ಮುಂಬೈ: ಬಾಲಿವುಡ್ ನಟ ಅಜಯ್ ದೇವಗನ್ ಮುಂಬೈನ ಜುಹು ಪ್ರದೇಶದಲ್ಲಿ ಬರೋಬ್ಬರಿ 60 ಕೋಟಿ ರೂ ಮೌಲ್ಯದ ಭವ್ಯ ಮನೆಯನ್ನು ಖರೀದಿಸಿದ ವಿಷಯ ಹೊಸದೇನಲ್ಲ. 20 ದಿನಗಳ ಹಿಂದೆಯೇ ಇಂಥದ್ದೊಂದು ಸುದ್ದಿ ದೊಡ್ಡ ಸೌಂಡು ಮಾಡಿತ್ತು. ಈಗ ಆ ಮನೆಗೆ ಸಂಬಂಧಿಸಿದ ಇನ್ನೊಂದು ಹೊಸ ವಿಷಯ ಹೊರಬಿದ್ದಿದೆ.
ಇದನ್ನೂ ಓದಿ: ಅಪ್ಪನ ನೆನೆದ ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳು …
ಅದೇನೆಂದರೆ, ಈ ಮನೆ ಖರೀದಿ ಮಾಡುವುದಕ್ಕೆ ಅಜಯ್ ದೇವಗನ್ ಸಾಲ ಮಾಡಿದ್ದು, ಎಷ್ಟು ಮಾಡಿರಬಹದು ಎಂಬ ಚರ್ಚೆ ಇದೀಗ ನಡೆಯುತ್ತಿದೆ. ಮೂಲಗಳ ಪ್ರಕಾರ, 60 ಕೋಟಿ ರೂ ಮೌಲ್ಯದ ಈ ಮನೆಗೆ, ಅಜಯ್ ದೇವಗನ್ 18.75 ಕೋಟಿ ರೂ. ಸಾಲ ಮಾಡಿದ್ದಾರಂತೆ. ಮೊತ್ತ ಕೇಳಿದರೆ ಟೆನ್ಶನ್ ಆಗಬಹುದು. ಆದರೆ, ಅಜಯ್ ದೇವಗನ್ಗೆ ಇದು ದೊಡ್ಡ ಮತ್ತವಲ್ಲ. ಚಿತ್ರವೊಂದಕ್ಕೆ ಅವರು ಪಡೆಯುವ ಸಂಭಾವನೆಯಲ್ಲಿ ಇದು ಅರ್ಧ ಭಾಗ ಮಾತ್ರ. ಹಾಗಾಗಿ, ಇದನ್ನು ಬಹಳ ಸುಲಭವಾಗಿ ಅವರು ತೀರಿಸಬಹುದು.
ಕರೊನಾ ಹಿನ್ನೆಲೆಯಲ್ಲಿ ಮುಂಬೈನಲ್ಲಿ ರಿಯಲ್ ಎಸ್ಟೇಟ್ ವ್ಯಾಪಾರ ಇಳಿಮುಖವಾಗಿದೆ. ಮೊದಲಿನ ವಹಿವಾಟು ಇಲ್ಲ. ಅದನ್ನೇ ಬಂಡವಾಳವಾಗಿಸಿಕೊಂಡು, ಕೋಟಿಕೋಟಿ ಬೆಲೆ ಬಾಳುವ ಬಂಗಲೆಗಳು ಮತ್ತು ಅಪಾರ್ಟ್ಮೆಂಟ್ಗಳನ್ನು ಬಾಲಿವುಡ್ ಸೆಲೆಬ್ರಿಟಿಗಳು, ಕಳೆದ ಕೆಲವು ತಿಂಗಳುಗಳಿಂದ ಖರೀದಿಸುತ್ತಿದ್ದಾರೆ. ಈ ಸಾಲಿಗೆ ಅಜಯ್ ದೇವಗನ್ ಸಹ ಸೇರಿಕೊಂಡಿದ್ದಾರೆ. ಈಗಾಗಲೇ ಮನೆಯ ಫರ್ನಿಚರ್ ಕೆಲಸಗಳು ನಡೆಯುತ್ತಿದ್ದು, ಇನ್ನೇನು ಶೀಘ್ರದಲ್ಲಿ ಹೊಸ ಮನೆಯ ಪ್ರವೇಶ ಪಡೆಯಲಿದ್ದಾರೆ.
ಈಗಾಗಲೇ ಅದೇ ಪ್ರದೇಶದಲ್ಲಿ ಮನೆ ಹೊಂದಿರುವ ಅಜಯ್ ಇದೀಗ ಮತ್ತೊಂದು ಮನೆ ಖರೀದಿ ಮಾಡಿರುವುದು ವಿಶೇಷ. 6500 ಚದುರಡಿ ಪ್ರದೇಶದಲ್ಲಿರುವ ಈ ಮನೆಯನ್ನು ಕಳೆದ ವರ್ಷದ ಕೊನೆಯಲ್ಲೇ ಅಜಯ್ ದೇವಗನ್ ಖರೀದಿಸಿದ್ದರು ಎಂದು ಹೇಳಲಾಗುತ್ತಿದೆ.