ಮುಂಬೈ: ಬಾಲಿವುಡ್ನ ನಟ ಹೃತಿಕ್ ರೋಷನ್ ಮತ್ತು ಅವರ ಮಾಜಿ ಪತ್ನಿ ಸುಸೇನ್ ಖಾನ್ (Sussanne Khan) ತಮ್ಮ ವಿಚ್ಛೇದನದ ನಂತರ ಅವರ ಭಾಂದವ್ಯವನ್ನು ಮುಂದುವರೆಸುವ ಮೂಲಕ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಇತ್ತೀಚೆಗೆ ಹೃತಿಕ್ ಅವರ ಗೆಳತಿ ಸಬಾ ಆಜಾದ್ ಹುಟ್ಟು ಹಬ್ಬದ ದಿನದಂದು ಸುಸೇನ್ ಹಂಚಿಕೊಂಡಿರುವ ಪೋಸ್ಟ್ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸುಸೇನ್ ಖಾನ್ ಅವರ ಪೋಸ್ಟ್ನಲ್ಲಿ ಏನಿದೆ?
ಸಬಾ ಆಜಾದ್ ಅವರ ಜನ್ಮದಿನದಂದು ಸುಸೇನ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹೃತಿಕ್ ಮತ್ತು ಸಬಾ ಒಟ್ಟಿಗಿರುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ನಂತರ , ಈ ಫೋಟೋಗೆ ಅವರು, ಹುಟ್ಟುಹಬ್ಬದ ಶುಭಾಶಯಗಳು ಸಬಾ... ನಿಮಗೆ ಅಂತ್ಯವಿಲ್ಲದ ಪ್ರೀತಿ, ಶಾಂತಿ ಮತ್ತು ಸುಖ ಸದಾ ಇರಲಿ. ನೀನು ಎಂದಿಗೂ ನಮಗೆ ನಕ್ಷತ್ರಗಳ ತುಂಬಿದ ಆಕಾಶದಂತೆ ಮುಂದಿನ ದಿನಗಳಲ್ಲೂ ನಮ್ಮ ಕುಟುಂಬ ಮತ್ತು ಹೃದಯದ ನಡುವಿನ ಈ ಸುಂದರ ಸಂಬಂಧ ಹೀಗೆಯೇ ಮುಂದುವರಿಯಲಿ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.
ಇತ್ತೀಚೆಗೆ (ಜ.10) ರಂದು ಹೃತಿಕ್ 52 ನೇ ವರ್ಷಕ್ಕೆ ಕಾಲಿಟ್ಟರು. ಈ ಸಂದರ್ಭದಲ್ಲಿ ಅವರು ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಇರುವಂತಹ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು ದೀರ್ಘವಾದ ಟಿಪ್ಪಣಿಯೊಂದನ್ನು ಬರೆದಿದ್ದಾರೆ.
ನನ್ನ ಕುಟುಂಬಕ್ಕೆ, ನನ್ನ ಸ್ನೇಹಿತರಿಗೆ, ನನ್ನ ಅಭಿಮಾನಿಗಳಿಗೆ, ನನಗೆ ಸಂದೇಶ ಕಳುಹಿಸಲು, ನನಗೆ ಕರೆ ಮಾಡಲು ಪ್ರಯತ್ನಿಸಿದ ಎಲ್ಲರಿಗೂ ಧನ್ಯವಾದಗಳನ್ನು ತಿಳಿಸುತ್ತೇನೆ. ಆದಾಗ್ಯೂ, ಈ ಭೂಮಿ ಎಂಬ ಬಂಡೆಯ ಮೇಲೆ, ನಿಮ್ಮೆಲ್ಲರ ಜೊತೆಗೆ ಈ ಜಗತ್ತನ್ನು ಹಂಚಿಕೊಳ್ಳುತ್ತಿರುವುದು ಒಂದು ದೊಡ್ಡ ಗೌರವ ಮತ್ತು ಸೌಭಾಗ್ಯ ಎಂದು ಅವರು ಬರೆದು ಪೋಸ್ಟ್ ಮಾಡಿದ್ದಾರೆ.
ಹೃತಿಕ್ ಅವರ ಮುಂಬರುವ ಚಿತ್ರ!
ಯಶ್ ರಾಜ್ ಫಿಲ್ಮ್ಸ್ನ (YRF) 'ಸ್ಪೈ ಯೂನಿವರ್ಸ್'ನ ಭಾಗವಾಗಿರುವ ವಾರ್ 2 ಚಿತ್ರದಲ್ಲಿ ಹೃತಿಕ್ ರೋಷನ್ ಜೊತೆಗೆ ದಕ್ಷಿಣ ಭಾರತದ ಸೂಪರ್ ಸ್ಟಾರ್ ಜೂನಿಯರ್ ಎನ್ಟಿಆರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ (ಏಜೆನ್ಸೀಸ್).