ತನಗಿಂತ 8 ವರ್ಷ ಕಿರಿಯ ವ್ಯಕ್ತಿಯನ್ನು ಪ್ರೀತಿಸಿ 3 ರೀತಿ ಮದ್ವೆಯಾಗಿ ಒಂದೇ ಹೆರಿಗೆಯಲ್ಲಿ 3 ಮಕ್ಕಳನ್ನು ಹೆತ್ತ ನಟಿ ಈಕೆ! Actress

Actress : ಸಿನಿಪ್ರಿಯರಿಗೆ ಹೀರೋ ಮತ್ತು ಹೀರೋಯಿನ್​ಗಳ ವೈಯಕ್ತಿಕ ಮಾಹಿತಿ ತಿಳಿದುಕೊಳ್ಳುವ ಕುತೂಹಲ ಇದ್ದೇ ಇರುತ್ತದೆ. ಅವರು ಬಳಸುವ ಕಾರುಗಳು, ದಿನನಿತ್ಯ ಜೀವನದಲ್ಲಿ ಅವರ ಹವ್ಯಾಸಗಳು, ಧರಿಸುವ ಬಟ್ಟೆ, ಮೊಬೈಲ್​ ಹಾಗೂ ವಾಚ್​ ಬೆಲೆ ಎಷ್ಟು? ವಾಸಿಸುವ ಮನೆ ಎಷ್ಟು ಬೆಲೆ ಬಾಳುತ್ತದೆ? ಮತ್ತು ಯಾವ ಯಾವ ವಸ್ತುಗಳನ್ನು ಆಗಾಗ ಬಳಕೆ ಮಾಡುತ್ತಾರೆ? ವೈವಾಹಿಕ ಜೀವನ ಹೇಗಿದೆ? ಎಷ್ಟು ಮಕ್ಕಳಿದ್ದಾರೆ? ಎಂಬಿತ್ಯಾದಿ ವಿಚಾರಗಳನ್ನು ತಿಳಿದುಕೊಳ್ಳಲು ಬಯಸುತ್ತಾರೆ. ಬಣ್ಣದ ಜಗತ್ತಿನಷ್ಟೇ ಕಲಾವಿದರ ಬದುಕು ವೈವಿಧ್ಯಮಯವಾಗಿರುತ್ತದೆ. ಅದಕ್ಕೆ ಸಾಕ್ಷಿ ನಾವಿಂದು ಹೇಳ ಹೊರಟಿರುವ ಬಾಲಿವುಡ್​ ನಟಿಯ ಕತೆ.

ಬಾಲಿವುಡ್​ನ ಈ ಖ್ಯಾತ ನಟಿ ತನಗಿಂತ 8 ವರ್ಷ ಕಿರಿಯ ವ್ಯಕ್ತಿಯನ್ನು ಪ್ರೀತಿಸಿ, ಅವನನ್ನು ಮೂರು ರೀತಿಯಲ್ಲಿ ಮದುವೆಯಾಗಿ, ಒಂದೇ ಹೆರಿಗೆಯಲ್ಲಿ ಮೂರು ಮಕ್ಕಳನ್ನು ಹೆತ್ತ ನಟಿ. ಅಷ್ಟಕ್ಕೂ ಆ ನಟಿ ಯಾರು ಅಂತಿರಾ... ಅವರೇ ಬಾಲಿವುಡ್​ನ ಎವರ್​ಗ್ರೀನ್​ ಬ್ಯೂಟಿ ಫರ್ಹಾ​ ಖಾನ್​.

