ರಾಜಸ್ಥಾನ್ ರಾಯಲ್ಸ್ ಶಿಲ್ಪಾಗೆ ನೀಡಿದ ಗಿಫ್ಟ್ ಎಂದ ರಾಜ್ ಕುಂದ್ರಾ
- ಪ್ರೇಮಿಗಳ ದಿನದ ಉಡುಗೊರೆಯಾಗಿ ಐಪಿಎಲ್ ತಂಡವನ್ನು ಖರೀದಿಸಿದ ಉದ್ಯಮಿ
- ರಾಜಸ್ಥಾನ್ ರಾಯಲ್ಸ್ ಶಿಲ್ಪಾಗೆ ನೀಡಿದ ಗಿಫ್ಟ್ ಎಂದ ರಾಜ್ ಕುಂದ್ರಾ
- 82 ಕೋಟಿಗೆ ಖರೀದಿಸಿದ ತಂಡ ಈಗ 16 ಸಾವಿರ ಕೋಟಿ ಮೌಲ್ಯ ಪಡೆದಿದೆ
ಕ್ರಿಕೆಟ್: ಕರ್ನಾಟಕ ಮೂಲದ, ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಬಗ್ಗೆ ಎಲ್ಲರಿಗೂ ತಿಳಿದೆಯಿದೆ. ಇವರು ಖ್ಯಾತ ಉದ್ಯಮಿ ರಾಜ್ ಕುಂದ್ರಾ ಅವರ ಪತ್ನಿಯೂ ಹೌದು. ಇತ್ತೀಚೆಗೆ ಶಿಲ್ಪಾ ಪತಿ ರಾಜ್ (Raj Kundra on Rajasthan Royals) ತಾವು ಐಪಿಎಲ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಏಕೆ ಖರೀದಿಸಿದರು ಎಂಬ ಸಂಗತಿಯನ್ನು ಹಂಚಿಕೊಂಡಿದ್ದಾರೆ.
ಶಿಲ್ಪಾಗೆ ವ್ಯಾಲೆಂಟೈನ್ ಡೇ ಗಿಫ್ಟ್ ನೀಡಿದೆ!
ಇತ್ತೀಚಿಗೆ ಖಾಸಗಿ ಮಾದ್ಯಮವೊಂದಕ್ಕೆ ನೀಡಿಸ ಸಂದರ್ಶನ ಮಾತನಾಡಿರುವ ರಾಜ್ ಕುಂದ್ರಾ, ನಾನು 2009 ರಲ್ಲಿ ಸುಮಾರು 82 ಕೋಟಿಗೆ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಖರೀದಿಸಿದ್ದೆ. ಖರೀದಿಸಿದ್ದೆ ಎಂದರೆ ನಾವು ಖರೀದಾರರ ಗುಂಪಿನಲ್ಲಿ ನಾನೊಬ್ಬ ಪಾರ್ಟ್ನರ್ ಆಗಿದ್ದೆ ಎಂದಿದ್ದಾರೆ.
ನಾನು ಈ ರಾಜಸ್ಥಾನ್ ತಂಡವನ್ನು ಖರೀದಿಸಿದ ದಿನ ಫೆಬ್ರುವರಿ 14 ಅಂದರೆ ಪ್ರೇಮಿಗಳ ದಿನವಾಗಿತ್ತು. ಹೀಗಾಗಿ ನಾನು ಈ ತಂಡವನ್ನು ನನ್ನ ಹೆಂಡತಿ ಶಿಲ್ಪಾಳುಗೆ ಉಡುಗೊರೆಯಾಗಿ ನೀಡಿದ್ದೆ ಎಂದಿದ್ದಾರೆ.
ನಾನು ಈ ತಂಡದಲ್ಲಿ ಕೇವಲ ನನ್ನ ಹಣವನ್ನು ಮಾತ್ರವಲ್ಲ ಶಿಲ್ಪಾ ಇಷ್ಟು ವರ್ಷಗಳ ಕಾಲ ಗಳಿಸಿದ್ದ ಖ್ಯಾತಿಯನ್ನು ಸಹ ಹೂಡಿಕೆ ಮಾಡಿದ್ದೆ. ಆದರೆ ನನಗೆ ಆ ದಿನವೇ ತಿಳಿದಿತ್ತು, ಇದು ನನಗೆ ಖಂಡಿತ ಲಾಭವನ್ನು ತಂದುಕೊಡುತ್ತದೆ ಎನ್ನುವ ನಂಬಿಕೆ ಇತ್ತು ಎಂದಿದ್ದಾರೆ. ನಾವು ಆ ಸಮಯದಲ್ಲಿ ಸುಮಾರು 700 ಕೋಟಿಗೆ ತಂಡವನ್ನು ಖರೀದಿಸಿದೆವು. ಅದರ ಇಂದಿನ ಮೌಲ್ಯ ಸುಮಾರು 16 ಸಾವಿರ ಕೋಟಿ ದಾಟಿದೆ ಎಂದು ತಿಳಿಸಿದರು.
ಬ್ಯಾನ್ ಬಗ್ಗೆ ಮೌನ ಮುರಿದ ಉದ್ಯಮಿ!
ನಂತರ 2013 ರಲ್ಲಿ ಐಪಿಎಲ್ನಲ್ಲಿ ಬೆಟ್ಟಿಂಗ್ ಹಾಗೂ ಫಿಕ್ಸಿಂಗ್ ಆರೋಪಗಳಿಗೆ ರಾಜಸ್ಥಾನ್ ತಂಡ ಗುರಿಯಾಗಿ ಎರಡು ವರ್ಷಗಳ ನಿಷೇಧವನ್ನು ಅನುಭವಿಸಿತು. ಕೆಲವೊಂದಿಷ್ಟು ಆಟಗಾರರ ಬಂಧನವಾಯಿತು. ಹಾಗೆಯೇ ನಾನು ಕೂಡ ಕ್ರಿಕೆಟ್ನಿಂದ ದೂರವಾಗಬೇಕಾಯಿತು ಎಂದು ರಾಜ್ ಬೇಸರ ವ್ಯಕ್ತಪಡಿಸಿದ್ದಾರೆ, (ಏಜನ್ಸೀಸ್).