ಚೆನ್ನೈ: ಕಳೆದ ವರ್ಷವಷ್ಟೇ ದಡೂತಿ ದೇಹದ ನಿರ್ಮಾಪಕನನ್ನು ಮದುವೆ ಆಗಿ ಭಾರೀ ಸುದ್ದಿಯಾಗಿದ್ದ ನಟಿ ಮಹಾಲಕ್ಷ್ಮೀ ತನ್ನ ಮಗನನ್ನು ಸಾಮಾಜಿಕ ಜಾಲತಾಣದ ಮೂಲಕ ಪರಿಚಯಿಸಿದ್ದಾರೆ. ಫೋಟೋ ನೋಡಿದವರು ಮಹಾಲಕ್ಷ್ಮೀಗೆ ಇಷ್ಟು ದೊಡ್ಡ ಮಗನಿದ್ದಾನಾ ಎಂದು ಹುಬ್ಬೇರಿಸಿದ್ದಾರೆ.
ಮಹಾಲಕ್ಷ್ಮೀ ಅವರು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಫೋಟೋದಲ್ಲಿ ಮಗನ ಜೊತೆಗೆ ಆಕೆಯ ತಂದೆಯು ಸಹ ಇದ್ದಾರೆ. ಅಂದಹಾಗೆ ಮಹಾಲಕ್ಷ್ಮೀ ಅವರ ಮಗನ ಹೆಸರು ಸಚಿನ್. ಮೊದಲ ಪತಿ ಅನಿಲ್ ನೇರಡಿಮಿಲ್ಗೆ ಜನಿಸಿದ ಮಗ. 2019ರಲ್ಲಿ ಮಹಾಲಕ್ಷ್ಮೀ ಮತ್ತು ಅನಿಲ್ ಡಿವೋರ್ಸ್ ಪಡೆದುಕೊಂಡರು. ಇದಾದ ಬಳಿಕ 2022ರಲ್ಲಿ ನಿರ್ಮಾಪಕ ರವೀಂದರ್ ಚಂದ್ರಶೇಖರನ್ ಅವರನ್ನು ಮಹಾಲಕ್ಷ್ಮೀ ವರಿಸಿದರು.
ರವೀಂದರ್ ಅವರನ್ನು ಮದುವೆ ಆಗಲು ಮಹಾಲಕ್ಷ್ಮೀ ತೆಗೆದುಕೊಂಡ ನಿರ್ಧಾರ ಸಾಕಷ್ಟು ಟೀಕೆಗೆ ಒಳಗಾಗಿತ್ತು. ಹಣಕ್ಕಾಗಿ ಮದುವೆ ಆಗಲು ಒಪ್ಪಿಕೊಂಡಿದ್ದಾರೆ ಎಂಬ ಆರೋಪಗಳು ಕೇಳಿಬಂದಿತ್ತು. ಅಲ್ಲದೆ, ರವೀಂದರ್ ಕೂಡ ಬಾಡಿ ಶೇಮಿಂಗ್ ಅಪಹಾಸ್ಯಕ್ಕೆ ಗುರಿಯಾಗಿದ್ದರು. ಆದರೆ, ಇದಕ್ಕೆಲ್ಲ ಸೆಡ್ಡು ಹೊಡೆದ ರವೀಂದರ್ ಮತ್ತು ಮಹಾಲಕ್ಷ್ಮೀ ಸಪ್ತಪದಿ ತುಳಿದು, ಸುಖಕರ ದಾಂಪತ್ಯ ಜೀವನವನ್ನು ನಡೆಸುತ್ತಿದ್ದಾರೆ.
ಇದೇ ಸಂದರ್ಭದಲ್ಲಿ ದಂಪತಿಗಳು ಬೇರ್ಪಟ್ಟಿದ್ದಾರೆ ಎಂಬ ಸುಳ್ಳು ಸುದ್ದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದ ಮಹಾಲಕ್ಷ್ಮೀ ಮತ್ತು ರವೀಂದರ್ ಒಟ್ಟಿಗೆ ಇರುವ ಫೋಟೋಗಳನ್ನು ಪೋಸ್ಟ್ ಮಾಡುವ ಮೂಲಕ ಸುಳ್ಳು ಸುದ್ದಿ ಹರಡುವವರಿಗೆ ತಿರುಗೇಟು ನೀಡಿದ್ದಾರೆ. (ಏಜೆನ್ಸೀಸ್)