- ಮುತ್ತು-ವಜ್ರ ಖಚಿತ ಸನ್ಗ್ಲಾಸ್ ಧರಿಸೋದು ಬ್ರೈಡಲ್ ಟ್ರೆಂಡ್
- 2026ರ ವಧುಗಳ ಹೊಸ ಫ್ಯಾಷನ್ ಸ್ಟೇಟ್ಮೆಂಟ್ ಆಗಿ ಹೊರಹೊಮ್ಮಿದ 'ಬೆಜೆವೆಲ್ಡ್ ಸನ್ಗ್ಲಾಸ್'.
- ದುಪ್ಪಟ್ಟಮ ಕಿರೀಟ ಬದಲಿಗೆ ವಜ್ರ ಹಾಗೂ ಮುತ್ತುಗಳ ಅಲಂಕಾರವಿರುವ ಸನ್ಗ್ಲಾಸ್ಗೆ ಹೆಚ್ಚಿದ ಬೇಡಿಕೆ.
Bejewelled Sunglasses Are Your New Bridal Must-Have:
ಮದುವೆ ಎಂದಾಕ್ಷಣ ನೆನಪಾಗೋದು ಮನೆಯೊಳಗೆ ಬಳೆ ತೊಡಿಸುವ ಶಾಸ್ತ್ರ, ಮೆಹಂದಿ, ಅರಿಶಿನ ಶಾಸ್ತ್ರ. ಆದರೆ, ಇತ್ತೀಚೆಗೆ ಎಲ್ಲವೂ ಬದಲಾಗುತ್ತಿದೆ. ಈವೆಂಟ್ ಏರ್ಪಾಟು ಮಾಡಿ ಎಲ್ಲರೆದುರು ಮುಕ್ತವಾಗಿ ಅರಿಶಿನದ ನೀರೆರಯಲಾಗುತ್ತದೆ. ಬ್ರೈಡ್ ಟುಬಿ, ಪ್ರೀ ವೆಡ್ಡಿಂಗ್ ಶೂಟ್ ಹೀಗೆ ಸಾಕಷ್ಟು ಬಂದಿವೆ. ಸದ್ಯ ಹೊಸದಾಗಿ ಗಮನ ಸೆಳೆದಿರುವ ವಿಚಾರ ಎಂದರೆ ಅದು ಸನ್ ಗ್ಲಾಸ್. 2026ರ ಮದುವೆ ಸೀಸನ್ನಲ್ಲಿ ವಧುಗಳು ವಿಭಿನ್ನವಾದ 'ಬೆಜೆವೆಲ್ಡ್ ಸನ್ಗ್ಲಾಸ್' ಧರಿಸುವುದನ್ನು ಹೊಸ ಮಸ್ಟ್-ಹೇವ್ ಫ್ಯಾಷನ್ ಆಗಿ ಸ್ವೀಕಾರ ಮಾಡುತ್ತಿದ್ದಾರೆ.
ಬೀಚ್ ಮದುವೆಗಳಿಗಷ್ಟೇ ಸೀಮಿತವಾಗಿದ್ದ ಸನ್ಗ್ಲಾಸ್ ಟ್ರೆಂಡ್, ಈಗ ಮದುವೆಯ ಗ್ರ್ಯಾಂಡ್ ಎಕ್ಸಿಟ್(ಪತಿ ಮನೆಗೆ ಹೊರಡುವ ಸಂದರ್ಭ) , ರಿಸೆಪ್ಷನ್ ಡ್ಯಾನ್ಸ್ ಫ್ಲೋರ್ ಮತ್ತು ಆಫ್ಟರ್-ಪಾರ್ಟಿಗಳಲ್ಲಿ ವಧುಗಳು ಧರಿಸುವ ಮೂಲಕ ಹೊಸ ಫ್ಯಾಷನ್ ಕ್ರೇಜ್ ಸೃಷ್ಟಿಸಿದೆ.
