ನನಗೆ ಯಾರ ಸಹಾಯವೂ ಬೇಡ, ನಮ್ಮ ಯುದ್ಧದಲ್ಲಿ ನಾವೇ ಹೋರಾಡುತ್ತೇವೆ: ಬಿಡುಗಡೆಯಾದ ಎರಡೇ ದಿನಕ್ಕೆ 'ಸತ್ಲಜ್' ಬ್ಯಾನ್; ದಿಲ್ಜಿತ್ ದೋಸಾಂಜ್ ಆಕ್ರೋಶ! Diljit Dosanjh on Satluj Ban

ಮುಂಬೈ: ಸಂಗೀತ ನಿರ್ದೇಶಕ, ಗಾಯಕ ಹಾಗೂ ನಟ ದಿಲ್ಜಿತ್ ದೋಸಾಂಜ್ ಅವರ ಬಹನೀರಿಕ್ಷಿತ ಸಿನಿಮಾ ಸತ್ಲಜ್​ ಇತ್ತೀಚೆಗೆ ಜೀ5 ಓಟಿಟಿಯಲ್ಲಿ ಬಿಡುಗಡೆಯಾಗಿ ಈಗ ಮತ್ತೆ ಕಣ್ಮರೆಯಾಗಿದೆ. ಈ ಸಿನಿಮಾದಲ್ಲಿ ಸಿಖ್​ರ ನರಮೇಧದ ಕುರಿತು ಕೆಲವು ಸೂಕ್ಷ್ಮ ವಿಚಾರಗಳ ಬಗ್ಗೆ ಬೆಳಕನ್ನು ಚೆಲ್ಲಿರುವ ಕಾರಣ ಈ ಸಿನಿಮಾದ ಬಿಡುಗಡೆಗೆ ತಡೆ ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ.

ಈಗ ಇದರ ಕುರಿತು ನಿಮಾದಲ್ಲಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ದಿಲ್ಜಿತ್ ದೋಸಾಂಜ್ (Diljit Dosanjh on Satluj Ban) ಮನಬಿಚ್ಚಿ ಒಂದಿಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಈ ಸತ್ಲಜ್​ ಸಿನಿಮಾಗೆ ಮೊದಲು ಪಂಜಾಬ್​ 95 ಎಂದು ಹೆಸರನ್ನು ಇಡಲಾಗಿತ್ತು. ಅಂದರೆ ಈ ಸಿನಿಮಾದಲ್ಲಿ 1995 ರಲ್ಲಿ ಪಂಜಾಬ್​ನಲ್ಲಿ ನಡೆದಿದೆ ಎನ್ನಲಾದ ಸಿಖ್​ ಸಮುದಾಯದ ಹತ್ಯಾಕಾಂಡದ ಬಗ್ಗೆ ಈ ಸಿನಿಮಾ ಕೇಂದ್ರಿಕೃತವಾಗಿತ್ತು. ಆದರೆ ಇದಕ್ಕೆ ಭಾರಿ ವಿರೋಧ ವ್ಯಕ್ತವಾದ ಹಿನ್ನಲೆ ಸಿನಿಮಾಗೆ ಸತ್ಲಜ್​ ಎಂದು ಮರುನಾಮಕರಣ ಮಾಡಲಾಯಿತು. ಈಗ ನಿಸಿಮಾ ಓಟಿಟಿಯಲ್ಲಿ ತೆರೆಕಂಡ ಎರಡೇ ದಿನಗಳಲ್ಲಿ ಪ್ರಸಾರ ನಿಲ್ಲಿಸಿದ ಬಗ್ಗೆ ದಿಲ್ಜಿತ್ ದೋಸಾಂಜ್ ಇಂದು (ಸೋಮವಾರ, ಜು.6) ಇನ್​​ಸ್ಟಾಗ್ರಾಮ್​ನಲ್ಲಿ ಲೈವ್​ ಬಂದು ಒಂದಿಷ್ಟು ಸಮಯ ಸಿನಿಮಾ ಬಗ್ಗೆ ಮಾತನಾಡಿದ್ದಾರೆ.

