ಬಾಲಿವುಡ್ 'ರಾಝಿ'ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ; ಮುಂಬೈನಿಂದಲೇ ಶುಭಾಶಯ ಕೋರಿದ ಅತ್ತಿಗೆ ರಿದ್ಧಿಮಾ.. Alia Bhatt

ಹುಟ್ಟುಹಬ್ಬದಂದು ಮೊದಲು ಶುಭಾಶಯ ಕೋರಿದವರಲ್ಲಿ ಅವರ ಅತ್ತಿಗೆ ರಿದ್ಧಿಮಾ ಕಪೂರ್​ ಸಾಹ್ನಿ ಕೂಡಾ ಒಬ್ಬರಾಗಿದ್ದಾರೆ. ಆದಾಗ್ಯೂ, ಅವರು ಆಲಿಯಾಗೆ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಸಿಹಿ ಸಂದೇಶವನ್ನು ಹಂಚಿಕೊಳ್ಳುವ ಮೂಲಕ ಶುಭಾಶಯವನ್ನು ತಿಳಿಸಿದ್ದು, ಅವರಿಬ್ಬರ ನಡುವಿನ ಒಡನಾಟವನ್ನು ತೋರಿಸುತ್ತದೆ. 

ರಿಧಿಮಾ ಅವರು ಆಲಿಯಾ ಭಟ್​ ಮತ್ತು ಸಹೋದರಿ ಶಾಹೀನ್​ ಭಟ್​ ಅವರ ಮುದ್ದಾದ ಚಿತ್ರವನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದು, ನನ್ನ ಪ್ರೀತಿಯ ಆಲೂ ಪೈ ಹುಟ್ಟು ಹಬ್ಬದ ಶುಭಾಶಯಗಳು ಎಂದು ಬರೆದು ಪೋಸ್ಟ್​ ಮಾಡಿದ್ದಾರೆ. 

ಆಲಿಯಾ ತನ್ನ ಬಹುಮುಖ ಪ್ರತಿಭೆಯ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ತಮ್ಮ ವಿಶೇಷ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಆದಾಗ್ಯೂ, 'ರಾಝಿ' ಚಿತ್ರದಲ್ಲಿ ಅವರು ತೋರಿದ ಧೈರ್ಯಶಾಲಿ ಮತ್ತು ಗೂಢಾಚಾರನ ಪಾತ್ರದಿಂದ ಹಿಡಿದು ಗಂಗೂಬಾಯಿ ಕಥಿಯಾವಾಡಿಯಲ್ಲಿನ ಶಕ್ತಿಶಾಲಿ ಪಾತ್ರವನ್ನು ನಿರ್ವಹಿಸುವ ಮೂಲಕ ಅಭಿಮಾನಿಗಳ ಮನಸ್ಸಲ್ಲಿ ನೆಲೆಸಿದ್ದಾರೆ.

ಕೆಲಸದ ವಿಚಾರಕ್ಕೆ ಬಂದರೆ, ಆಲಿಯಾ ಮುಂದಿನ ಬಹುನಿರೀಕ್ಷಿತ ಸ್ಪೈ ಥ್ರಿಲ್ಲರ್ ಆಲ್ಫಾದಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಚಿತ್ರದಲ್ಲಿ ಶಾರ್ವರಿ ವಾಘ್, ಅನಿಲ್ ಕಪೂರ್ ಮತ್ತು ಬಾಬಿ ಡಿಯೋಲ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.