ಅತಿಯಾದ ಡಯಟ್‌ನಿಂದ ಹದಗೆಟ್ಟಿತ್ತು ಮಾನಸಿಕ ಸ್ಥಿತಿ; ಕೋಪ, ಕಿರಿಕಿರಿಯ ಬಗ್ಗೆ ಕೊನೆಗೂ ಮೌನ ಮುರಿದ ಉರ್ಫಿ! Uorfi Javed

ಕಾಲಾನಂತರ ಸಮಯದ ಹಿಂತಿರುಗಿ ನೋಡಿದಾಗ, ಆ ಅವಧಿಯು ಅವರ ದೇಹ ಮತ್ತು ಮನಸ್ಸಿನ ಮೇಲೆ ಹೇಗೆ ಪರಿಣಾಮ ಬೀರಿತು ಹಾಗೇ ಆಕೆ ಅಂತಿಮವಾಗಿ ಮತ್ತೆ ಮೊದಲಿನಂತಾಗಲು ಕಷ್ಟಪಟ್ಟಿರುವುದರ ಬಗ್ಗೆ ಉರ್ಫಿ ಬಹಿರಂಗಪಡಿಸಿದ್ದಾಳೆ.

ಉರ್ಫಿ ತನ್ನ ಇನ್‌ಸ್ಟಾಗ್ರಾಮ್​ನಲ್ಲಿ 38 ಕೆಜಿ ತೂಕದ ಮಾಪಕವನ್ನು ತೋರಿಸುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಆ ಹಂತವನ್ನು ಮರು ಪರಿಶೀಲಿಸುತ್ತಾ, ಅವರು ಕಳೆದ ವರ್ಷ ನನ್ನ ಗರಿಷ್ಟ ತೂಕ 38 ಕೆಜಿ ಆಗಿತ್ತು. ಈ ಸಮಯದಲ್ಲಿ ನಾನು ತುಂಬಾ ಅಸ್ವಸ್ಥನಾಗಿದ್ದೆ ಹಾಗೆಯೇ ಖಿನ್ನತೆಗೆ ಒಳಗಾಗಿದ್ದೆ, ಆದರೆ, ತೂಕ ತರಬೇತಿ ನನಗೆ ನಿಜವಾಗಿಯೂ ಮೊದಲಿನ ಸ್ಥಿತಿಗೆ ಬರಲು ಸಹಾಯ ಮಾಡಿತು ಎಂದಿದ್ದಾರೆ.

ಈ ಸಮಯದಲ್ಲಿ ನಾನು ತೆಳ್ಳಗೆ ಕಾಣಿಸಿಕೊಳ್ಳುತ್ತಿದ್ದೆ. ನನ್ನ ಆರೋಗ್ಯ ಮತ್ತು ಜೀವನಶೈಲಿ ಉತ್ತಮವಾಗಿರಲಿಲ್ಲ. ದಿನಕ್ಕೆ ಒಂದು ಬಾರಿ ಮಾತ್ರ ಊಟ ಮಾಡುತ್ತಿದ್ದೆ. ಆ ಆಹಾರದಲ್ಲಿ ಕಾರ್ಬೋಹೃಡ್ರೇಟ್​ಗಳು ಇರಲಿಲ್ಲ. ಹಾಗಾಗಿ ನಾನು ತುಂಬಾ ಕಿರಿಕಿರಿ, ಕೋಪ, ಮಾನಸಿಕವಾಗಿ ಹಿಂಸೆಯನ್ನು ಅನುಭವಿಸುತ್ತಿದ್ದೆ. ಈ ಪೋಷಣೆಯ ಕೊರತೆಯು ದೈಹಿಕವಾಗಿ ಮಾತ್ರವಲ್ಲದೇ, ಭಾವನಾತ್ಮಕವಾಗಿಯೂ ಹೇಗೆ ಪರಿಣಾಮ ಬೀರಿದೆ ಎಂಬುದನ್ನು ವಿವರಿಸಿದ್ದಾರೆ.

ಉರ್ಫಿ ತನ್ನ ದೇಹದಲ್ಲಿನ ಗೋಚರ ಬದಲಾವಣೆಗಳನ್ನು ಉಲ್ಲೇಖಿಸುತ್ತಾ, ನನ್ನ ಸೊಂಟ 23 ಇಂಚು ಇತ್ತು, ಎಂದರೆ ನೀವು ನಂಬುತ್ತೀರಾ? ಆದರೆ, ನನ್ನ ಮುಖ ತುಂಬಾ ಊದಿಕೊಂಡಿತ್ತು. ಜನರು ನಾನು ಫಿಲ್ಲರ್‌ಗಳನ್ನು ತಪ್ಪಾಗಿ ಇರಿಸಿದ್ದೇನೆ ಎನ್ನುತ್ತಿದ್ದರು. ಆದರೆ, ಆ ಊತಕ್ಕೂ ಸೌಂದರ್ಯವರ್ಧಕ ವಿಧಾನಗಳಿಗೂ ಯಾವುದೇ ಸಂಬಂಧವಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು.

ಆಹಾರವನ್ನು ತಪ್ಪಿಸುವುದು ಮತ್ತು ಅಲರ್ಜಿಯನ್ನು ನಿರ್ಲಕ್ಷಿಸುವುದರಿಂದ ದೇಹದಲ್ಲಿ ಉರಿಯೂತ ಇನ್ನಷ್ಟು ಹದಗೆಡುತ್ತದೆ. ಇದು ತೂಕ ಕಡಿಮೆ ಮಾಡುವುದು, ಸೈನಸ್​ ಸಮಸ್ಯೆಗಳ ಅಸ್ವಸ್ಥತೆಯನ್ನು ಉಂಟು ಮಾಡಿದೆ ಎಂದು ಹೇಳಿದರು.

ಮುಖದ ಊತ ಸಾಂದರ್ಭಿಕವಾಗಿ ಸಂಭವಿಸುತ್ತದೆ. ನನ್ನ ಮುಖ ಕೆಲವೊಮ್ಮೆ ಊದಿಕೊಳ್ಳುತ್ತದೆ, ಆದರೆ ನಾನು ಹೆಚ್ಚು, ಹೆಚ್ಚು ಉತ್ತಮವಾಗಿರುತ್ತೇನೆ. ತೂಕ ಎತ್ತುವುದರಿಂದ ನನಗೆ ತುಂಬಾ ಸಹಾಯ ಮಾಡಿತು ಎಂದು ಹೇಳಿದರು (ಏಜೆನ್ಸೀಸ್​).