ಪ್ರತಿಷ್ಠಿತ ಆಸ್ಕರ್ ಪ್ರಶಸ್ತಿ ರೇಸ್ನಲ್ಲಿ ಮೈಕಲ್ ಬಿ. ಜೋರ್ಡನ್ ನಟಿಸಿದ್ದ "ಸಿನ್ನರ್ಸ್' ಮತ್ತು ಲಿಯೋನಾರ್ಡೊ ಡಿಕಾಪ್ರಿಯೋ ಅಭಿನಯದ "ಒನ್ ಬ್ಯಾಟಲ್ ಆಫ್ಟರ್ ಅನದರ್' ನಡುವೆ ನೇರ ಹಣಾಹಣಿ ಏರ್ಪಟ್ಟಿತ್ತು. "ಸಿನ್ನರ್ಸ್' ಆಸ್ಕರ್ ಇತಿಹಾಸದಲ್ಲೇ ಬರೋಬ್ಬರಿ 16 ವಿಭಾಗಗಳಲ್ಲಿ ನಾಮಿನೇಷನ್ ಆಗಿದ್ದರೆ, "ಒನ್ ಬ್ಯಾಟಲ್ ಆಫ್ಟರ್ ಅನದರ್' 13 ವಿಭಾಗಗಳಲ್ಲಿ ನಾಮಾಂಕಿತಗೊಂಡಿತ್ತು. ಭಾನುವಾರ (ಮಾ. 15) ಹಾಲಿವುಡ್ನ ಡಾಲ್ಬಿ ಥಿಯೇಟರ್ನಲ್ಲಿ ನಡೆದ 98ನೇ ಸಾಲಿನ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ "ಒನ್ ಬ್ಯಾಟಲ್ ಆಫ್ಟರ್ ಅನದರ್' ಆರು ವಿಭಾಗಗಳಲ್ಲಿ ಪ್ರಶಸ್ತಿ ಗೆದ್ದಿದ್ದು, "ಸಿನ್ನರ್ಸ್' ನಾಲ್ಕು ಹಾಗೂ ಫ್ರಾಂಕೆಂಸ್ಟೀನ್' ಮೂರು ವಿಭಾಗಗಳಲ್ಲಿ ಪ್ರಶಸ್ತಿ ಗೆದ್ದಿವೆ.
ಅತ್ಯುತ್ತಮ ಸಿನಿಮಾ - ಒನ್ ಬ್ಯಾಟಲ್ ಆಫ್ಟರ್ ಅನದರ್
ಅತ್ಯುತ್ತಮ ನಾಯಕ - ಮೈಕಲ್ ಬಿ ಜೋರ್ಡನ್ (ಸಿನ್ನರ್ಸ್)
ಅತ್ಯುತ್ತಮ ನಾಯಕಿ - ಜೆಸ್ಸೀ ಬಕ್ಲೀ (ಹ್ಯಾಮ್ನೆಟ್)
ಅತ್ಯುತ್ತಮ ಪೋಷಕ ನಟ - ಶಾನ್ ಪೆನ್ (ಒನ್ ಬ್ಯಾಟಲ್ ಆಫ್ಟರ್ ಅನದರ್)
ಅತ್ಯುತ್ತಮ ಪೋಷಕ ನಟಿ - ಆ್ಯಮಿ ಮ್ಯಾಡಿಗನ್ (ವೆಪನ್ಸ್)
ಅತ್ಯುತ್ತಮ ನಿರ್ದೇಶನ - ಪೌಲ್ ಥಾಮಸ್ ಆ್ಯಂಡರ್ಸನ್ (ಒನ್ ಬ್ಯಾಟಲ್ ಆಫ್ಟರ್ ಅನದರ್ )
ಅತ್ಯುತ್ತಮ ಆ್ಯನಿಮೇಟೆಡ್ ಸಿನಿಮಾ - ಕೆಪಾಪ್ ಡೆಮ್ ಹಂರ್ಟಸ್
ಅತ್ಯುತ್ತಮ ಆ್ಯನಿಮೇಟೆಡ್ ಕಿರುಚಿತ್ರ - ದ ಗರ್ಲ್ ಹೂ ಕೆಡ್ ಪರ್ಲ್ಸ್
ಅತ್ಯುತ್ತಮ ಕಾಸ್ಟಿಂಗ್ - ಕೆಸಾಂಡ್ರಾ ಕುಲುಕುಂಡಸ್ (ಒನ್ ಬ್ಯಾಟಲ್ ಆಫ್ಟರ್ ಅನದರ್ )
ಅತ್ಯುತ್ತಮ ಛಾಯಾಗ್ರಹಣ - ಆಟಮ್ ಡ್ಯುರಾಲ್ಡ್ ಅರ್ಕಪಾವ್ (ಸಿನ್ನರ್ಸ್)
