ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
"ಪ್ರೇಮಂ ಪೂಜ್ಯಂ' ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ನಾಯಕಿಯಾಗಿ ಪದಾರ್ಪಣೆ ಮಾಡಿದ ಬೃಂದಾ ಆಚಾರ್ಯ, "ಜೂಲಿಯೆಟ್ 2' ಚಿತ್ರದಲ್ಲಿ ಆ್ಯಕ್ಷನ್ ಅವತಾರದಲ್ಲಿ ಮಿಂಚಿದ್ದರು. ಬಳಿಕ ಶಶಾಂಕ್ ನಿರ್ದೇಶನದ "ಕೌಸಲ್ಯಾ ಸುಪ್ರಜಾ ರಾಮ' ಚಿತ್ರದಲ್ಲಿ "ಡಾರ್ಲಿಂಗ್' ಕೃಷ್ಣಗೆ ನಾಯಕಿಯಾಗಿ ನಟಿಸಿದ್ದರು. ಆ ಸಿನಿಮಾ ಬಾಕ್ಸಾಫಿಸಿನಲ್ಲಿ ಗೆದ್ದಿದ್ದು, ಜತೆಗೆ ಬೃಂದಾ ನಟಿಸಿದ್ದ ಶಿವಾನಿ ಪಾತ್ರಕ್ಕೂ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಯಿತು. ಅದರ ಬೆನ್ನಲ್ಲೇ ಬೃಂದಾ ಬ್ಯಾಕ್ ಟು ಬ್ಯಾಕ್ ಐದು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ.
ಅಕೌಂಟಂಟ್ ಆದ ಮಿಸ್ ಆಚಾರ್ಯ
ಅಭಿಷೇಕ್ ಚೊಚ್ಚಲ ಬಾರಿಗೆ ಆ್ಯಕ್ಷನ್&ಕಟ್ ಹೇಳುತ್ತಿರುವ, ದೀತ್ ಶೆಟ್ಟಿ ನಾಯಕನಾಗಿರುವ "ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮೀ' ಚಿತ್ರದಲ್ಲಿ ಬೃಂದಾ ಆಚಾರ್ಯ ಅಕೌಂಟಂಟ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದ ಬಗ್ಗೆ ಅವರು, "ಸ್ವಲ್ಪ ಸೀರಿಯಸ್ ಪಾತ್ರ. ಸಿನಿಮಾ ಪೂರ್ತಿ ಒಂದೇ ಕಾಸ್ಟ್ಯೂಮ್ನಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಇದುವರೆಗೂ ಈ ರೀತಿಯ ಕಥೆ ಕನ್ನಡದಲ್ಲಿ ಬಂದಿದೆ ಅಂತ ನನಗಂತೂ ಅನ್ನಿಸಲ್ಲ. ಹಲವು ಸಿನಿಮಾಗಳ ವಿಎ್ಎಕ್ಸ್ ಕೆಲಸ ಮಾಡಿರುವ ಪಿನಾಕಾ ಸ್ಟುಡಿಯೋ ಮಾಲೀಕ ಅಭಿಷೇಕ್ ಮೊದಲ ಬಾರಿಗೆ ನಿರ್ದೇಶಿಸಿದ್ದಾರೆ. ಬರೀ ರಾಬರಿ ಮಾತ್ರವಲ್ಲ ಒಂದು ಉತ್ತಮ ಸಂದೇಶ ಕೂಡ ಚಿತ್ರದಲ್ಲಿದೆ' ಎಂದು ಹೇಳಿಕೊಳ್ಳುತ್ತಾರೆ.
