ಮುಂಬೈ: ಬಾಲಿವುಡ್ನ ಹಿರಿಯ ನಟ ದಿಲೀಪ್ ಕುಮಾರ್(98) ಬುಧವಾರ ಬೆಳಗ್ಗೆ ಮುಂಬೈನ ಆಸ್ಪತ್ರೆಯಲ್ಲಿ ನಿಧನರಾದರು.
ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದ ದಿಲೀಪ್ ಕುಮಾರ್ ಅವರ ಆರೋಗ್ಯ ಸ್ಥಿತಿ ಕಳೆದ ವಾರ ಗಂಭೀರವಾಗಿತ್ತು. ಜೂ.30ರಂದು ಮುಂಬೈನ ಹಿಂದೂಜಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಿಸದೆ ಕೊನೆಯುಸಿರೆಳೆದರು.
1922ರ ಡಿಸೆಂಬರ್ 11ರಂದು ಜನಿಸಿದ್ದ ದಿಲೀಪ್, ತನ್ನ 98ನೇ ವಯಸ್ಸಿಗೆ ಇಹಲೋಕ ತ್ಯಜಿಸಿದ್ದಾರೆ. ಇವರ ಮೊದಲ ಹೆಸರಲು ಮಹಮ್ಮದ್ ಯೂಸೂಫ್ ಖಾನ್. ಇವರ ಪತ್ನಿ ಹೆಸರು ಸಾಯಿರಾ ಬಾನು.
ಫಿಲಂ ಫೇರ್ ಪ್ರಶಸ್ತಿ ಆರಂಭವಾದಾಗ ಅದನ್ನು ಪಡೆದ ಮೊದಲ ನಟ ದಿಲೀಪ್ ಕುಮಾರ್. 1944ರಲ್ಲಿ ಜ್ವರ್ ಭಾತ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಕೊಟ್ಟ ದಿಲೀಪ್ ಕುಮಾರ್ ಅವರು ಸಂದಾಜ್, ದಾಗ್, ಆಜಾದದ್, ಶಕ್ತಿ, ಕ್ರಾಂತಿ, ಮಘಲ್ ಎ ಅಜಮ್, ದೇವದಾಸ್.. ಮುಂತಾದ ಸಿನಿಮಾಗಳಲ್ಲಿ ನಟಿ ಅಭಿಮಾನಿಗಳ ಮನ ಗೆದ್ದಿದ್ದರು.