ಅತ್ಯುತ್ತಮ ಕಾಸ್ಟ್ಯೂಮ್ ಡಿಸೈನ್ - ಕೇಟ್ ಹಾವ್ಲಿ (ಫ್ರಾಂಕೆಂಸ್ಟೀನ್)
ಅತ್ಯುತ್ತಮ ಸಾಕ್ಷ್ಯಚಿತ್ರ - ಮಿಸ್ಟರ್ ನೋಬಡಿ ಅಗೇನ್ಸ್ಟ್ ಪುಟಿನ್
ಅತ್ಯುತ್ತಮ ಕಿರುಸಾಕ್ಷ್ಯಚಿತ್ರ - ಆಲ್ ದ ಎಂಪ್ಟಿ ರೂಮ್ಸ್
ಅತ್ಯುತ್ತಮ ಸಂಕಲನ - ಆ್ಯಂಡಿ ರ್ಜಗೆನ್ಸನ್ (ಒನ್ ಬ್ಯಾಟಲ್ ಆಫ್ಟರ್ ಅನದರ್ )
ಅತ್ಯುತ್ತಮ ಅಂತಾರಾಷ್ಟ್ರೀಯ ಸಿನಿಮಾ - ಸೆಂಟಿಮೆಂಟಲ್ ವ್ಯಾಲ್ಯೂ (ನಾರ್ವೇ ದೇಶ)
ಅತ್ಯುತ್ತಮ ಲೈವ್ ಆ್ಯಕ್ಷನ್ ಕಿರುಚಿತ್ರ - ದ ಸಿಂಗರ್ಸ್ ಮತ್ತು ಟು ಪೀಪಲ್ ಎಕ್ಸ್ಚೇಂಜಿಂಗ್ ಸಲೈವಾ
ಅತ್ಯುತ್ತಮ ಪ್ರಸಾದನ ಮತ್ತು ಕೇಶವಿನ್ಯಾಸ - (ಫ್ರಾಂಕೆಂಸ್ಟೀನ್)
ಅತ್ಯುತ್ತಮ ಸಂಗೀತ - ಲುಡ್ವಿಗ್ ಗೊರಾನ್ಸನ್ (ಸಿನ್ನರ್ಸ್)
ಅತ್ಯುತ್ತಮ ಹಾಡು - ಗೋಲ್ಡನ್ (ಕೆಪಾಪ್ ದ ಡೆಮನ್ ಹಂರ್ಟಸ್)
ಅತ್ಯುತ್ತಮ ನಿರ್ಮಾಣ ವಿನ್ಯಾಸ - ಫ್ರಾಂಕೆಂಸ್ಟೀನ್
ಅತ್ಯುತ್ತಮ ವಿಎ್ಎಕ್ಸ್ - ಅವತಾರ್ - ಫೈರ್ ಆ್ಯಂಡ್ ಆ್ಯಶ್
ಅತ್ಯುತ್ತಮ ಚಿತ್ರಕಥೆ (ಅಡಾಪ್ಟೆಡ್) - ಪೌಲ್ ಥಾಮಸ್ ಆ್ಯಂಡರ್ಸನ್ (ಒನ್ ಬ್ಯಾಟಲ್ ಆಫ್ಟರ್ ಅನದರ್ )
ಅತ್ಯುತ್ತಮ ಚಿತ್ರಕಥೆ (ಒರಿಜಿನಲ್) - ರಿಯಾನ್ ಕೂಗ್ಲರ್ (ಸಿನ್ನರ್ಸ್)
ಭಾರತ ಮೂಲದ ನಿರ್ದೇಶಕನಿಗೆ ಪ್ರಶಸ್ತಿ
ಭಾರತದಿಂದ "ಹೋಮ್ಬೌಂಡ್' ಚಿತ್ರವನ್ನು ಅಧಿಕೃತವಾಗಿ ಆಯ್ಕೆ ಮಾಡಿ ಆಸ್ಕರ್ಗೆ ಕಳುಹಿಸಲಾಗಿತ್ತು. ಆದರೆ, ಆ ಸಿನಿಮಾ ನಾಮಿನೇಷನ್ ಹಂತದಲ್ಲಿಯೇ ಹೊರಗುಳಿಯಿತು. ಜತೆಗೆ ಕನ್ನಡದ "ಕಾಂತಾರ ಚಾಪ್ಟರ್ 1', "ತಾನ್ವಿ ದ ಗ್ರೇಟ್', "ಮಹಾವತಾರ್ ನರಸಿಂಹ', "ಟೂರಿಸ್ಟ್ ಫ್ಯಾಮಿಲಿ', "ಸಿಸ್ಟರ್ ಮಿಡ್ನೈಟ್' ಸೇರಿ ಒಟ್ಟು 26 