ಎಕ್ಸ್ ಜತೆ ವೈ
"ರಾಮಾ ರಾಮಾ ರೇ', "ಒಂದಲ್ಲಾ ಎರಡಲ್ಲಾ' ಖ್ಯಾತಿಯ ನಿರ್ದೇಶಕ ಸತ್ಯಪ್ರಕಾಶ್ ನಿರ್ದೇಶಿಸುತ್ತಿರುವ, ಚೊಚ್ಚಲ ಬಾರಿಗೆ ನಾಯಕನಾಗಿ ನಟಿಸುತ್ತಿರುವ ಸಿನಿಮಾ "ಎಕ್ಸ್ ಆ್ಯಂಡ್ ವೈ'ನಲ್ಲೂ ಬೃಂದಾ ನಾಯಕಿಯಾಗಿದ್ದಾರೆ. "ನನಗೆ ಭಿನ್ನ, ವಿಭಿನ್ನ ಪಾತ್ರಗಳಲ್ಲಿ ನಟಿಸಲು ಇಷ್ಟ. "ಎಕ್ಸ್ ಆ್ಯಂಡ್ ವೈ'ನಲ್ಲೂ ಡಿಫರೆಂಟ್ ರೋಲ್ನಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಇದೊಂದು ಸೈಂಟಿಫಿಕ್ ಫಿಕ್ಷನಲ್ ಸ್ಟೋರಿ. ಅದಕ್ಕೆ ಕಮರ್ಷಿಯಲ್ ಸ್ಪರ್ಶ ನೀಡಲಾಗಿದೆ. ಹಿಂದಿ ಸಿನಿಮಾ "ಜಿಂದಗಿ ನಾ ಮಿಲೇಗಿ ದೊಬಾರಾ' ಫೀಲ್ ಕೊಡುವ ಸಿನಿಮಾ' ಎನ್ನುತ್ತಾರೆ ಬೃಂದಾ ಆಚಾರ್ಯ.
ಹೊಸ ಚಿತ್ರಗಳ ಲೈನಪ್
"ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮೀ', "ಎಕ್ಸ್ ಆ್ಯಂಡ್ ವೈ' ಜತೆ ಬೃಂದಾ ನಿರೂಪ್ ಭಂಡಾರಿ ಮತ್ತು ಸಾಯಿ ಕುಮಾರ್ ಮುಖ್ಯ ಭೂಮಿಕೆಯಲ್ಲಿರುವ "ಸತ್ಯ ಸನ್ ಆ್ ಹರಿಶ್ಚಂದ್ರ', ದುನಿಯಾ ವಿಜಯ್ ಮತ್ತು ಶ್ರೇಯಸ್ ಮಂಜು ನಟಿಸುತ್ತಿರುವ "ಒಂದ್ ಸಲ ಮೀಟ್ ಮಾಡಣ' ಹಾಗೂ ಇನ್ನೂ ಹೆಸರಿಡದ ಮತ್ತೊಂದು ಹೊಸ ಸಿನಿಮಾದಲ್ಲೂ ಬಿಜಿಯಿದ್ದಾರೆ. "ಈ ಐದು ಚಿತ್ರಗಳೂ ಜನವರಿಯಲ್ಲೇ ಪ್ರಾರಂಭವಾದವು. "ಬ್ಯಾಂಕ್ ಆಫ್ ಭಾಗ್ಯಲಕ್ಷ್ಮೀ' ಮತ್ತು "ಎಕ್ಸ್ ಆ್ಯಂಡ್ ವೈ' ಇದೇ ವರ್ಷ ತೆರೆಗೆ ಬರುವ ನಿರೀೆಯಿದೆ. ಜತೆಗೆ ಇನ್ನೂ ಹೆಸರಿಡದ ಹೊಸ ಸಿನಿಮಾದ ಶೂಟಿಂಗ್ ಈಗಾಗಲೇ ಶೇಕಡಾ 85ರಷ್ಟು ಪೂರ್ಣಗೊಂಡಿದೆ. ಜತೆಗೆ ಕಳೆದ ಹತ್ತು ದಿನಗಳಿಂದ ಬ್ರೇಕ್ನಲ್ಲಿದ್ದು, ಪ್ರತಿದಿನ ಎರಡು, ಮೂರು ಕಥೆಗಳನ್ನು ಕೇಳುತ್ತಿದ್ದೇನೆ' ಎಂದು ಮಾಹಿತಿ ನೀಡುತ್ತಾರೆ.