ಹೇಗಿರತ್ತೆ ಈ 'ಬೆಜೆವೆಲ್ಡ್ ಸನ್ಗ್ಲಾಸ್
ದೊಡ್ಡ ಗಾತ್ರದ, ಸ್ಪಾರ್ಕ್ಲಿಂಗ್, ರತ್ನಗಳು, ಹರಳು ಅಥವಾ ಮುತ್ತುಗಳಿಂದ ಅಲಂಕರಿಸಲ್ಪಟ್ಟ ಆಕರ್ಷಕ ಹಾಗೂ ಸ್ಟೈಲಿಶ್ ಕನ್ನಡಕವನ್ನು ಬೆಜ್ವೆಲ್ಡ್ ಸನ್ಗ್ಲಾಸ್ ಎಂದು ಕರೆಯಲಾಗುತ್ತದೆ. ಫ್ರೇಮ್ಗಳ ಮೇಲೆ ಹರಳುಗಳನ್ನು ಕೃತಕವಾಗಿ ತಯಾರಿಸಲಾರ ದತ್ನ ಇಟ್ಟಿರಲಾಗುತ್ತದೆ. ಮಾಡೆಲ್ಗಳು, ಸೆಲಬ್ರೆಟಿಸ್ಗಳು ಕಾರ್ಯಕ್ರಗಳಲ್ಲಿ ಹೆಚ್ಚಾಗಿ ಇದನ್ನು ಬಳಕೆ ಮಾಡುತ್ತಾರೆ.
Bejewelled Sunglass ಬೆಲೆ ಎಷ್ಟಿರುತ್ತದೆ?
ಇಂತಹ ಗ್ಲಾಸ್ಗಳ ವಿನ್ಯಾಸ ಕಂಡು ಜನರು ಇದು ದುಬಾರಿಯದ್ದು ಎಂದು ಭಾವಿಸಿ ಸುಮ್ಮನಾಗಿಬಿಡುತ್ತಾರೆ. ಆದರೆ, ನಿಜಕ್ಕೂ ರತ್ನ ಸೇರಿದಂತೆ ಹರಳುಗಳಿಂದ ತಯಾರಾಗುವ ಈ ಗ್ಲಾಸ್ಗಳು ಐನೂರು ರೂಪಾಯಿಂದ ಶುರುವಾಗಿ 2,500 ರೂಪಾಯಿವರೆಗೂ ಸಿಗುತ್ತದೆ. ಅಸಲಿ ಹರಳು ಇರುವ ಗ್ಲಾಸ್ಗಳ ಬೆಲೆ 10 ಸಾವಿರಕ್ಕೂ ಹೆಚ್ಚಿರಬಹುದು ಅಥವಾ ಲಕ್ಷಾಂತರ ಇರಬಹುದು ಎಂದು ಕೆಲವೊಂದು ವರದಿಗಳ ಪ್ರಕಾರ ತಿಳಿದುಬಂದಿದೆ.
ಪ್ಯಾರಿಸ್ನಲ್ಲಿ ನಡೆದ Schiaparelli ಶೋನಲ್ಲಿ ಡೋಜಾ ಕ್ಯಾಟ್ ಗೋಲ್ಡನ್ ರೆಬೆಲ್ ಐಲ್ಯಾಶಸ್ ಹೊಂದಿರುವ ಸನ್ಗ್ಲಾಸ್ ಧರಿಸಿ ಗಮನ ಸೆಳೆದಿದ್ದರು. ಇತಿಹಾಸದ ಮುಘಲ್ ಕಾಲದ ಮಣಿಗಳ ಗಾಜಿನಿಂದ ಸ್ಪೂರ್ತಿ ಪಡೆದಿರುವ ಈ ಮ್ಯಾಕ್ಸಿಮಲಿಸ್ಟ್ ಟ್ರೆಂಡ್ ಈಗ ಜಾಗತಿಕ ಬ್ರೈಡಲ್ ಫ್ಯಾಷನ್ಗೆ ಕಾಲಿಟ್ಟಿದೆ. ಗಾಲಿಯಾ ಲಹಾವ್ನಂತಹ ಪ್ರಸಿದ್ಧ ಬ್ರೈಡಲ್ ಬ್ರ್ಯಾಂಡ್ಗಳು ತಮ್ಮ ಗೌನ್ಗಳಿಗೆ ಈ ಸನ್ಗ್ಲಾಸ್ಗಳನ್ನು ಮ್ಯಾಚ್ ಮಾಡಿ ಹೊಸ ಲುಕ್ ನೀಡುತ್ತಿವೆ.
ಸೆಲಬ್ರೆಟಿಗಳ ಮದುವೆಯಲ್ಲಿ ಸನ್ಗ್ಲಾಸ್ ಅಬ್ಬರ
ಸೆಲೆಬ್ರಿಟಿಗಳಾದ ಸೋಫಿ ಹ್ಯಾಬೂ ಕೂಡ ತಮ್ಮ ಮದುವೆಯಲ್ಲಿ ಕಾಂಟೆಂಪರರಿ ಸನ್ಗ್ಲಾಸ್ ಧರಿಸಿ ಟ್ರೆಂಡ್ ಸೃಷ್ಟಿ ