Juhi Bhatt Ranveer Allahbadia
- ಮುಂಬೈ ವಾಖೆಂಡೆ ಸ್ಟೇಡಿಯಂನಲ್ಲಿ ಗರ್ಲ್ಫ್ರೆಂಡ್ ಜೊತೆ ಬಂದ ಯೂಟ್ಯೂಬರ್ ರಣವೀರ್
- ಸೆಲ್ಫಿಗೆ ಕರ್ದಿದ್ದಕ್ಕೆ ಗರ್ಲ್ಫ್ರೆಂಡ್ ಜೊತೆ ಇದಿನಿ ಎಂದು ತಿರಸ್ಕಾರ
- ಬಾಲಿವುಡ್ ನಟಿ, ಡ್ಯಾನ್ಸರ್ ಆಗಿರುವ ಜೂಹಿ ಭಟ್ ಜೊತೆ ಸಂಬಂಧ
ಮುಂಬೈ: ಪೋಷಕರ ಲೈಂಗಿಕತೆ ಬಗ್ಗೆ ಮಾತನಾಡಿ ಕೋರ್ಟ್ನಿಂದ ಛೀಮಾರಿ ಹಾಕಿಸಿಕೊಂಡಿದ್ದ ಯೂಟ್ಯೂಬರ್ ರಣವೀರ್ ಅಲ್ಲಾಬಾಡಿಯಾ(Ranveer Allahbadia) ಸದ್ಯ ಗರ್ಲ್ ಫ್ರೆಂಡ್ ಜೂಹಿ ಭಟ್ ಜೊತೆಗೆ ರೌಂಡ್ಸ್ ತಿರುಗುತ್ತಿರುವ ವಿಡಿಯೋಗಳು ಹಾಗೂ ಆಕೆಯೊಂದಿಗೆ ಸಂಬಂಧ ಇರುವ ಬಗ್ಗೆ ದೃಢಪಡಿಸಿರುವುದು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಸ್ಟೇಡಿಯಂನಲ್ಲಿ ಡೇಟಿಂಗ್
ಏಪ್ರಿಲ್ 12ರಂದು Mumbai Indians ಮತ್ತು Royal Challengers ನಡುವೆ ನಡೆದ ಐಪಿಎಲ್ ಪಂದ್ಯ ವೀಕ್ಷಿಸಲು ಜೂಹಿ ಭಟ್ ಜೊತೆಗೆ ಮುಂಬೈನ ವಾಂಖೆಡೆ ಕ್ರೀಡಾಂಗಣಕ್ಕೆ ಭೇಟಿ ಕೊಟ್ಟಿದ್ದರು. ಅವರು ವೈಟ್ ಟೀ ಶರ್ಟ್, ಆಕೆಯೂ ವೈಟ್ ಶರ್ಟ್ ಧರಿಸಿ ಸ್ಟೇಡಿಯಂಗೆ ಎಂಟ್ರಿ ಕೊಟ್ಟಿದ್ದಾರೆ. ಆ ಮೂಲಕ ಒಂದೇ ರೀತಿ ಬಟ್ಟೆ ಧರಿಸಿದ್ದ ಅವರು ಗಮನಸೆಳೆದರು. ಅವರಿಬ್ಬರ ಆಗಮನವಾಗುತ್ತಲೇ ಬಪಾಪರಾಜಿಗಳು ಅವರಿಬ್ಬರ ವಿಡಿಯೋ ಮಾಡಲು ಮುಂದಾಗಿದ್ದಾರೆ. ಅವರನ್ನು ದಿಕ್ಕರಿಸಿ, ಆಕೆಯ ಕೈ ಹಿಡಿದು ತೆರಳುವುದು ವಿಡಿಯೋದಲ್ಲಿದೆ.
ಗರ್ಲ್ಫ್ರೆಂಡ್ ಜೊತೆ ಮ್ಯಾಚ್ ನೋಡಿದ ರಣವೀರ್
ಯೂಟ್ಯೂಬರ್ ರಣವೀರ್ ಅಲ್ಲಬಾಡಿಯಾ ವೈಯಕ್ತಿಕ ಜೀವನದ ಬಗ್ಗೆ ಇದ್ದ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ. ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ MI vs RCB ಐಪಿಎಲ್ ಪಂದ್ಯದ ವೇಳೆ ಅವರು ಜೂಹಿ ಭಟ್ ಅವರೊಂದಿಗೆ ಕಾಣಿಸಿಕೊಂಡಿದ್ದು, "ನಾನು ನನ್ನ ಗರ್ಲ್ಫ್ರೆಂಡ್ ಜೊತೆಗಿದ್ದೇನೆ" ಎಂದು ಹೇಳುವ ಮೂಲಕ ತಮ್ಮ ಸಂಬಂಧವನ್ನು ಅಧಿಕೃತವಾಗಿ ದೃಢಪಡಿಸಿದ್ದಾರೆ.
ವಾಖೆಂಡೆ ಸ್ಟೇಡಿಯಂ ಬಳಿ ಅವರ ಅಭಿಮಾನಿಗಳು ಸೆಲ್ಫಿಗಾಗಿ ಮುಗಿಬಿದ್ದಾಗ, ರಣವೀರ್ ನಯವಾಗಿ ನಿರಾಕರಿಸುತ್ತಾ, "ನಾನು ಈಗ ನನ್ನ ಗರ್ಲ್ಫ್ರೆಂಡ್ ಜೊತೆಗಿದ್ದೇನೆ" ಎಂದು ಕ್ಯಾಮೆರಾ ಮುಂದೆಯೇ ಹೇಳಿದ್ದಾರೆ.
ಯಾರು ಈ ಜೂಹಿ ಭಟ್
ಜೂಹಿ ಭಟ್ ಬಾಲಿವುಡ್ನ ನಟಿ. ವೃತ್ತಿಪರ ನೃತ್ಯಗಾರ್ತಿ ಮತ್ತು ಡಿಜಿಟಲ್ ಕ್ರಿಯೇಟರ್. ಈಕೆ ಫಕ್ರೆ3 ಎನ್ನುವ ಸಿನಿಮಾನದಲ್ಲಿನ ಒಂದು ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಹಲವು ವೆಬ್ ಸೀರಿಸ್ನಲ್ಲಿ ಆಕ್ಟ್ ಮಾಡಿದ್ದಾರೆ. ಇವರಿಗೆ ಇನ್ಸ್ಟಾಗ್ರಾಮ್ನಲ್ಲಿ 4.5 ಲಕ್ಷಕ್ಕೂ ಹೆಚ್ಚು ಫಾಲೋವರ್ಗಳನ್ನು ಇದ್ದಾರೆ.
ನಿಕ್ಕಿ ಶರ್ಮಾ ಜೊತೆ ಸಂಬಂಧ
ಈ ಹಿಂದೆ ನಟಿ ನಿಕ್ಕಿ ಶರ್ಮಾ ಅವರೊಂದಿಗೆ ರಣವೀರ್ ಸಂಬಂಧ ಹೊಂದಿದ್ದರು ಎನ್ನುವ ಗಾಸಿಪ್ ಹರಿದಾಡಿತ್ತು. ಆದರೆ ಇತ್ತೀಚೆಗಷ್ಟೇ ಅವರು ತಮ್ಮ 'ಭೀಕರ ಬ್ರೇಕಪ್' ಬಗ್ಗೆ ಪಾಡ್ಕಾಸ್ಟ್ನಲ್ಲಿ ಮಾತನಾಡಿದ್ದರು. ಈಗ ಜೂಹಿ ಜೊತೆಗಿನ ಹೊಸ ಅಧ್ಯಾಯವನ್ನು ಅವರು ಅಧಿಕೃತಗೊಳಿಸಿದ್ದಾರೆ, (ಏಜೆನ್ಸೀಸ್).