- ರಣವೀರ್ ಸಿಂಗ್ ಅವರ ಧುರಂಧರ್ ಸಿನಿಮಾ ಬಿಡುಗಡೆಯಾಗಿ 31 ದಿನಗಳನ್ನು ಪೂರೈಸಿದೆ
- ಈ ಚಿತ್ರವು ಸಾರ್ವಕಾಲಿಕ ಅತಿ ಹೆಚ್ಚು ಗಳಿಕೆ ಮಾಡಿದ 5 ಟಾಪ್ ಭಾರತೀಯ ಚಿತ್ರಗಳಲ್ಲಿ ಒಂದಾಗಿದೆ
- ಧುರಂಧರ್ ಯಶ್ ಅಭಿನಯದ ಕೆಜಿಎಫ್ 2 ರ ಆಳ್ವಿಕೆಯನ್ನು ಮೊಟಕುಗೊಳಿಸಿದೆ
- ಭಾನುವಾರ ಅದ್ಭುತ ಜಿಗಿತವನ್ನು ತೋರಿಸುವ ಮೂಲಕ ಈ ಚಿತ್ರವು ವಿಶ್ವಾದಾದ್ಯಂತ 1200 ಕೋಟಿ ದಾಟಿದೆ
Ranveer Singh : ರಣವೀರ್ ಸಿಂಗ್ ಮತ್ತು ಅಕ್ಷಯ್ ಖನ್ನಾ ಅಭಿನಯದ, ಧುರಂಧರ್ ಸಿನಿಮಾ ಬಿಡುಗಡೆಯಾಗಿ 31 ದಿನಗಳನ್ನು ಪೂರೈಸಿದ್ದು, ಬಾಕ್ಸ್ ಆಫೀಸ್ನಲ್ಲಿ ಅದರ ಅಬ್ಬರ ಇನ್ನೂ ಕಡಿಮೆಯಾಗಿಲ್ಲ. ಆದಿತ್ಯ ಧರ್ ಅವರ ಈ ಚಿತ್ರವು ಸಾರ್ವಕಾಲಿಕ ಅತಿ ಹೆಚ್ಚು ಗಳಿಕೆ ಮಾಡಿದ 5 ಟಾಪ್ ಭಾರತೀಯ ಚಿತ್ರಗಳಲ್ಲಿ ಒಂದು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಆದಾಗ್ಯೂ, ಈ ಚಿತ್ರವು ಯಶ್ ಅಭಿನಯದ ಕೆಜಿಎಫ್ 2 ರ ಆಳ್ವಿಕೆಯನ್ನು ಮೊಟಕುಗೊಳಿಸಿದೆ. ಧುರಂಧರ್ ಐದನೇ ಶುಕ್ರವಾರದ ಕುಸಿತದ ಹೊರತಾಗಿಯೂ ಈ ಸಿನಿಮಾವು ಭಾನುವಾರ ಅದ್ಭುತ ಜಿಗಿತವನ್ನು ತೋರಿಸುವ ಮೂಲಕ ಈ ಚಿತ್ರವು ವಿಶ್ವಾದಾದ್ಯಂತ 1200 ಕೋಟಿ ರೂಗಳನ್ನು ದಾಟಿದೆ.
ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಧುರಂಧರ್ ತನ್ನ 31 ನೇ ದಿನದಂದು ಭಾರತದಲ್ಲಿ 12.75 ಕೋಟಿ ರೂ. ಗಳಿಸಿದೆ. ಇದರಿಂದಾಗಿ ದೇಶೀಯ ಒಟ್ಟು ಮೌಲ್ಯ 772.25 ಕೋಟಿ ರೂ. ತಲುಪಿದೆ. ಧುರಂಧರ್ 30 ನೇ ದಿನದವರೆಗೆ ವಿಶ್ವಾದ್ಯಂತ 1186.25 ಕೋಟಿ ರೂ. ಗಳಿಕೆ ಮಾಡಿದ್ದು, ವಿಶ್ವಾದ್ಯಂತ 1200 ಕೋಟಿ ರೂ. ಗಡಿ ದಾಟಿದೆ. ಅಂದಹಾಗೇ, ಐದನೇ ಭಾನುವಾರದಂದು ವಿದೇಶಿ ಗಳಿಕೆ ಸುಮಾರು 15-19 ಕೋಟಿ ರೂ. ಹೆಚ್ಚಾಗಲಿದ್ದು, ವಿಶ್ವಾದ್ಯಂತ ಗಳಿಕೆ 1200-1216 ಕೋಟಿ ರೂ. ತಲುಪಲಿದೆ.
