ತಮಿಳಿನ "ಜೋಕರ್', "ಆನ್ ದೇವತೈ' ಚಿತ್ರಗಳು, "ಕುಕ್ಕು ವಿತ್ ಕೋಮಾಲಿ' ಮತ್ತು "ಬಿಗ್ಬಾಸ್' ರಿಯಾಲಿಟಿ ಶೋಗಳು ಸೇರಿ ಕೆಲ ವೆಬ್ಸರಣಿಗಳಲ್ಲೂ ನಟಿಸಿರುವ ಖ್ಯಾತಿ ನಟಿ ರಮ್ಯಾ ಪಾಂಡಿಯನ್ಗೆ ಸಲ್ಲುತ್ತದೆ. ಇಂತಹ ರಮ್ಯಾ ಶುಕ್ರವಾರ (ನ. 8) ರಿಷಿಕೇಶದ ಶಿವಪುರಿಯಲ್ಲಿ ಗಂಗಾನದಿಯ ದಡದಲ್ಲಿ ಬೆಂಗಳೂರು ಮೂಲದ ಯೋಗ ತರಬೇತುದಾರ ಲವೆಲ್ ಧವನ್ ಜತೆ ಸಪ್ತಪದಿ ಇರಿಸಿದ್ದಾರೆ.
ಗಂಗಾ ನದಿಯ ದಡದಲ್ಲಿಯೇ ಸಣ್ಣ ವೇದಿಕೆ ನಿರ್ಮಿಸಿ, ಹಿಂದು ಸಂಪ್ರದಾಯದಂತೆ ನವದಂಪತಿ ವೈವಾಹಿಕ ಜೀವನಕ್ಕೆ ಪದಾರ್ಪಣೆ ಮಾಡಿದ್ದಾರೆ. ಪಂಜಾಬ್ ಮೂಲದ ಲವೆಲ್ ಧವನ್ ಬೆಂಗಳೂರಿನ ಆರ್ಟ್ ಆಫ್ ಲಿವಿಂಗ್ನಲ್ಲಿ ಯೋಗ ತರಬೇತುದಾರರಾಗಿದ್ದು, ಕಳೆದ ವರ್ಷ ರಮ್ಯಾ ಕೂಡ ಯೋಗ ತರಬೇತಿ ಪಡೆಯಲು ಅಲ್ಲಿಗೆ ಆಗಮಿಸಿದ್ದರು. ಆ ಸಮಯದಲ್ಲಿ ಇಬ್ಬರ ನಡುವೆ ಪ್ರೀತಿ ಚಿಗುರೊಡೆದಿತ್ತು ಎನ್ನಲಾಗಿದೆ. ಕ್ರಮೇಣ ಇಬ್ಬರೂ ತಮ್ಮ ಕುಟುಂಬದವರನ್ನು ಒಪ್ಪಿಸಿ, ಇದೀಗ ಗೃಹಸ್ತಾಶ್ರಮ ಪ್ರವೇಶಿಸಿದ್ದಾರೆ.
ರಮ್ಯಾ ಸೋದರ ಸಂಬಂಧಿಗಳಾದ ಕಾಲಿವುಡ್ ನಟ ಅಶೋಕ್ ಸೆಲ್ವನ್ ಮತ್ತು ನಟಿ ಕೀರ್ತಿ ಪಾಂಡಿಯನ್ ಕುಟುಂಬ ಸೇರಿ ಕೆಲವೇ ಮಂದಿ ಆಪ್ತರು ಮದುವೆಯಲ್ಲಿ ಭಾಗವಹಿಸಿ, ನವದಂಪತಿಗೆ ಶುಭಹಾರೈಸಿದ್ದಾರೆ. ಇದೇ ಶುಕ್ರವಾರ (ನ. 15) ಚೆನ್ನೆ$ನಲ್ಲಿ ರಮ್ಯಾ ಮತ್ತು ಲವೆಲ್ ಧವನ್ ಆರತಕ್ಷತೆ ಕಾರ್ಯಕ್ರಮ ಆಯೋಜಿಸಿದ್ದಾರೆ.