ದೀಪಿಕಾ ಮಡಿಲಿಗೆ ಮತ್ತೆ ಮಗು: ಎರಡನೇ ಬಾರಿಗೆ ಗರ್ಭಿಣಿಯಾದ ಬಾಲಿವುಡ್ ಕ್ವೀನ್! Deepika Padukone

ದೀಪಿಕಾ ತಮ್ಮ ಮಗಳು ದುವಾ ಗರ್ಭದಾರಣೆಯ ಕಿಟ್​ ಪರೀಕ್ಷಿಸುತ್ತಿರುವ ಹೃದಯಸ್ಪರ್ಶಿ ಚಿತ್ರವೊಂದನ್ನು ಹಂಚಿಕೊಂಡಿದ್ದಾರೆ. ಇದು ಎರಡು ರೇಖೆಗಳನ್ನು ಒಳಗೊಂಡಿರುವುದಾಗಿ ತೋರಿಸುತ್ತದೆ. ಆದಾಗ್ಯೂ, ದಂಪತಿ ತಮ್ಮ ಮಗಳನ್ನು ಹಿಡಿದುಕೊಂಡಿದ್ದು, ಈ ಮೂಲಕ ದುವಾ ಅಕ್ಕನಾಗಲಿದ್ದಾಳೆ ಎಂದು ಇಬ್ಬರೂ ನಟರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ನಟರು ಮತ್ತು ಅಭಿಮಾನಿಗಳು ದಂಪತಿಗೆ ಶುಭ ಹಾರೈಸಿದ್ದಾರೆ. ಆದಾಗ್ಯೂ, ಪರಿಣಿತಿ ಚೋಪ್ರಾ ದಂಪತಿಗೆ ಅಭಿನಂದನೆ ಸಲ್ಲಿಸಿದರೆ, ಸಮಂತಾ ರುತ್ ಪ್ರಭು ಕೆಂಪು ಹೃದಯದ ಎಮೋಜಿಗಳೊಂದಿಗೆ ಪ್ರೀತಿಯನ್ನು ಸುರಿಸಿದ್ದಾರೆ. ಒಬ್ಬ ಬಳಕೆದಾರರು ಮಿನಿ ದೀಪಿಕಾ ಮತ್ತೆ? ಎಂದು ಕಾಮೆಂಟ್​ ಮಾಡಿದ್ದರೆ, ದೀಪು, ರಣವೀರ್ ಮತ್ತು ರಾಜಕುಮಾರಿ ದುವಾ ಸಿಂಗ್ ಪಡುಕೋಣೆ, ಪ್ರೀತಿಯ ರಾಶಿ ಎಂದು ಬರೆದಿದ್ದಾರೆ.

ಆರು ವರ್ಷಗಳ ಕಾಲ ಗುಟ್ಟಾಗಿ ಪ್ರೀತಿಸಿದ ಈ ಜೋಡಿ, 2018ರಲ್ಲಿ ಇಟಲಿಯ ಲೇಕ್ ಕೊಮೊದಲ್ಲಿ ಅದ್ಧೂರಿಯಾಗಿ ವಿವಾಹವಾದರು. ಅವರ ವಿವಾಹವು ಸಿಂಧಿ ಮತ್ತು ಸಾಂಪ್ರದಾಯಿಕ ಕೊಂಕಣಿ ಆಚರಣೆಗಳನ್ನು ಒಳಗೊಂಡಿತ್ತು. ನಂತರ ದಂಪತಿಗಳು ಮುಂಬೈ ಮತ್ತು ಬೆಂಗಳೂರಿನಲ್ಲಿ ಭವ್ಯವಾದ, ತಾರಾಬಳಗದ ಆರತಕ್ಷತೆಯನ್ನು ಆಯೋಜಿಸಿದರು.

ನಟಿ ದೀಪಿಕಾ ಸಿದ್ಧಾರ್ಥ್ ಆನಂದ್ ಅವರ ಮುಂಬರುವ ಚಿತ್ರ ಕಿಂಗ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಈ ಚಿತ್ರದಲ್ಲಿ ಶಾರುಖ್ ಖಾನ್ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದು, ಜೊತೆಗೆ ಸುಹಾನಾ ಖಾನ್, ಅಭಿಷೇಕ್ ಬಚ್ಚನ್, ಜೈದೀಪ್ ಅಹ್ಲಾವತ್ ಮತ್ತು ಅರ್ಷದ್ ವಾರ್ಸಿ ಕೂಡ ನಟಿಸಿದ್ದಾರೆ. ಈ ಚಿತ್ರ ಡಿಸೆಂಬರ್ 24, 2026 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಅವರು ಅಲ್ಲು ಅರ್ಜುನ್ ಜೊತೆ ಅಟ್ಲೀ ಅವರ ರಾಕಾ ಚಿತ್ರವನ್ನೂ ಸಹ ಚಿತ್ರೀಕರಿಸಲಿದ್ದಾರೆ (ಏಜೆನ್ಸೀಸ್​).