ನಮಗೆ ತಮನ್ನಾ ಬೇಕಿಲ್ಲ! ಬ್ಲಾಕ್​ಬಸ್ಟರ್​ ಚಿತ್ರಕ್ಕೆ 'ಮಿಲ್ಕಿ ಬ್ಯೂಟಿ' ಬೇಡ ಎಂದಿದ್ದೇಕೆ 'ಧುರಂದರ್'​ ನಿರ್ದೇಶಕ? ​

ಪ್ರಸ್ತುತ, ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆಗಳನ್ನು ಮುರಿಯುತ್ತಿರುವ ಧುರಂದರ್​, ಜಮ್ಮು ಮತ್ತು ಕಾಶ್ಮೀರದಲ್ಲಿ ಚಿತ್ರಮಂದಿರಗಳಿಗೆ ಹೊಸ ಕಳೆಯನ್ನೇ ನೀಡಿದೆ. ಸಿನಿಮಾ ಕಲಾವಿದರು, ಅವರ ಅಭಿನಯ, ಕಥಾಹಂದರ, ರಕ್ತಸಿಕ್ತ ದೃಶ್ಯಗಳು ಸೇರಿ ಹಲವು ವಿಷಯಗಳು ಚಿತ್ರಪ್ರೇಮಿಗಳನ್ನು ಕೊನೆಯವರೆಗೆ ಸೀಟಿನಲ್ಲಿ ತಮ್ಮ ಕುತೂಹಲವನ್ನು ಕಾಯ್ದಿಟ್ಟುಕೊಳ್ಳುವಂತೆ ಮಾಡುತ್ತದೆ. ಇನ್ನು ಈ ಚಿತ್ರದ ವಿಶೇಷ ಸಾಂಗ್​ 'ಶರರತ್' ವೀಕ್ಷಕರ ಗಮನ ಸೆಳೆದಿದ್ದೇ ಆದರೂ ಅದರಲ್ಲಿ ಮೊದಲು ಹೆಜ್ಜೆ ಹಾಕಬೇಕಿದ್ದು ಟಾಲಿವುಡ್​ನ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ.

ಡ್ಯಾನ್ಸ್​ ಕೋರಿಯೋಗ್ರಫರ್​ ಆದ ವಿಜಯ್ ಗಂಗೂಲಿ, ಆರಂಭದಲ್ಲಿ ಈ ಹಾಡಿಗೆ ತಮನ್ನಾ ಅವರನ್ನು ಆಯ್ಕೆ ಮಾಡಲು ಸೂಚಿಸಿದ್ದರಂತೆ. ಆದರೆ, ಸಿನಿಮಾದ ನಿರ್ದೇಶಕರಾದ ಆದಿತ್ಯ ಧರ್ ಮಾತ್ರ ಇದಕ್ಕೆ ಒಪ್ಪಿಗೆ ನೀಡಿಲ್ಲ. ಬದಲಿಗೆ, ತಮನ್ನಾ ಅವರನ್ನು ರಿಜೆಕ್ಟ್​ ಮಾಡಿದರಂತೆ. ಅದಕ್ಕೆ ಸ್ಪಷ್ಟ ಕಾರಣವನ್ನೂ ನೀಡಿದ್ದಾಗಿ ಸ್ವತಃ ವಿಜಯ್ ಅವರೇ ಇತ್ತೀಚಿನ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ. ​

"ನಾನು ಆರಂಭದಲ್ಲೇ ಈ ಹಾಡಿಗೆ ತಮನ್ನಾ ಅವರ ಹೆಸರನ್ನು ಸೂಚಿಸಿದ್ದೆ. ಆದರೆ, ಆದಿತ್ಯ ಧರ್ ಅದಕ್ಕೆ ಒಪ್ಪಲಿಲ್ಲ. ಈ ಹಾಡಿನಲ್ಲಿ ತಮನ್ನಾ ಕಾಣಿಸಿಕೊಂಡರೆ, ಪ್ರೇಕ್ಷಕರು ಇದನ್ನು ಕೇವಲ ಒಂದು ಸ್ಪೆಷಲ್​ ಐಟಂ ಸಾಂಗ್ ಎಂದು ನೋಡುತ್ತಾರೆಯೇ ವಿನಃ ಕಥೆಯ ಭಾಗವಾಗಿ ಅಲ್ಲ. ಬೆಳ್ಳಿ ಪರದೆಯ ಮಿಲ್ಕಿ ಬ್ಯೂಟಿ ಹೆಜ್ಜೆ ಹಾಕಿದರೆ, ನೋಡುಗರ ಗಮನ ಅವರ ಕುಣಿತದ ಮೇಲಿರುತ್ತದೆ. ಇದರಿಂದ ಸಿನಿಪ್ರಿಯರು ಕಥೆಯ ಕನೆಕ್ಷನ್​ ಅನ್ನು ಸಾಧ್ಯತೆ ಹೆಚ್ಚಿರಲಿದೆ ಎಂದು ನಿರ್ದೇಶಕರು ಹೇಳಿದರು ಎಂದರು.