ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
"ಬಿಗ್ಬಾಸ್ ಕನ್ನಡ ಸೀಸನ್ 11'ಕ್ಕೆ ಕ್ಷಣಗಣನೆ ಆರಂಭವಾಗಿದೆ. "ಬಿಬಿಕೆ 11' ಘೋಷಣೆ ಆದಾಗಿನಿಂದ ಬಿಗ್ಬಾಸ್ ಮನೆ ಸೇರಲಿರುವ 16 ಸ್ಪರ್ಧಿಗಳು ಯಾರು ಎಂಬ ಚರ್ಚೆಯೂ ಜೋರಾಗಿ ನಡೆಯುತ್ತಿದೆ. ಅವರಲ್ಲಿ ಐವರು ಸ್ಪರ್ಧಿಗಳ ಹೆಸರು ಇಂದು ರಾತ್ರಿ "ರಾಜಾರಾಣಿ ಗ್ರಾ$ಂಡ್ ಫಿನಾಲೆ'ಯಲ್ಲಿ ಹೊರಬೀಳಲಿದ್ದು, ಉಳಿದ 11 ಸ್ಪರ್ಧಿಗಳ ಬಗ್ಗೆ ನಾಳೆ ಬಿಗ್ಬಾಸ್ ಓಪನಿಂಗ್ ಸಂಚಿಕೆಯಲ್ಲಿ ಗೊತ್ತಾಗಲಿದೆ. ಅದರ ನಡುವೆಯೇ ಜಾಲತಾಣದಲ್ಲಿ ಬಿಗ್ಬಾಸ್ ಮನೆ ಸೇರಲಿರುವ ಸೆಲೆಬ್ರಿಟಿಗಳ ಬಗ್ಗೆ ರಿಯಾಲಿಟಿ ಶೋ ಅಭಿಮಾನಿಗಳೇ ಲೆಕ್ಕಾಚಾರ ಹಾಕುತ್ತಿದ್ದು, ಹಲವರ ಹೆಸರು ಕೇಳಿಬರುತ್ತಿದೆ.
ಬಿಗ್ಬಾಸ್ ಸ್ಪರ್ಧಿಗಳು ಇವರೇನಾ?
ನಟ ಕಿರಣ್ ರಾಜ್, ನಟಿ ಹರಿಪ್ರಿಯಾ, ಸೋಷಿಯಲ್ ಮೀಡಿಯಾ ತಾರೆ ಭೂಮಿಕಾ ಬಸವರಾಜ್, ಐಶ್ವರ್ಯಾ ಸಿಂಧೋಗಿ, ಪ್ರೇಮಾ, ಗೌತಮಿ ಜಾಧವ್, ಮೋತಾ ಪೈ, ಪಂಕಜ್ ನಾರಾಯಣ್, ತಾನ್ವಿ ರಾವ್, ತ್ರಿವಿಕ್ರಮ್, ನಿರೂಪಕ ಹರೀಶ್ ನಾಗರಾಜ್, ಖುಷಿ ಗೌಡ, ಭಾವನಾ ಮೆನನ್, ಧರ್ಮ ಕೀರ್ತಿರಾಜ್, ರಂಜಿತ್ ಕುಮಾರ್, ರಾವೇಂದ್ರ, ಅದ್ವಿತಿ ಶೆಟ್ಟಿ, ಅಶ್ವಿತಿ ಶೆಟ್ಟಿ, ಹುಲಿ ಕಾರ್ತಿಕ್, ಚೇತನ್ ಚಂದ್ರ, ಜಗಪ್ಪ, ಐಶ್ವರ್ಯಾ ರಂಗರಾಜನ್, … ಹೀಗೆ ಬಿಗ್ಬಾಸ್ ಕನ್ನಡ ಸೀಸನ್ 11ರ ಮನೆ ಸೇರಲಿದ್ದಾರೆ ಎಂದು ಹಲವರ ಹೆಸರು ಜಾಲತಾಣದಲ್ಲಿ ಓಡಾಡುತ್ತಿದೆ.
ನನಗೆ ನಾನೇ ಬಾಸು!
