ಫ್ರಾನ್ಸ್: ಪ್ರತಿಷ್ಟಿತ ಕಾನ್ ಚಿತ್ರೋತ್ಸವ ಪ್ರಾರಂಭವಾಗಿದ್ದು, ಈ ಭಾರಿ ಭಾರತೀಯ ಕಲಾವಿದರು ಈ ವರ್ಷ ಹಿಂದೆಂದಿಗಿಂತಲೂ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿರುವುದು ವಿಶೇಷವಾಗಿದೆ. ಮತ್ತೊಂದೆಡೆ ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಯರನ್ನು ವಿಶೇಷ ಉಡುಪಿನಲ್ಲಿ ಕಣ್ತುಂಬಿಕೊಳ್ಳುತ್ತಾರೆ.
ಕಾನ್ ಚಿತ್ರೋತ್ಸವದಲ್ಲಿ ಪಾಲ್ಗೊಳ್ಳುವ ನಟಿಯರ ಉಡುಪುಗಳು ಕೆಲವು ಬಾರಿ ಮೆಚ್ಚುಗೆ ವ್ಯಕ್ತವಾದರೆ, ಮತ್ತೆ ಕೆಲವು ಬಾರಿ ಇಷ್ಟವಾಗುವುದಿಲ್ಲ. ಈ ಸಾಲಿನಲ್ಲಿ ಹಲವು ನಟಿಯರು ಸೇರಿಕೊಂಡಿದ್ದಾರೆ. ಈ ಹಿಂದೆ ಪಾಲ್ಗೊಂಡ ಕಾನ್ ಉತ್ಸವದಲ್ಲಿ ಬಾಲಿವುಡ್ ತಾರೆ ಐಶ್ವರ್ಯಾ ರೈ ಅವರ ಉಡುಗೆ ಕೂಡ ಕೆಲವೊಮ್ಮೆ ಅಭಿಮಾನಿಗಳಿಗೆ ಇಷ್ಟವಾಗಿರಲಿಲ್ಲ.
ಈ ಹಿಂದೆ ನೇರಳೆ ಬಣ್ಣದ ಲಿಪ್ಸ್ಟಿಕ್ ಹಂಚಿಕೊಂಡಿದ್ದ ಐಶ್ವರ್ಯಾ ಅವರ ಮೇಕಪ್ ಬಗ್ಗೆ ಭಾರೀ ಟ್ರೋಲ್ ಮಾಡಲಾಗಿತ್ತು. ಆದರೆ ಈ ಬಾರಿಯ ಕಾನ್ ಚಿತ್ರೋತ್ಸವದಲ್ಲಿ ಮಾಜಿ ವಿಶ್ವಸುಂದರಿ ಐಶ್ವರ್ಯಾ ರೈ ವಿಶೇಷ ಉಡುಪಿನಲ್ಲಿ ಭಾರೀ ಗಮನವನ್ನೇ ಸೆಳೆದಿದ್ದಾರೆ.
ಅವರ ಉಡುಗೆ ಬಗ್ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದ್ದು, ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ಐಶ್ವರ್ಯಾ ರೈ ಅವರ ಉಡುಗೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ, ಟ್ವಿಟರ್ ನಲ್ಲಿ ಮೆಚ್ಚುಗೆಯ ಕಾಮೆಂಟ್ಸ್ ಹರಿದುಬರುತ್ತಿದೆ. ಹೂವುಗಳಿಂದ ತುಂಬಿದ ಕಪ್ಪು ಬಣ್ಣದ ಗೌನ್ ಧರಿಸಿರುವ ಐಶ್ವರ್ಯಾ ರೈ ಉಡುಗೆಯ ಹೂ ಬೊಕ್ಕೆ ಭಾರೀ ಆಕರ್ಷಿಸಿಸಿದೆ. ಇನ್ನು ತೀರ್ಪುಗಾರರಿಂದಲೂ ಸಹ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.(ಏಜೆನ್ಸೀಸ್)