ಬಾಲಿವುಡ್​ಗೆ ಡಾನ್ಸ್​ ಕೊರಿಯೋಗ್ರಾಫರ್​ ಆಗಿ ಕಾಲಿಟ್ಟ ಫರ್ಹಾ, ತಮ್ಮ ಸಿನಿಮಾ ಅನುಭವಗಳಿಂದ ಕೇವಲ ಡಾನ್ಸ್​ಗೆ ಸೀಮಿತವಾಗದೆ, ನಟಿಯಾಗಿ, ನಿರ್ದೇಶಕಿಯಾಗಿ ಹಾಗೂ ನಿರ್ಮಾಪಕಿಯಾಗಿ ವಿವಿಧ ಅವತಾರಗಳನ್ನು ಎತ್ತಿದ್ದಾರೆ. ಸಿನಿಮಾ ರಂಗದಲ್ಲಿ ತಮ್ಮದೇಯಾದ ವಿಶೇಷ ಛಾಪು ಮೂಡಿಸಿರುವ ಫರ್ಹಾ, ಹಲವಾರು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಸಹ ಗೆದ್ದಿದ್ದಾರೆ. ಫರಾ ಖಾನ್ ಅವರು 'ಮೈ ಹೂ ನಾ', 'ಓಂ ಶಾಂತಿ ಓಂ' ಮತ್ತು 'ಹ್ಯಾಪಿ ನ್ಯೂ ಇಯರ್'ನಂತಹ ಭರ್ಜರಿ ಹಿಟ್ ಸಿನಿಮಾಗಳನ್ನು ಸಹ ನಿರ್ದೇಶಿಸಿದ್ದಾರೆ. ಈ ಮೂಲಕ ನಿರ್ದೇಶಕಿಯಾಗಿ ಭರ್ಜರಿ ಯಶಸ್ಸನ್ನು ಕೂಡ ಸಾಧಿಸಿದ್ದಾರೆ.

ಡಾನ್ಸರ್​, ನಟಿ, ನಿರ್ದೇಶಕಿ ಹಾಗೂ ನಿರ್ಮಾಪಕಿಯಾಗಿ ಎಲ್ಲ ಕ್ಷೇತ್ರಗಳಲ್ಲಿ ಫರ್ಹಾ ಸಾಧನೆ ಮಾಡಿದ್ದಾರೆ. ಆದರೆ, ಅವರ ಸಾಧನೆ ಹಾದಿಯಲ್ಲಿ ವೈಯಕ್ತಿಕ ಜೀವನವು ಕೂಡ ಎಲ್ಲರ ಗಮನ ಸೆಳೆದಿದೆ. ಫರ್ಹಾ ಅವರ ಜೀವನ ಕತೆಯನ್ನೇ ಒಂದು ಸಿನಿಮಾ ಮಾಡುಬಹುದು. ಅಷ್ಟರಮಟ್ಟಿಗೆ ಅವರ ವೈಯಕ್ತಿಕ ಜೀವನ ರೋಚಕವಾಗಿದೆ.

ಅಂದಹಾಗೆ, ಶಿರೀಶ್ ಅವರು ಫರ್ಹಾಗಿಂತ 8 ವರ್ಷ ಚಿಕ್ಕವರು. ಫರ್ಹಾ ಮುಸ್ಲಿಂ ಮತ್ತು ಶಿರೀಶ್ ಬ್ರಾಹ್ಮಣ ಸಮುದಾಯದವರು. ಆದರೆ, ತಮ್ಮ ಪ್ರೀತಿಗೆ ಯಾವುದೇ ವಿರೋಧಗಳು ವ್ಯಕ್ತವಾಗಲಿಲ್ಲ. ಇಬ್ಬರು 2004, ಡಿಸೆಂಬರ್ 9ರಂದು ವಿವಾಹವಾದರು. ಆ ಸಮಯದಲ್ಲಿ ಅವರಿಬ್ಬರ ವಿವಾಹ ಎಲ್ಲರ ಗಮನ ಸೆಳೆಯಿತು. ಇಬ್ಬರು ಆರಂಭದಲ್ಲಿ ಕಾನೂನುಬದ್ಧವಾಗಿ ನೋಂದಾಯಿತ ಮದುವೆ ಮಾಡಿಕೊಂಡರು. ಇದಾದ ಬಳಿಕ, ಇಸ್ಲಾಂ ಪ್ರಕಾರ ನಿಖಾ ಆದರು. ನಂತರದಲ್ಲಿ ತಾಳಿ ಕಟ್ಟುವ ಮೂಲಕ ಹಿಂದೂ ಸಂಪ್ರದಾಯದಂತೆ ಮದುವೆ ಆದರು. ಮದುವೆಯಾದ ನಾಲ್ಕು ವರ್ಷಗಳ ಬಳಿಕ 2008 ರಲ್ಲಿ, ಒಂದೇ ಹೆರಿಗೆಯಲ್ಲಿ ಮೂವರು ಮಕ್ಕಳು ಜನಿಸಿದರು. ಓರ್ವ ಮಗ ಮತ್ತು ಇಬ್ಬರು ಹೆಣ್ಣು ಮಕ್ಕಳು ಜನಿಸಿದರು.