ಆದರೆ, ಕೆಲ ತಾರೆಯರು ಬಿಗ್ಬಾಸ್ ಮನೆಗೆ ಹೋಗುತ್ತಿಲ್ಲ, ಅದೆಲ್ಲ ರೂಮರ್ ಅಷ್ಟೇ ಎಂದು ಗಾಳಿಸುದ್ದಿಗೆ ಬ್ರೇಕ್ ಹಾಡಿದ್ದಾರೆ. ಸದ್ಯ "ರಾನಿ' ಚಿತ್ರದ ಯಶಸ್ಸಿನ ಸಂಭ್ರಮದಲ್ಲಿರುವ "ಕನ್ನಡತಿ' ಧಾರಾವಾಹಿ ಖ್ಯಾತಿಯ ನಟ ಕಿರಣ್ ರಾಜ್ ಹೆಸರು ಈ ಬಾರಿಯ ಬಿಬಿಕೆಯಲ್ಲಿ ಕೇಳಿಬರುತ್ತಿದೆ. ಈ ಬಗ್ಗೆ ಖುದ್ದು ಕಿರಣ್ ಪ್ರತಿಕ್ರಿಯೆ ನೀಡಿದ್ದು, ""ರಾನಿ' ಚಿತ್ರಕ್ಕೆ ಪ್ರೀತಿ ನೀಡಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಆದರೆ, ಬಿಗ್ಬಾಸ್ ಎಂಟ್ರಿ ಒಂದು ರೂಮರ್ ಅಷ್ಟೇ. ಅದು ನಿಜವಲ್ಲ' ಎಂದು ಸ್ಪಷ್ಟನೆ ನೀಡಿದ್ದಾರೆ. ಮತ್ತೊಂದೆಡೆ ನಟಿ ಹರಿಪ್ರಿಯಾ ಕೂಡ ಬಿಗ್ಬಾಸ್ ಮನೆ ಸೇರಲಿದ್ದಾರೆ ಎಂಬ ಸುದ್ದಿ ಹಬ್ಬಿದ್ದು, ಅದಕ್ಕವರು, "ಇಲ್ಲಪ್ಪಾ ಇಲ್ಲ..!! ನನಗೆ ನಾನೆ ಬಾಸು. ನಾನು ನಮ್ಮ ಮನೆ ಬಿಟ್ಟು ಯಾವ ಮನೆಗೂ ಹೋಗುತ್ತಿಲ್ಲ' ಎಂದು ಹೇಳಿಕೊಂಡಿದ್ದಾರೆ.
ಒಂದು ಅವಕಾಶ ಕೊಡಿ…
ನಟ, ನಿರ್ದೇಶಕ ಹುಚ್ಚ ವೆಂಕಟ್ ಬಿಗ್ಬಾಸ್ ಸೀಸನ್ 3ರಲ್ಲಿ ಸ್ಪರ್ಧಿಸಿದ್ದರು. ಆದರೆ, ಅಲ್ಲಿ ಗಲಾಟೆ ಮಾಡಿಕೊಂಡು ಅವರು ಮನೆ ಸೇರಿದ 21 ದಿನಗಳಲ್ಲೇ ಗಲಾಟೆ ಮಾಡಿಕೊಂಡು ಹೊರಹಾಕಲ್ಪಟ್ಟರು. ಇದೀಗ ವೆಂಕಟ್, "ನನಗೆ ಒಂದು ಅವಕಾಶ ಕೊಡಿ. ಯಾವುದೇ ರೀತಿಯ ಗಲಾಟೆ ಮಾಡುವುದಿಲ್ಲ, ಎಲ್ಲ ಟಾಸ್ಕ್ಗಳನ್ನೂ ಮಾಡುತ್ತೇನೆ. ಒಂದು ದಿನದ ಮಟ್ಟಿಗೆ, ಒಂದು ವಾರಕ್ಕೆ ಅಥವಾ ಪೂರ್ತಿ ಸೀಸನ್ಗಾದರೂ ಸರಿ ಬರುತ್ತೇನೆ' ಎಂದು ಕೇಳಿಕೊಂಡಿದ್ದಾರೆ.