ಏರ್‌ಪೋರ್ಟ್‌ನಲ್ಲಿ ಫೋನ್ ಮರೆತ ಅನುಷ್ಕಾ ಶರ್ಮಾ; ಪತ್ನಿಯ ಅವಾಂತರಕ್ಕೆ ಕೊಹ್ಲಿ ಸುಸ್ತು! Anushka Sharma

ವರದಿಗಳ ಪ್ರಕಾರ, ವಿರಾಟ್ ಮತ್ತು ಅನುಷ್ಕಾ ದೆಹಲಿಗೆ ತೆರಳಲು ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ಭದ್ರತಾ ತಪಾಸಣೆ ಮತ್ತು ಗದ್ದಲದ ನಡುವೆ ಶರ್ಮಾ ತಮ್ಮ ಮೊಬೈಲ್​ನ್ನು ಅಲ್ಲಿಯೇ ಮರೆತಿದ್ದರು ಎನ್ನಲಾಗಿದೆ. ಈ ವೇಳೆ ಸಿಬ್ಬಂದಿಯಬ್ಬರು ಹಿಂದಿನಿಂದ ಓಡಿಬಂದು ಅವರಿಗೆ ಮೊಬೈಲ್​ನ್ನು ನೀಡಿದ್ದಾರೆ. 

ತನ್ನ ಮೊಬೈಲ್​ ಕಳೆದುಹೋಗಿದೆ ಎಂದು ಅರಿವಾಗುವುದಕ್ಕಿಂತ ಮುಂಚೆಯೇ ಮೊಬೈಲ್​ ಕೈ ಸೇರಿದ್ದರಿಂದ ಅನುಷ್ಕಾ ಆಶ್ಚರ್ಯಗೊಂಡು ನಗುತ್ತಿದ್ದರು. ಈ ವೇಳೆ ವಿರಾಟ್ ಕೂಡಾ ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ. 

ಐಪಿಎಲ್ 2026ರ ಋತುವಿನಲ್ಲಿ ವಿರಾಟ್ ಕೊಹ್ಲಿ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಗುಜರಾತ್ ಟೈಟಾನ್ಸ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಅವರು ದೆಹಲಿಗೆ ಭೇಟಿ ನೀಡಿದ್ದು ಕುತೂಹಲ ಮೂಡಿಸಿದೆ. ಆದಾಗ್ಯೂ, ಈ ಸೀಸನ್‌ನಲ್ಲಿ ಆರ್‌ಸಿಬಿ ಅಭಿಮಾನಿಗಳು ತಮ್ಮ ತಂಡದ ಮೇಲೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದು, ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ವಿರಾಟ್ ಬ್ಯಾಟ್‌ನಿಂದ ರನ್ ಮಳೆ ಹರಿಯುವುದನ್ನು ನೋಡಲು ಕಾತುರದಿಂದ ಕಾಯುತ್ತಿರುವ ಹೊತ್ತಲ್ಲೇ, ಇಂತಹ ಹೃದಯಸ್ಪರ್ಶಿ ವಿಡಿಯೋಗಳು ತಂಡದ ಸುತ್ತಲಿನ ಸಕಾರಾತ್ಮಕತೆಯನ್ನು ಹೆಚ್ಚಿಸಿವೆ (ಏಜೆನ್ಸೀಸ್​).