ಯಶ್ ರನ್ನು ಹಿಂದಿಕ್ಕಿದ ರಣವೀರ್ ಸಿಂಗ್!
ಹೌದು, ಬಾಕ್ಸ್ ಆಫೀಸ್ನಲ್ಲಿ ರಣವೀರ್ ಸಿಂಗ್ ಅವರ ಧುರಂಧರ್ ಚಿತ್ರವು ಯಶ್ ಅವರ ಕೆಜಿಎಫ್ ಚಾಪ್ಟರ್ 2 ದಾಖಲೆಯನ್ನು ಮೀರಿಸಿ ಹೊಸ ಇತಿಹಾಸ ಸೃಷ್ಟಿಸಿದೆ. ಧುರಂಧರ್ ಬಿಡುಗಡೆಯಾಗಿ 31 ದಿನಗಳಲ್ಲಿ ವಿಶ್ವದಾದ್ಯಂತ ಒಟ್ಟು 1218 ಕೋಟಿ ರೂ.ಗಳನ್ನು ಗಳಿಕೆ ಮಾಡಿದ್ದು, ಕೆಜಿಎಫ್-2 ರ ಕಲೆಕ್ಸನ್ ಅನ್ನು ಮೀರಿಸಿದೆ. ಇದು ಭಾರತದಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚು ಗಳಿಕೆ ಮಾಡಿದ 5 ನೇ ಚಿತ್ರವಾಗಿ ಹೊರಹೊಮ್ಮಿದೆ.
ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವವರು ಆಮಿರ್ ಖಾನ್ ಅವರ ದಂಗಲ್ ಚಿತ್ರವು ವಿಶ್ವಾದ್ಯಂತ 2000 ಕೋಟಿ ರೂ. ಗಳನ್ನು ತಲುಪಿದ್ದು, ಈ ಮೈಲಿಗಲ್ಲು ಸಾಧಿಸಿದ ಏಕೈಕ ಚಿತ್ರವಾಗಿದೆ. ಆದಾಗ್ಯೂ, ದಂಗಲ್ ನಂತರ, ಪ್ರಭಾಸ್ ಅವರ ಬಾಹುಬಲಿ-2 1788.06 ಕೋಟಿಯೊಂದಿಗೆ 2 ನೇ ಸ್ಥಾನವನ್ನು ಪಡೆದುಕೊಂಡಿದೆ. ನಂತರ ಪುಷ್ಪ-2 1742.1 ಕೋಟಿ ಹಾಗೂ ಆರ್ ಆರ್ ಆರ್ 1230 ಕೋಟಿಯನ್ನು ಬಾಕ್ಸ್ ಆಫೀಸ್ನಲ್ಲಿ ಪಡೆದುಕೊಂಡಿದೆ.
ಆದಿತ್ಯ ಧರ್ ಅವರ ಮುಂದಿನ ಗುರಿ ಎಸ್.ಎಸ್. ರಾಜಮೌಳಿ ಅವರ ಆರ್ ಆರ್ ಆರ್ ಚಿತ್ರವನ್ನು ಬಾಕ್ಸ್ ಆಫೀಸ್ ನಲ್ಲಿ ಸೋಲಿಸುವುದಾಗಿದೆ. ಈ ಟ್ರೆಂಡ್ ಜೊತೆಗೆ ಮುಂದುವರೆದರೆ, ಈ ಮೈಲಿಗಲ್ಲು ಸಾಧಿಸಬಹುದಾದಂತೆ ಕಾಣುತ್ತಿದೆ. ಆದಾಗ್ಯೂ, ಧುರಂಧರ್ ನಂತರ ಧುರಂಧರ್ ಭಾಗ 2 ಮಾರ್ಚ್ನಲ್ಲಿ 2026 ರಲ್ಲಿ ತೆರೆಕಾಣಲಿದ್ದು, ಇನ್ನೂ ಹೆಚ್ಚಿನ ದಾಖಲೆಗಳ ನಿರೀಕ್ಷೆಯಿದೆ. ಯಶ್ ಅವರ ಟಾಕ್ಸಿಕ್ ಕೂಡ 2026ರಲ್ಲಿ ರಿಲೀಸ್ ಆಗಲಿದ್ದು, ಬಾಕ್ಸ್ ಆಫೀಸ್ನಲ್ಲಿ ಮತ್ತೊಂದು ಭರ್ಜರಿ ಕಾಳಗ ನಡೆಯಬಹುದು ಎಂದು ಊಹಿಸಬಹುದು (ಏಜೆನ್ಸೀಸ್).