ನಗ್ನ ಫೋಟೊ ಕಳಿಸು: ಅಕ್ಷಯ್​ ಕುಮಾರ್​ ಪುತ್ರಿ ಸೈಬರ್​ ಕಿರುಕುಳ ಪ್ರಕರಣ; ಆರೋಪಿಯನ್ನು ಬಂಧಿಸಿದ ಖಾಕಿ ಪಡೆ!Akshay Kumar Daughter

ಮುಂಬೈ: ಭಾರತದಲ್ಲಿ ಇಂರ್ಟನೆಟ್​ ಕ್ರಾಂತಿಯಾಗಿ, ಯಾವಾಗ ಎಲ್ಲರ ಕೈಯಲ್ಲಿ ಸ್ಮಾರ್ಟ್​ಫೋನ್​ಗಳು ಬಂದವೋ ಆಗ, ಇದರ ಉಪಯೋಗಕ್ಕಿಂತ ಆಘಾತಕಾತಿ ಸಂಗತಿಗಳೇ ಹೆಚ್ಚು ನಡೆಯತೊಡಗಿದವು ಎಂದರೆ ತಪ್ಪಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ಹುಡುಗಿಯರಿಗೆ ಮಾನಸಿಕ ಹಿಂಸೆ ನೀಡುವುದರಿಂದ ಹಿಡಿದು ಲೈಗಿಂಕ ದೌರ್ಜನ್ಯ ನಡೆಸಲು ಈ ಸೋಷಿಯಲ್​ ಮೀಡಿಯಾ ವೇದಿಕೆಗಳನ್ನು ಬಳಸಿಕೊಂಡ ಉದಾಹರಣೆ ಬಹಳಷ್ಟಿದೆ.

ಈಗ ಇಂತಹದ್ದೆ ಒಂದು ಸೈಬರ್​ ಬುಲ್ಲಿಂಗ್​ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿ ಒಬ್ಬನನ್ನು ಮಹಾರಾಷ್ಟ್ರ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಕಳೆದ ವರ್ಷ ಅಕ್ಟೋಬರ್​ನಲ್ಲಿ ಬಾಲಿವುಡ್​ ನಟ ಅಕ್ಷಯ್​ ಕುಮಾರ (Akshay Kumar Daughter), ತಮ್ಮ 13 ವರ್ಷದ ಮಗಳು, ನಿತಾರಾಗೆ ಆನ್​ಲೈನ್​ ಗೇಮ್​ನಲ್ಲಿ ಒಬ್ಬ ವ್ಯಕ್ತಿ ಆಕೆಯ ನಗ್ನ ಫೋಟೊ ಕಳಿಸುವಂತೆ ಒತ್ತಾಯ ಮಾಡುತ್ತಿದ್ದಾಗಿ ಸೈಬರ್​ ವಿಂಗ್​ನಲ್ಲಿ ದೂರನ್ನು ದಾಖಲಿಸಿದ್ದರು. ಈಗ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿ ಒಬ್ಬನನ್ನು ಬಂಧಿಸಲಾಗಿದೆ ಎಂದು ಸೈಬರ್​ ಪೊಲೀಸರು ತಿಳಿಸಿದ್ದಾರೆ.

ಅಕ್ಷಯ್​ ಕುಮಾರ್​ ಅವರ ದೂರನ್ನು ಆಧರಿಸಿ ತನಿಖೆ ನಡೆಸಿದ ಮಹಾರಾಷ್ಟ್ರ ಸೈಬರ್​ ಪೊಲೀಸರು ಆರೋಪಿಯನ್ನು ಪತ್ತೆಹಚ್ಚಿ ಬಂಧಿಸಿರುವುದಾಗಿ ಮಹಾರಾಷ್ಟ್ರ ಸೈಬರ್​ ಮುಖ್ಯಸ್ಥ ಯಶಸ್ವಿ ಯಾದವ್​ ತಿಳಿಸಿದ್ದಾರೆ.

ಬಂಧಿತ ಆರೋಪಿಯ ಹೆಸರನ್ನು ಬಹಿರಂಗ ಪಡಿಸದ ಅವರು, ಬಂಧಿತನ ವಿರುದ್ಧ ನಟ ಅಕ್ಷಯ್​ ಕುಮಾರ್​ ಮಗಳಾದ ನಿರಾತಾಗೆ ಗೇಮಿಂಗ್​ ಮೂಲಕ ಪರಿಚಯವಾಗಿ, ನಂತರ ಆಕೆ ಜೊತೆ ಅಶ್ಲೀಲ ಸಂದೇಶ ಕಳುಹಿಸಿದ ಆರೋಪಗಳಿವೆ, ನಾವು ತನಿಖೆ ನಡೆಸುತ್ತಿದ್ದು, ತಪ್ಪು ಮಾಡಿದ್ದು ಕಂಡು ಬಂದಲ್ಲಿ ಕಠಿಣ ಶಿಕ್ಷೆ ನೀಡಲಿದ್ದೆವೆ ಎಂದು ತಿಳಿಸಿದ್ದಾರೆ,(ಏಜನ್ಸೀಸ್​).