ಭಾರವಾದ ಹೃದಯ, ಆದರೆ ಜೀವನ ಸಾಗಲೇಬೇಕು!...ತಾಯಿಯ ಅಗಲಿಕೆಯ ದುಃಖದಲ್ಲೂ ರೇಸ್ ಟ್ರ್ಯಾಕ್‌ಗೆ ಮರಳಿದ ನಟ ಅಜಿತ್.. Ajith Kumar

ಗುರುವಾರ, ಅಜಿತ್​ ಕುಮಾರ್​ ತಮ್ಮ ಸಾಮಾಜಿಕ ಜಾಲತಾಣದವಾದ ಇನ್​ಸ್ಟಾಗ್ರಾಮ್​ನಲ್ಲಿ ರೇಸ್​ಗೆ ತಯಾರಿ ನಡೆಸುತ್ತಿರುವ ಹಲವಾರು ಚಿತ್ರಗಳ ಜೊತೆಗೆ, ಭಾರವಾದ ಹೃದಯದಿಂದ ಮತ್ತೆ ಕೆಲಸಕ್ಕೆ ಮರಳುತ್ತಿದ್ದೇನೆ, ಆದರೆ ಜೀವನ ಸಾಗಲೇಬೇಕು! ಎಂಬ ಶೀರ್ಷಿಕೆಯನ್ನು ಹಂಚಿಕೊಂಡಿದ್ದಾರೆ.

ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಪ್ರೋತ್ಸಾಹದ ಸಂದೇಶಗಳೊಂದಿಗೆ ಕಾಮೆಂಟ್​ ಪ್ರವಾಹವನ್ನೇ ಹರಿಸಿದ್ದಾರೆ. ಒಬ್ಬ ಬಳಕೆದಾರರು, ನಿಮ್ಮ ತಾಯಿ ಯಾವಾಗಲೂ ನಿಮ್ಮ ಜೊತೆ ಇರುತ್ತಾರೆ ಎಂದು ಬರೆದರೆ, ಮತ್ತೊಬ್ಬ ಬಳಕೆದಾರ "ಧೈರ್ಯವಾಗಿರು, ಥಲಾ" ಎಂದಿದ್ದಾರೆ.

ಅಜಿತ್ ಕುಮಾರ್ ಅವರ ತಾಯಿ ಮೋಹಿನಿ ಮಣಿ (89) ಅವರು ಮೇ 30 ರಂದು ವಯೋಸಹಜ ಆರೋಗ್ಯ ಸಮಸ್ಯೆಗಳಿಂದಾಗಿ ನಿಧನರಾಗಿದ್ದಾರೆ. ತಾಯಿಯ ಅಗಲಿಕೆಯಿಂದ ಇಡೀ ಕುಟುಂಬ ತೀವ್ರ ದುಃಖದಲ್ಲಿದ್ದು, ಅಜಿತ್ ಕುಮಾರ್ ಅವರ ಸಹೋದರ ಅನಿಲ್ ಕುಮಾರ್ ಅವರು ಸಾಮಾಜಿಕ ಮಾಧ್ಯಮ ವೇದಿಕೆ 'X' ನಲ್ಲಿ ಈ ಕುರಿತು ಹೃತ್ಪೂರ್ವಕ ಹೇಳಿಕೆಯೊಂದನ್ನು ಹಂಚಿಕೊಂಡಿದ್ದಾರೆ.

"ನಮ್ಮ ತಾಯಿ ಮೋಹಿನಿ ಮಣಿ ಅವರು ಇಂದು ಮುಂಜಾನೆ, ಆರೋಗ್ಯ ಕ್ಷೀಣಿಸುತ್ತಿದ್ದ ಹಿನ್ನಲೆಯಲ್ಲಿ ನಿಧನರಾಗಿದ್ದಾರೆ. ಅವರಿಗೆ 89 ವರ್ಷ ವಯಸ್ಸಾಗಿತ್ತು. ಕಳೆದ ಕೆಲವು ವರ್ಷಗಳಿಂದ ಅವರಿಗೆ ಮತ್ತು ನಮ್ಮ ಕುಟುಂಬಕ್ಕೆ ನಿರಂತರವಾಗಿ ಅತ್ಯುತ್ತಮ ಆರೈಕೆ ಹಾಗೂ ಬೆಂಬಲವನ್ನು ನೀಡಿದ ಎಲ್ಲಾ ವೈದ್ಯಕೀಯ ವೃತ್ತಿಪರರಿಗೆ ನಾವು ಸದಾ ಕೃತಜ್ಞರಾಗಿರುತ್ತೇವೆ.

ಸಿನಿಮಾ ರಂಗದಲ್ಲಿ, ನಟ ಕೊನೆಯ ಬಾರಿಗೆ ಗುಡ್ ಬ್ಯಾಡ್ ಅಗ್ಲಿ ಚಿತ್ರದಲ್ಲಿ ತ್ರಿಶಾ ಕೃಷ್ಣನ್ ಮತ್ತು ಅರ್ಜುನ್ ದಾಸ್ ಅವರೊಂದಿಗೆ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಆದಾಗ್ಯೂ, ಅವರು ಮುಂದಿನ ಚಿತ್ರ ಗ್ಲಾಡಿಯೇಟರ್ಸ್​ ಇನ್​ ಪರ್ಸ್ಯೂಟ್ ಆಫ್ ಚಾಲೆಂಜಸ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರ ಅವರ ವೃತ್ತಿಪರ ಮೋಟಾರ್​ ಸ್ಪೋರ್ಟ್​ ಪ್ರಯಾಣ ಮತ್ತು ರೇಸಿಂಗ್​ ತಂಡದ ಮೇಲೆ ಕೇಂದ್ರೀಕರಿಸುತ್ತದೆ (ಏಜೆನ್ಸೀಸ್​).