ಈ ಸಿನಿಮಾವನ್ನು ತೆರೆಮೇಲೆ ತರಲು ನಾನು ಕಳೆದ ಮೂರು-ನಾಲ್ಕು ವರ್ಷಗಳಿಂದ ನಿರಂತರ ಹೋರಾಟ ನಡೆಸುತ್ತಿದ್ದೆನೆ. ಆದರೆ ನಾನು, ನನಗೆ ಸಹಾಯ ಮಾಡಿ ಎಂದು ಬಾಲಿವುಡ್​ ಅಥವಾ ನನ್ನ ಪಂಜಾಬ್​ ಇಂಡಸ್ಟ್ರಿಯಲ್ಲಿ ಕೇಳಿಕೊಂಡಿಲ್ಲ. ನನಗೆ ಯಾರ ಸಹಾಯದ ಅಗತ್ಯವಿಲ್ಲ, ನಮ್ಮ ಯುದ್ಧವನ್ನು ನಾವೇ ಮಾಡಬೇಕು, ನಮ್ಮ ಜೊತೆ ನಿಲ್ಲುವ ಮನಸ್ಸಿದ್ದರೆ ನಿಲ್ಲಲಿ, ಇಲ್ಲದಿದ್ದರೆ ಇಲ್ಲ ಎಂದು ಖಡಕ್​ ಆಗಿ ಹೇಳಿದ್ದಾರೆ.

ಥಿಯೇಟರ್​ನಲ್ಲಿ ಈ ಸಿನಿಮಾ ಬಿಡುಗಡೆ ಸಾಧ್ಯವಾಗದಿದ್ದಾಗ ನಾನು ಕಷ್ಟಪಟ್ಟು ಓಟಿಟಿಯಲ್ಲಿ ಬಿಡುಗಡೆ ಮಾಡಿಸಿದೆ. ಆದರೆ ಈಗ ಎರಡೇ ದಿನದಲ್ಲಿ ಅದನ್ನು ತೆಗೆದುಹಾಕಿದ್ದಾರೆ. ಆದರೆ ಈ ಸಿನಿಮಾವನ್ನು ವೀಕ್ಷಿಸಿದ ಹಾಗೂ ಆಫ್​ಲೈನ್​ ಡೌಲ್ನೋಡ್​ ಮಾಡಿಕೊಂಡ ಬಳಕೆದಾರರು ತಮ್ಮ ಸುತ್ತಲಿನ ಜನರಿಗೆ ಹಂಚಿಕೆ ಮಾಡುತ್ತಿದ್ದಾರೆ. ಅಂತೂ ನನ್ನ ಸಿನಿಮಾ ನನ್ನ ಜನರಿಗೆ ತಲುಪಿದೆ ಎನ್ನುವುದೇ ನನಗೆ ಸಮಾಧಾನ ಎಂದು ದಿಲ್ಜಿತ್ ಹೇಳಿದ್ದಾರೆ.

ನನ್ನ ಸಿನಿಮಾವನ್ನು ಥಿಯೇಟರ್​ನಲ್ಲಿ ಬಿಡುಗಡೆ ಆಗದಂತೆ ತಡೆಯಲಾಯಿತು. ಆದರೆ ಒಂದು ಸಾರಿ ಓಟಿಟಿಯಲ್ಲಿ ಬಿಡುಗಡೆಯಾಗಿ ಜನ ಡೌಲ್ನೋಡ್​ ಮಾಡಿಕೊಂಡ ಮೇಲೆ ಅವರು ತಮಗೆ ಬೇಕಾದ ವೇದಿಕೆಯಲ್ಲಿ ಹಂಚಿಕೊಳ್ಳುತ್ತಾರೆ. ಹೀಗಾಗಿ ನಮ್ಮ ಸತ್ಲಜ್​ ಸಿನಿಮಾವನ್ನು ಜನರಿಂದ ದೂರವಿಡಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ದಿಲ್ಜಿತ್ ಹೇಳಿದ್ದಾರೆ, (ಏಜನ್ಸೀಸ್​).