ಧುರಂಧರ್ ಸಿನಿಮಾ ಬಗ್ಗೆ ಮೌನ ಮುರಿದ ಅಮೀರ್ ಖಾನ್
- ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸುತ್ತಿರುವ ಧುರಂಧರ್ 2
- ಬಿಡುಗಡೆಯಾದ ಒಂದೇ ವಾರದಲ್ಲಿ ಸಾವಿರ ಕೋಟಿ ಕ್ಲಬ್ ಸೇರಿದ ಸಿನಿಮಾ
- ನಾನು ಈ ಸಿನಿಮಾವನ್ನು ನೋಡಿಲ್ಲ, ಆದರೆ ಇದರ ಬಗ್ಗೆ ಉತ್ತಮ ಅಭಿಪ್ರಾಯವನ್ನು ಕೇಳಿದ್ದೆನೆ : ಅಮೀರ್ ಖಾನ್
ಮುಂಬೈ: ಭಾರತೀಯ ಚಿತ್ರರಂಗದ ಅದರಲ್ಲೂ ಬಾಲಿವುಡ್ನ ದಿಕ್ಕನ್ನೇ ಬದಲಿಸಿದ ಸಿನಿಮಾ ಯಾವುದೆಂರೆ ಎಲ್ಲರ ಬಾಯಿಗೆ ಬರುವ ಹೆಸರೇ ಧುರಂಧರ್. ಈಗ ಈ ಸಿನಿಮಾದ ಎರಡನೇ ಭಾಗ ಧುರಂಧರ್ 2 ತೆರೆಕಂಡ ಏಳೇ ದಿನಗಳಲ್ಲಿ ಸಾವಿರ ಕೋಟಿ ಗಡಿ ದಾಟಿ ಈಗ 1,500 ಕೋಟಿಗಳಿಕೆ ಮಾಡಲು ಸಜ್ಜಾಗುತ್ತಿದೆ.
ಈ ಸಿನಿಮಾ ಬಿಡುಗಡೆಯಾದ ದಿನದಿಂದ ಇದರ ಯಶಸ್ಸಿನ ಅಶ್ವಮೇಧಯಾಗ ಮುಂದುವರೆದಿದ್ದು, ಇಲ್ಲಿವರೆಗೆ ಸಿನಿ ರಂಗದಲ್ಲಿ ನಿರ್ಮಾಣವಾಗಿದ್ದ ಎಲ್ಲಾ ದಾಖಲೆಗಳು ಪುಡಿಪುಡಿಯಾಗಿವೆ.
ಆದರೆ ಈ ಸಿನಿಮಾ ಇಷ್ಟೊಂದು ಖ್ಯಾತಿಯನ್ನು ಗಳಿಸುತ್ತಿದ್ದರೂ ಸಹ ಬಾಲಿವುಡ್ನ ಸೂಪರ್ ಸ್ಟಾರ್ಗಳೆನ್ನಿಕೊಂಡಿರುವ ಖ್ಯಾತನಾಮರು ಏಕೆ ಈ ಸಿನಿಮಾದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿಲ್ಲ, ಎಂಬ ಪ್ರಶ್ನೆ ವೀಕ್ಷಕರನ್ನು ಕಾಡುತ್ತಲೇ ಇತ್ತು.
ನಾನು ಈ ಸಿನಿಮಾದ ಬಗ್ಗೆ ಮೆಚ್ಚುಗೆಯನ್ನಷ್ಟೇ ಕೇಳಿದ್ದೇನೆ!
ಈಗ ಈ ಸಿನಿಮಾ ಬಗ್ಗೆ ಮೌನ ಮುರಿದಿರುಬ ಮಿಸ್ಟರ್ ಪೆರ್ಫೆಕ್ಷನಿಸ್ಟ್ ಖ್ಯಾತಿಯ ಅಮೀರ್ ಖಾನ್ (Aamir Khan on Dhurandhar 2), ನಾನು ಈ ಸಿನಿಮಾವನ್ನು ಈ ವರೆಗೆ ನೋಡಿಲ್ಲ, ಆದರೆ ಇದರ ಬಗ್ಗೆ ಸಕಾರಾತ್ಮಕವಾದ ವಿಚಾರವನ್ನಷ್ಟೇ ಕೇಳಿದ್ದೇನೆಂದು ಹೇಳಿದ್ದಾರೆ.