ಚಿತ್ರಗಳನ್ನು ವಿವಿಧ ವಿಭಾಗಗಳಲ್ಲಿ ಸ್ಪರ್ಧೆಗೆ ಕಳುಹಿಸಲಾಗಿತ್ತು. ಯಾವ ಭಾರತೀಯ ಚಿತ್ರಕ್ಕೂ ಈ ಬಾರಿ ಆಸ್ಕರ್ನಲ್ಲಿ ಮಣೆ ಹಾಕಿಲ್ಲ. ಆದರೂ, ಭಾರತೀಯರು ಹೆಮ್ಮೆಪಡುವಂತಹ ಎರಡು ವಿಷಯಗಳಿಗೆ ಈ ಬಾರಿಯ ಅಕಾಡೆಮಿ ಅವಾರ್ಡ್ಸ್ ಸಾಯಾಗಿದೆ. ಹೌದು, ಅತ್ಯುತ್ತಮ ಲೈವ್ ಆ್ಯಕ್ಷನ್ ಕಿರುಚಿತ್ರ ವಿಭಾಗದಲ್ಲಿ ಸ್ಯಾಮ್ ಎ. ಡೇವಿಸ್ & ಜ್ಯಾಕ್ ಪಿಯಟ್ ನಿರ್ದೇಶನದ "ದ ಸಿಂಗರ್ಸ್' ಮತ್ತು ಅಲೆಕ್ಸಾಂಡ್ರೆ ಸಿಂಗ್ &-ನಟಾಲೀ ಮುಸ್ಟೇಟಾ ನಿರ್ದೇಶನದ "ಟು ಪೀಪಲ್ ಎಕ್ಸ್ಚೇಂಜಿಂಗ್ ಸಲೈವ' ಶಾರ್ಟ್ ಫಿಲಂಗಳು ಪ್ರಶಸ್ತಿ ಗಳಿಸಿವೆ. ವಿಶೇಷ ಅಂದರೆ ಅಲೆಕ್ಸಾಂಡ್ರೆ ಸಿಂಗ್ ಭಾರತ ಮೂಲದವರು. ಫ್ರಾನ್ಸ್ನಲ್ಲಿ ಭಾರತೀಯ ಮೂಲದ ಕುಟುಂಬಕ್ಕೆ ಜನಿಸಿದ ಅವರು ಬ್ರಿಟನ್ನಲ್ಲಿ ನೆಲೆಸಿದ್ದಾರೆ. ಹಾಗೇ 13 ವರ್ಷಗಳ ಬಳಿಕ ಒಂದೇ ವಿಭಾಗದಲ್ಲಿ ಎರಡು ಚಿತ್ರಗಳಿಗೆ ಪ್ರಶಸ್ತಿ ನೀಡಿರುವುದು ವಿಶೇಷ. ಈ ಹಿಂದೆ 2013ರಲ್ಲಿ ಅತ್ಯುತ್ತಮ ಧ್ವನಿ ವಿಭಾಗದಲ್ಲಿ "ಸ್ಕೈಫಾಲ್' ಮತ್ತು "ಜೀರೋ ಡಾರ್ಕ್ ಥರ್ಟಿ' ಚಿತ್ರಗಳು ಪ್ರಶಸ್ತಿ ಹಂಚಿಕೊಂಡಿದ್ದವು.
ಪ್ರಶಸ್ತಿ ಪ್ರದಾನ ಮಾಡಿದ ಪ್ರಿಯಾಂಕಾ
ಈ ಬಾರಿ ಹಾಲಿವುಡ್ನಲ್ಲಿ ನೆಲೆಸಿರುವ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ, ಹಾಲಿವುಡ್ ನಟ ಜೇವಿಯರ್ ಬಾರ್ಡೆಮ್ ಜತೆ ಸೇರಿ ಅತ್ಯುತ್ತಮ ಅಂತಾರಾಷ್ಟ್ರೀಯ ಸಿನಿಮಾ ಆಗಿ ಆಯ್ಕೆಯಾದ ನಾರ್ವೆಯ "ಸೆಂಟಿಮೆಂಟಲ್ ವ್ಯಾಲ್ಯೂ' ತಂಡಕ್ಕೆ ಪ್ರಶಸ್ತಿ ಪ್ರದಾನ ಮಾಡಿದರು. ಈ ಸಂದರ್ಭದಲ್ಲಿ ಜೇವಿಯರ್ "ನೋ ಟು ವಾರ್, ಫ್ರೀ ಪ್ಯಾಲೆಸ್ತೈನ್' ಎಂದು, ಟ್ರಂಪ್ ಆಡಳಿತದ ವಿರುದ್ಧ ಧ್ವನಿಯೆತ್ತಿದರು.