ಹೈದರಾಬಾದ್: ಪ್ರಭಾಸ್ ಅಭಿನಯದ 'ರಾಧೇ ಶ್ಯಾಮ್' ಚಿತ್ರಕ್ಕಾಗಿ ಸತತ ಚಿತ್ರೀಕರಣ ನಡೆಯುತ್ತಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಚಿತ್ರೀಕರಣ ಮುಗಿಸಿ, ಇದೇ ವರ್ಷ ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ಚಿತ್ರತಂಡ ಸಿದ್ಧತೆ ನಡೆಸಿದೆ.
ಇದನ್ನೂ ಓದಿ: ‘ಮಾಸ್ಟರ್’ ಟಿಕೆಟ್ಗಾಗಿ ಕ್ಯೂ ನಿಂತ ಜನ …
ಈ ಮಧ್ಯೆ, ಚಿತ್ರದ ಒಂದು ಹಾಡನ್ನು ಚಿತ್ರೀಕರಿಸುವುದಕ್ಕೆ ಇಟಲಿಗೆ ಹೋಗಬೇಕು ಎಂದು ಚಿತ್ರತಂಡ ಮೊದಲು ಯೋಚಿಸಿತ್ತು. ಆದರೆ, ಇಟಲಿಯಲ್ಲಿ ಕರೊನಾ ವೈರಸ್ ಸೋಂಕು ಹೆಚ್ಚಿರುವ ಹಿನ್ನೆಲೆಯಲ್ಲಿ, ಇಟಲಿಯ ಟ್ರಿಪ್ನ್ನು ಚಿತ್ರತಂಡ ಕ್ಯಾನ್ಸಲ್ ಮಾಡಿದೆ. ಹಾಗಂತ ಆ ಹಾಡನ್ನೇ ಬಿಟ್ಟುಬಿಡಲಾಯಿತಾ ಎಂಬ ಪ್ರಶ್ನೆ ಬರಬಹುದು.
ಇಟಲಿಗೆ ಹೋಗಲಿಕ್ಕಾಗದಿದ್ದರೇನಂತೆ, ಇಟಲಿಯನ್ನೇ ಇಲ್ಲಿ ಕರೆಸಿಕೊಂಡರಾಯಿತು ಎಂದು, ಚಿತ್ರತಂಡದವರು ಇಟಲಿಯಿಂದ 350 ಡ್ಯಾನ್ಸರ್ಸ್ಗಳನ್ನು ಹೈದರಾಬಾದ್ಗೆ ಕರೆಸಿಕೊಂಡು ಚಿತ್ರೀಕರಣ ಪ್ರಾರಂಭಿಸಿದ್ದಾರೆ.
ಇದಕ್ಕಾಗಿಯೇ ಹೈದರಾಬಾದ್ನ ಅನ್ನಪೂರ್ಣ ಸ್ಟುಡಿಯೋದ ಸುಮಾರು ಏಳು ಎಕರೆ ಪ್ರದೇಶದಲ್ಲಿ ವಿಶೇಷವಾದ ಸೆಟ್ ನಿರ್ಮಿಸಿ, ಅಲ್ಲಿ ನೂರಾರು ಜನರ ಸಮ್ಮುಖದಲ್ಲಿ ಆ ಹಾಡನ್ನು ಚಿತ್ರೀಕರಿಸಿಕೊಳ್ಳಲಾಗುತ್ತಿದೆಯಂತೆ. ಈ ಹಾಡಿನಲ್ಲಿ ಪ್ರಭಾಸ್ ಅಲ್ಲದೆ, ನಾಯಕಿ ಪೂಜಾ ಹೆಗ್ಡೆ ಸಹ ಕಾಣಿಸಿಕೊಳ್ಳುತ್ತಿರುವುದು ವಿಶೇಷ.
ಇದನ್ನೂ ಓದಿ: ಈ ವರ್ಷ ಬಾಲಿವುಡ್ನಲ್ಲಿ ಗಟ್ಟಿಮೇಳ ಗಟ್ಟಿಮೇಳ …
'ರಾಧೆ ಶ್ಯಾಮ್' ಚಿತ್ರವನ್ನು ರಾಧಾಕೃಷ್ಣ ಅವರು ನಿರ್ದೇಶಿಸಿದ್ದು, ಯುವಿ ಕ್ರಿಯೇಷನ್ಸ್ ಬ್ಯಾನರ್ನಡಿ ಚಿತ್ರ ನಿರ್ಮಾಣವಾಗುತ್ತಿದೆ. ಈ ಚಿತ್ರವು ತೆಲುಗು, ಹಿಂದಿ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿದೆ. ಈಗಾಗಲೇ ಚಿತ್ರದ ಬಹುತೇಕ ಚಿತ್ರೀಕರಣ ಮುಗಿದಿದ್ದು, ಚಿತ್ರದಲ್ಲಿ ಪ್ರಭಾಸ್, ಪೂಜಾ ಹೆಗ್ಡೆ ಅಲ್ಲದೆ, ಭಾಗ್ಯಶ್ರೀ, ಮುರಳಿ ಶರ್ಮ, ಸಚಿನ್ ಖೇಡೇಕರ್ ಮುಂತಾದವರು ನಟಿಸಿದ್ದಾರೆ.