ಬಿಗ್ಬಾಸ್ ಮನೆಯಲ್ಲಿ ಎಲಿಮಿನೇಷನ್ ಕಾವು
ಟ್ವಿಸ್ಟ್ ಮೇಲೆ ಟ್ವಿಸ್ಟ್ಗೆ ಸ್ಟನ್ ಆದ ವೀಕ್ಷಕರು, ಸ್ಪರ್ಧಿಗಳು
ತಾಂಡವ್ ಮತ್ತೆ ಬಿಗ್ಬಾಸ್ ಮನೆಗೆ ವಾಪಸ್ ಬರುವ ನಿರೀಕ್ಷೆ
Bigg Boss Kannada 13: ಮಿಡ್ವೀಕ್ ಎಲಿಮಿನೇಷನ್ನ ಟ್ವಿಸ್ಟ್ಗಳಿಂದ ಸ್ಪರ್ಧಿಗಳು ಜರ್ಜರಿತರಾಗಿದ್ದಾರೆ. ಯಾವ ಸಮಯದಲ್ಲಿ ಯಾರು ಔಟ್ ಆಗುತ್ತಾರೆ ಎನ್ನುವುದನ್ನೇ ಅರಿಯದೆ ಕಕ್ಕಾಬಿಕ್ಕಿಯಾಗಿ ನೋಡುತ್ತಿದ್ದಾರೆ. ಸದ್ಯ ಎಮರ್ಜೆನ್ಸಿ ಎಕ್ಸಿಟ್ನಿಂದ ತಾಂಡವ್ ರಾಮ್ ಅವರು ಎಲಿಮಿನೇಟ್ ಆಗಿದ್ದು, ಮನೆ ಮಂದಿಗೆ ಮಾತ್ರ ಅಘಾತವನ್ನುಂಟು ಮಾಡಿದೆ. ಇಡೀ ಎಪಿಸೋಡ್ ವೀಕ್ಷಕರಿಗೆ ತಲೆಯೊಳಗೆ ಹುಳ ಬಿಟ್ಟುಕೊಂಡಂತಾಗಿದೆ. ಈ ಶಾಕ್ ಮಧ್ಯೆ ಪ್ರೇಕ್ಷಕರ ವಲಯದಲ್ಲಿ ಕೇಳಿಬರುತ್ತಿರುವ ವಿಚಾರ ಏನೆಂದರೆ, ಅದು ತಾಂಡವ್ ಎಲಿಮಿನೇಟ್ ಆಗಿಲ್ಲ. ಸೀಕ್ರೆಟ್ ರೂಮ್ನಲ್ಲಿದ್ದಾರೆ ಎಂದು.
ಹೌದು ಎಕ್ಸ್ನಲ್ಲಿ ಸಾಕಷ್ಟು ಜನರು ಈ ಬಗ್ಗೆ ಚರ್ಚೆ ಮುಂದಿಟ್ಟಿದ್ದಾರೆ. ಜನರ ಮನ ಗೆದ್ದಿದ್ದ, ಬಿಗ್ ಬಾಸ್ ಮನೆಯೊಳಗೆ ತನ್ನದೇ ಆದ ಛಾಪು ಮೂಡಿಸಿದ್ದ ಮತ್ತು ವಿನ್ನರ್ ರೇಸ್ನಲ್ಲಿದ್ದ ತಾಂಡವ್ ಎಮರ್ಜೆನ್ಸಿ ಎಕ್ಸಿಟ್ ಆಗಿಲ್ಲ ಅವರು ಸೋಮವಾರದಿಂದ ಉತ್ತಮವಾಗಿ ಕಂಬ್ಯಾಕ್ ಆಗಲಿದ್ದಾರೆ ಎನ್ನಲಾಗುತ್ತಿದೆ.
Honest Review 2.0 ಎನ್ನುವ ಖಾತೆಯಿಂದ ಪೋಸ್ಟ್ ಹಂಚಿಕೊಂಡಿದ್ದು, ತಾಂಡವ್ ಬಿಗ್ಬಾಸ್ ಮನೆಗೆ ವಾಪಸ್ ತೆರಳುತ್ತಾರೆ. ಇದು ಖಚಿತ ಎಂದು ಬರೆದುಕೊಂಡಿದ್ದಾರೆ. ಪ್ರತಿಬಾರಿ ಪ್ರಾಂಕ್ ಎಲಿಮಿನೇಷನ್ ಸರಿಯಲ್ಲ ಎಂದು ಇದಕ್ಕೆ ಹಲವರು ಕಿಡಿಕಾರಿದ್ದಾರೆ.
ಬಿಬಿಕೆ 13 ಭಾರಿ ವೈಫಲ್ಯ ಕಾಣುತ್ತಿದೆ. ಲಿಖಿತ್, ಸೌಂದರ್ಯ ಶೆಟ್ಟಿ, ಮಂಜ, ವೈಷ್ಣವಿ ಆಯ್ಕೆ. ಇದು ಕೆಟ್ಟದಾಗಿದೆ. ತಾಂಡವ್ ಪ್ರಾಂಕ್ ಎಲಿಮಿನೇಷನ್ ಅನ್ನೋದು ಸರಿಯಲ್ಲ. ಇಂತಹ ಅಸಂಬದ್ಧತೆಯನ್ನು ನಿಲ್ಲಿಸಿ ಅಥವಾ ಸುದೀಪ್ ಸರ್ ಈ ಶೋಗೆ ನೀವು ನಿರೂಪಕರಾಗೋದನ್ನು ದಯವಿಟ್ಟು ನಿಲ್ಲಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ ನೆಟ್ಟಿಗರೊಬ್ಬರು.
