ಲಂಡನ್ ಅಖಾಡದಲ್ಲಿ ಆಲಿಯಾ ಘರ್ಜನೆ: BAFTA ಪ್ರಶಸ್ತಿ ವೇದಿಕೆಯಲ್ಲಿ ಮಿಂಚಲಿರುವ ಬಾಲಿವುಡ್ ಕ್ವೀನ್! Alia Bhatt

ಈ ಪ್ರಶಸ್ತಿ ಪ್ರದಾನವು ಅಂತರಾಷ್ಟ್ರೀಯ ಮಟ್ಟದಲ್ಲಿ ಸಿನಿಮಾದಲ್ಲಿನ ಶ್ರೇಷ್ಠತೆ ಆಚರಿಸುವ ಗುರಿಯನ್ನು ಹೊಂದಿದ್ದು, ಫೆಬ್ರವರಿ 22 ರಂದು ಲಡನ್​ನ ರಾಯಲ್​ ಫೆಸ್ಟಿವಲ್ ಹಾಲ್‌ನಲ್ಲಿ ಸಮಾರಂಭ ಜರುಗಲಿದೆ.

BAFTA ತನ್ನ ಅಧೀಕೃತ ಇನ್​ಸ್ಟಾಗ್ರಾಮ್​ ಪುಟದಲ್ಲಿ ಈ ವರ್ಷದ ಪ್ರಶಸ್ತಿ ಪ್ರದಾನ ಮಾಡುವವರ ಪಟ್ಟಿಯನ್ನು ಒಳಗೊಂಡ ಒಂದು ಪೋಸ್ಟ್​ನ್ನು ಹಂಚಿಕೊಂಡಿತ್ತು. ಈ ಪೋಸ್ಟ್ ನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಮರು ಹಂಚಿಕೊಂಡ ಆಲಿಯಾ, ನನ್ನನ್ನು ಗುರುತಿಸಿದರೆ ನಿಮಗೆ 100 ಅಂಕ ಎಂದು ತಮಾಷೆಯಾಗಿ ಬರೆದುಕೊಂಡಿದ್ದಾರೆ.

ಕಾರ್ಯಕ್ರಮದಲ್ಲಿ ಆಲಿಯಾ ಭಟ್​ ಸೇರಿದಂತೆ, ಅಲಿಸಿಯಾ ವಿಕಾಂಡರ್, ಬ್ರಿಯಾನ್ ಕ್ರಾನ್ಸ್ಟನ್, ಸಿಲಿಯನ್ ಮರ್ಫಿ, ಕೇಟ್ ಹಡ್ಸನ್, ಸ್ಯಾಡಿ ಸಿಂಕ್, ಪ್ಯಾಟ್ರಿಕ್ ಡೆಂಪ್ಸೆ ಡೆಲ್ರಾಯ್ ಲಿಂಡೋ, ಎಮಿಲಿ ವ್ಯಾಟ್ಸನ್, ಎಥಾನ್ ಹಾಕ್, ಗಿಲಿಯನ್ ಆಂಡರ್ಸನ್, ಗ್ಲೆನ್ ಕ್ಲೋಸ್, ಹನ್ನಾ ವಾಡಿಂಗ್ಹ್ಯಾಮ್, ಮೋನಿಕಾ ಬೆಲ್ಲುಸಿ, ರೇಜ್-ಜೀನ್ ಪೇಜ್, ರಿಜ್ ಅಹ್ಮದ್ ಮತ್ತು ಸ್ಟೆಲ್ಲನ್ ಸ್ಕಾರ್ಗಾರ್ಡ್ ಅತಿಥಿ ನಿರೂಪಕರ ತಾರಾ ಬಳಗದ ಭಾಗವಾಹಿಸಲಿದ್ದಾರೆ ಎಂದು ತಿಳಿದು ಬಂದಿದೆ.

2026 ರ BAFTA ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಇಂಗ್ಲೆಂಡ್‌ನ ಲಂಡನ್‌ನಲ್ಲಿರುವ ಸೌತ್‌ಬ್ಯಾಂಕ್ ಸೆಂಟರ್‌ನ ರಾಯಲ್ ಫೆಸ್ಟಿವಲ್ ಹಾಲ್‌ನಲ್ಲಿ ಆಯೋಜಿಸಲಾಗಿದೆ. ಇದು ಫೆಬ್ರವರಿ 22 ರಂದು ನಡೆಯಲಿದ್ದು, ಸಂಜೆ 7 ಗಂಟೆಗೆ BST ಯಿಂದ ನೇರ ಪ್ರಸಾರವಾಗಲಿದೆ.

2024 ರ ಜಿಗ್ರಾ ಚಿತ್ರದಲ್ಲಿ ಕೊನೆಯ ಬಾರಿಗೆ ಕಾಣಿಸಿಕೊಂಡ ಆಲಿಯಾ ಭಟ್​, ಪ್ರಸ್ತುತ ಎರಡು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಶೀಘ್ರದಲ್ಲೇ, YRF ನ ಆಲ್ಫಾ ಮತ್ತು ಸಂಜಯ್ ಲೀಲಾ ಬನ್ಸಾಲಿ ಅವರ ಲವ್ ಎಂಡ್​ ವಾರ್​ನಲ್ಲಿ ನಟಿಸಲಿದ್ದಾರೆ. ಆದಾಗ್ಯೂ, ಆಲ್ಫಾ ತಮ್ಮ ಶಾರ್ವರಿ ಮತ್ತು ಬಾಬಿ ಡಿಯೋಲ್ ಅವರನ್ನು YRF ಸ್ಪೈ ಯೂನಿವರ್ಸ್‌ಗೆ ಪರಿಚಯಿಸಲಿದ್ದು, ಇದರಲ್ಲಿ ಏಕ್ ಥಾ ಟೈಗರ್, ವಾರ್ ಮತ್ತು ಪಠಾಣ್‌ನಂತಹ ಚಿತ್ರಗಳು ಸೇರಿವೆ (ಏಜೆನ್ಸೀಸ್​).