿಯಲ್ಲಿರದ ಕಾರಣ, ಬೇಗನೆ ಅಲ್ಲಿಂದ ಹೊರಡಲು ಮುಂದಾಗಿದ್ದಾರೆ.
ಭದ್ರತಾ ಸಿಬ್ಬಂದಿ ಕೂಡ ಛತ್ರಿಯನ್ನು ಹಿಡಿಯುವ ಮೂಲಕ ಕ್ಯಾಮರಾಗಳಿಗೆ ಫೋಟೊ ತೆಗೆದುಕೊಳ್ಳಲು ಕಷ್ಟಮಾಡಿದ್ದಾರೆ. ಈ ಸಂದರ್ಭದಲ್ಲಿ ಒಬ್ಬ ಪಾಪಾರಾಜಿ ಒತ್ತಾಯ ಪೂರ್ವಕವಾಗಿ ವಿಡಿಯೋ ಮಾಡಲು ಮುಂದಾದಾಗ ತಾರಾ, ಆತನ ಪೋನ್ಅನ್ನು ತಳ್ಳಿದ್ದಾಳೆ. ಈಗ ಈ ತಳ್ಳಿರುವ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.
ನೆಟ್ಟಿಗರ ರಿಯಾಕ್ಷನ್ ಹೇಗಿದೆ?
ತಾರಾ ಸುತಾರಿಯಾಳ ಈ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಪಾಪಾರಾಜಿಗಳ ಮೇಲೆ ಹರಿಹಾಯ್ದಿದ್ದಾರೆ. ಇತ್ತೀಚೆಗೆ ಈ ಪಾಪಾರಾಜಿಗಳ ವರ್ತನೆ ತೀರಾ ಅತಿರೇಕ ಎಂಬಂತೆ ಅನ್ನಿಸುತ್ತಿದೆ. ಇದಕ್ಕೆ ಏನಾದರೂ ಒಂದು ಕ್ರಮ ಕೈಗೊಳ್ಳಬೇಕೆಂದು ಒಬ್ಬ ಬಳಕೆದಾರರು ಕಮೆಂಟ್ ಮಾಡಿದ್ದಾರೆ.
ಮೊದಲು ಈ ನಟಿಯರೇ, ಈ ಪಾಪಾರಾಜಿಗಳಿಗೆ ದುಡ್ಡುಕೊಟ್ಟು ಕರೆಸಿಕೊಳ್ಳುತ್ತಿದ್ದರು. ಈಗ ಇವರ ಕಾಟವನ್ನು ಅನುಭವಿಸಲು ಆಗುತ್ತಿಲ್ಲ, ಕರ್ಮ ರಿರ್ಟನ್ಸ್ ಎಂದು ಇನ್ನೊಬ್ಬರು ಬರೆದಿದ್ದಾರೆ. ಕಲಾವಿದರು ಎಂದ ಮಾತ್ರಕ್ಕೆ ಅವರು, ಸಾರ್ವಜನಿಕ ಸರಕಲ್ಲ. ದಯವಿಟ್ಟು ಅವರ ಖಾಸಗಿತನವನ್ನು ಗೌರವಿಸಿ ಎಂದು ಮತ್ತೊಬ್ಬರು ಪಾಪಾರಾಜಿಗಳಿಗೆ ಬುದ್ಧಿಮಾತು ಹೇಳಿದ್ದಾರೆ, (ಏಜನ್ಸೀಸ್).