ಆದಿತ್ಯ ಹಾಲಿವುಡ್ ರೇಂಜ್ ನಿರ್ದೇಶಕ: ಕಂಗನಾ
ಧುರಂಧರ್ 2: ದಿ ರಿವೆಂಜ್ ಸಿನಿಮಾವನ್ನು ವೀಕ್ಷಿಸಿದ ಬಾಲಿವುಡ್ನಟಿ ಹಾಗೂ ಬಿಜೆಪಿ ಸಂಸದೆ ಕಂಗನಾ ರಣಾವತ್, ಈ ಸಿನಿಮಾ ಭಾತರೀಯ ಸಮಾಜಕ್ಕೆ ಹಿಡಿದ ಕೈಗನ್ನಡಿಯಾಗಿದೆ. ಬಾಲಿವುಡ್ನಲ್ಲಿ ನಿರ್ದೇಶಕ ಎಲ್ಲರಿಗಿಂತ ಹೆಚ್ಚಿನ ಶ್ರಮವಹಿಸಿ ಅತ್ಯಂತ ಕಡಿಮೆ ಸಂಭಾವನೆ ಪಡೆಯುತ್ತಾನೆ. ಸಿನಿಮಾ ಕೇವಲ ಸ್ಟಾರ್ ನಟರಿಂದ ಹಿಟ್ ಆಗುತ್ತದೆ ಎಂಬ ಸಂಸ್ಕೃತಿ ಬಾಲಿವುಡ್ನಲ್ಲಿದೆ.
ಆದರೆ, ಆದಿತ್ಯ ಧರ್ ಈ ಸಂಪ್ರದಾಯವನ್ನು ಸಂಪೂರ್ಣವಾಗಿ ಸುಳ್ಳಾಗಿಸಿದ್ದು, ನಿರ್ದೇಶಕನ ಮೂಲಕವೇ ಸಿನಿಮಾ ಹಿಟ್ ಅಥವಾ ಪ್ಲಾಪ್ ಆಗುತ್ತದೆ ಎಂಬ ಸಂದೇಶವನ್ನು ನೀಡಿದ್ದಾರೆ. ಅಷ್ಟೇ ಅಲ್ಲದೆ ಆದಿತ್ಯ ಧರ್ ಒಬ್ಬ ಹಾಲಿವುಡ್ ರೇಂಜಿನ ನಿರ್ದೇಶಕನಾಗಿ ಹೊರಹೊಮ್ಮಿದ್ದಾರೆ ಎಂದು ಕಂಗನಾ ಮೆಚ್ಚುಗೆ ವ್ಯಕ್ತ ಪಡಿಸಿದ್ದರು.
ಧುರಂಧರ್ 2 ಬಗ್ಗೆ
ಧುರಂಧರ್ 2 ಇದು ಧುರಂಧರ್ ಸಿನಿಮಾದ ಎರಡನೇ ಭಾಗವಾಗಿದೆ. ಈ ಸಿನಿಮಾವು ಕರಾಚಿಯ ಲಿಯಾರಿಗೆ ತೆರಳಿರುವ ಭಾರತದ ಗುಪ್ತಚರನ ಕುರಿತು ನಿರ್ಮಿಸಲಾಗಿರುವ ಒಂದು ಕಾಲ್ಪನಿಕ ಕಥೆಯಾಗಿದೆ. ಅದರೆ ಈ ಸಿನಿಮಾದಲ್ಲಿ ಹಲವು ನೈಜ ಘಟನೆಗಳ ಸನ್ನಿವೇಶಗಳನ್ನು ಸೇರಿಸಿಕೊಂಡಿರುವ ಕಾರಣ ಜನರ ಮೆಚ್ಚುಗೆಗೆ ಪಾತ್ರವಾಗಿದೆ.
ಈ ಸಿನಿಮಾದಲ್ಲಿ ರಣವೀರ್ ಸಿಂಗ್, ರಾಕೇಶ್ ಬೇಡಿ, ಆರ್.ಮಾಧವನ್, ಅರ್ಜುನ್ ರಾಂಪಾಲ್, ಡ್ಯಾನಿಶ್ ಇಕ್ಬಾಲ್, ಸಾರಾ ಅರ್ಜುನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಉರಿ: ದಿ ಸರ್ಜಿಕಲ್ ಸ್ಟ್ರೈಕ್ ಸಿನಿಮಾದ ನಿರ್ದೇಶಕ ಆದಿತ್ಯ ಧರ್ ಈ ಸಿನಿಮಾದ ನಿರ್ದೇಶಕರಾಗಿದ್ದಾರೆ,(ಏಜನ್ಸೀಸ್).