ಇಷ್ಟಾದರೂ ಕಿಚ್ಚ ಸುದೀಪ್ ಅವರ ವಾರದ ಕತೆ ಕಿಚ್ಚನ ಜೊತೆ ಎಪಿಸೋಡ್ನಲ್ಲಿ ಅಸಲಿ ಸತ್ಯ ಬೆಳಕಿಗೆ ಬರುತ್ತದೆ. ಸದ್ಯ ವೀಕ್ಷಕರಿಗೆ ಅಂತಿಮವಾಗಿ ಹೊರಬರುವ ಸ್ಪರ್ಧಿ ಯಾರು?, ತಾಂಡವ್ ವಾಪಸ್ ಬರುತ್ತಾರೆಯೇ ಎನ್ನುವುದನ್ನು ಕೊನೇ ಕ್ಷಣದವರೆಗೂ ಊಹಿಸಲು ಸಾಧ್ಯವಾಗದಂತೆ ಪರಿಸ್ಥಿತಿಯಾಗಿ ಬದಲಾಗಿದೆ.
ಸದ್ಯ ಪ್ರೇಕ್ಷಕರ ವಲಯದಲ್ಲಿ ತಾಂಡವ್ ರಾಮ್ನಂತಹ ಉತ್ತಮ ಸ್ಪರ್ಧಿ ಎಮರ್ಜೆನ್ಸಿ ಎಕ್ಸಿಟ್ ಆಗಿರುವುದು ಬಿಗ್ಬಾಸ್ ವಲಯಕ್ಕೆ ದೊಡ್ಡ ಹಿನ್ನಡೆ ಎನ್ನುತ್ತಿದ್ದಾರೆ. ತಾಂಡವ್ನಿಂದ ಮನೆಯಲ್ಲಿ ಕೊಂಚ ರಸಮಯ ಕ್ಷಣಗಳು ಇರುತ್ತಿದ್ದವು. ಈಗ ಅದು ಇಲ್ಲದಂತಾಗುತ್ತದೆ ಎಂದಿದ್ದಾರೆ.
ಎಲಿಮಿನೇಷನ್ ಇದೆ ಅನ್ನೋದು ಗೊತ್ತಿತ್ತು. ಮಂಜ ಅಥವಾ ಲಿಖಿತ್ , ಜಗದೀಶ್ ಮನೆಯಿಂದ ಹೊರ ಹೋಗುತ್ತಾರೆ ಎನ್ನುವ ಊಹೆಯನ್ನು ಮಾಡಲಾಗಿತ್ತು. ಆದರೆತಾಂಡವ್ ಹೊರಹೋಗುತ್ತಾರೆ ಎಂದು ಯಾರೂ ಊಹಿಸಿರಲಿಲ್ಲ! ಎಂಬ ಮಾತು ಈಗ ದೊಡ್ಮನೆಯಿಂದ ಹೊರಗೆ ಪ್ರೇಕ್ಷಕರ ನಡುವೆಯೂ ಚರ್ಚೆಯಾಗುತ್ತಿದೆ.
ಪೂರ್ತಿ ಎಪಿಸೋಡ್ನಲ್ಲಿ ಗಗನ್ ಚಿನ್ನಪ್ಪ ಹಾಗೂ ತಾಂಡವ್ ರಾಮ್ ಅವರ ಸ್ನೇಹವು ಭಾರಿ ಗಮನವನ್ನು ಸೆಳೆಯಿತು. ತಾಂಡವ್ ಫ್ಲೈಟ್ ಏರುವಾಗ ಗಗನ್ ಮಗುವಿನಂತೆ ಬಿಕ್ಕಿ ಬಿಕ್ಕಿ ಅತ್ತ ಪರಿಯು ಸಾಕಷ್ಟು ಜನರಿಗೆ ಬೇಸರವನ್ನುಂಟು ಮಾಡಿದರೆ, ಮನೆಯೊಳಗಿನ ಸ್ಪರ್ಧಿಗಳಿಗೆ ಅಳು ತರುವಂತೆ ಮಾಡಿತ್ತು. ಹಲವರು ಇಬ್ಬರ ಸ್ನೇಹದ ಬಗ್ಗೆ ಮೆಚ್ಚಿಕೊಂಡು ಕೊಂಡಾಡುತ್ತಿದ್ದಾರೆ. ತಪ್ಪು ಲೆಕ್ಕಾಚಾರ ಹಾಕಿದ ಧನುಷ್ಗೂ ತಾಂಡವ್ ಸ್ಥೈರ್ಯ ತುಂಬಿದರು. ಅದನ್ನೇ ಮನಸ್ಸಲ್ಲಿಟ್ಟುಕೊಂಡು ಕೊರಗಬೇಡ..ಚೆನ್ನಾಗಿ ಗೇಮ್ ಆಡು ಎಂದು ಹಾರೈಸಿದರು, (ಏಜೆನ್ಸೀಸ್).