ತೆಲಂಗಾಣ: ಡಾರ್ಲಿಂಗ್ ಪ್ರಭಾಸ್(Darling Prabhas) ಮತ್ತು ಕೃತಿ ಸನನ್(Kriti Sanon) ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಆದಿಪುರುಷ್(Adipurush) ಚಿತ್ರ ಇದೀಗ ಸಾಕಷ್ಟು ವಿವಾದಗಳ ನಡುವೆಯೂ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಗಳಿಕೆಯನ್ನು ಕಾಣುತ್ತಿದೆ.
ಕಳೆದ ಶುಕ್ರವಾರ ದೇಶಾದ್ಯಂತ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಪ್ಯಾನ್-ಇಂಡಿಯನ್(Pan India) ಆದಿಪುರುಷ್ ಸಿನಿಮಾ ತೀವ್ರ ಟೀಕೆಗಳನ್ನು ಎದುರಿಸುತ್ತಿದ್ದರೂ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಕಲೆಕ್ಷನ್ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಈ ಚಿತ್ರ ಬಿಡುಗಡೆಗೊಂಡು ಇದೀಗ 5ನೇ ದಿನಕ್ಕೆ ಕಾಲಿಟ್ಟಿದ್ದು, ಕೇವಲ ಆಂಧ್ರಪ್ರದೇಶ(Andrapradesh) ಮತ್ತು ತೆಲಂಗಾಣದಲ್ಲಿ(Telangana) 75.70 ಕೋಟಿ ರೂ. ಕಲೆಕ್ಷನ್ ಕಂಡಿದೆ! ಮೊದಲ ಐದು ದಿನಗಳ ಪ್ರದೇಶವಾರು ಚಿತ್ರದ ಒಟ್ಟು ಗಳಿಕೆಯ ಮಾಹಿತಿ ಇಲ್ಲಿದೆ.
ನಿಜಾಮ್: 34.31 ಕೋಟಿ ರೂ.
ಸೆಡೆಡ್: 10.17 ಕೋಟಿ ರೂ.
ಯುಎ: 9.03 ಕೋಟಿ ರೂ.
ಪೂರ್ವ: 5.35 ಕೋಟಿ ರೂ.
ಪಶ್ಚಿಮ: 4.35 ಕೋಟಿ ರೂ.
ಗುಂಟೂರು: 6.23 ಕೋಟಿ ರೂ.
ಕೃಷ್ಣ: 4.16 ಕೋಟಿ ರೂ.
ನೆಲ್ಲೂರು: 2.10 ಕೋಟಿ ರೂ.
ಆದಿಪುರುಷ್ ಚಿತ್ರದ ತೆಲುಗು ಆವೃತ್ತಿಯು ವಿಶ್ವಾದ್ಯಂತ ಮಾಡಿರುವ ಕಲೆಕ್ಷನ್ 95 ಕೋಟಿ ರೂ.ಗಳನ್ನು ತಲುಪಿದೆ. ಸಿನಿ ಲೆಕ್ಕಾಚಾರಗಳ ಪ್ರಕಾರ ಈ ಚಿತ್ರವು ಮುಂದಿನ ವಾರಗಳಲ್ಲಿ ಇನ್ನೂ ಹೆಚ್ಚಿನ ಆದಾಯವನ್ನು ಗಳಿಸುತ್ತದೆ ಎಂದು ನಿರೀಕ್ಷಿಸಿದ್ದಾರೆ. ಚಿತ್ರದಲ್ಲಿ ನಟ ಪ್ರಭಾಸ್, ಕೃತಿ ಸನೋನ್, ಸೈಫ್ ಅಲಿ ಖಾನ್, ದೇವನಾಗ್ ದತ್ತಾ, ಸನ್ನಿ ಸಿಂಗ್, ಸೋನಾಲ್ ಚೌಹಾನ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.