ವಂಚನೆˌ ಬೆದರಿಕೆ.. ಐವರ ವಿರುದ್ಧ ದೂರು ದಾಖಲಿಸಿದ ಯಶ್ ತಾಯಿ ಪುಷ್ಪಾ Pushpalatha

ಪುಷ್ಪಾ ಅವರು ತಮ್ಮ ಚಿತ್ರದ ಪ್ರಚಾರದ ಎಲ್ಲಾ ಜವಬ್ದಾರಿಯನ್ನು ಹರೀಶ್​ ಅವರಿಗೆ ಒಪ್ಪಿಸಿದ್ದರು. ಈ ವೇಳೆ ಮೇ 24 ರಿಂದ ಜುಲೈ ಮಧ್ಯದವರೆಗೆ ತಲಕಾಡು, ಗುಂಡ್ಲುಪೇಟೆ, ಮೈಸೂರು ಮತ್ತು ಚಾಮರಾಜನಗರ ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ಸಿನಿಮಾದ ಚಿತ್ರೀಕರಣವನ್ನು ಮಾಡಿದ್ದರು. ಸಿನಿಮಾ ಪ್ರಚಾರಕ್ಕೆ ಎರಡೂ ಕಡೆಯವರು 23 ಲಕ್ಷ ಹಣವನ್ನು ನೀಡಬೇಕು ಎಂದು ಒಪ್ಪಿಕೊಂಡಿದ್ದರು ಎಂದು ವರದಿಯಾಗಿದೆ.

ಹರೀಶ್ ಅವರು ಈ ವರ್ಷದ ಮೇ 18 ರಂದು 10 ಲಕ್ಷ ರೂ. ನಂತರ ಮೇ.21 ರಂದು 5 ಲಕ್ಷ ರೂಗಳನ್ನು ಪಡೆದುಕೊಂಡಿದ್ದಾರೆ. ಚಿತ್ರದ ಬ್ರಾಂಡ್​ಗಳನ್ನು ಬಳಸಿಕೊಂಡು ವಿವಿಧ ಚಾನಲ್​​ಗಳ ಮೂಲಕ ಹೆಚ್ಚುವರಿ 24 ಲಕ್ಷ ರೂ.ಗಳು ಹಾಗೂ ಮುದ್ರಣ ಮಾಧ್ಯಮ ಜಾಹೀರಾತಿಗಾಗಿ 4 ಲಕ್ಷ ರೂ.ಗಳು ಒಟ್ಟಾರೆಯಾಗಿ ಹರೀಶ್​ ನನ್ನಿಂದ 64,87,700 ರೂ. ಪಡೆದಿದ್ದಾರೆ ಎಂದು ಪುಷ್ಪಾವತಿಯವರು ಆರೋಪಿಸಿದ್ದಾರೆ.

ಹಣ ನೀಡಿದರೂ ಸಹ ಆಗಸ್ಟ್ 1 ರಂದು ಬಿಡುಗಡೆಯಾಗಬೇಕಿದ್ದ ಸಿನಿಮಾಕ್ಕೆ ಯಾವುದೇ ಪ್ರಚಾರ ನೀಡಲಿಲ್ಲ. ಇನ್ನು ಟ್ರೇಲರ್​ ಬಿಡುಗಡೆಯ ಸಮಯದಲ್ಲಿ ಹರೀಶ್​ ಪ್ರಚಾರವನ್ನು ಮಾಡದೇ ಇರುವುದರಿಂದ ಸ್ವತಃ ನಾನೇ 21,75,000 ರೂ. ಹೂಡಿಕೆ ಮಾಡಿದ್ದೇನೆ. ಈ ವೇಳೆ ಚಲನಚಿತ್ರ ಮಾಧ್ಯಮ ಪ್ರವರ್ತಕರಿಗೆ ಸಂಬಳ ನೀಡಲಾಗಿಲ್ಲ ಎಂದು ಅವರು ಆರೋಪಿಸಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಸಿನಿಮಾದ ಪ್ರಚಾರದ ಲೋಪಗಳ ಬಗ್ಗೆ ಪ್ರಶ್ನಿಸಿದಾಗ, ಹರೀಶ್​ ನನಗೆ ಬೆದರಿಕೆ ಹಾಕಿ 27 ಲಕ್ಷ ರೂಪಾಯಿ ವಾಪಸ್ ಕೇಳಿದ್ದಾನೆ. ಇನ್ನು ಅವರು ನನ್ನ ಬಗ್ಗೆ ನಕರಾತ್ಮಕವಾಗಿ ಪ್ರಚಾರ ಮಾಡುತ್ತಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ನನ್ನ ಬಗ್ಗೆ ಅವಹೇಳನಕಾರಿ ಕಾಮೆಂಟ್​ ಮಾಡುವುದು ಹಾಗೂ ಮನೆಗೆ ಬಂದು ಗೊಂದಲ ಸೃಷ್ಟಿ ಮಾಡುತ್ತೇನೆ ಎಂದು ಬೆದರಿಕೆ ಹಾಕಿದ್ದಾರೆ ಎಂದು ಪುಷ್ಪ ಅವರು ತಿಳಿಸಿದ್ದಾರೆ.

.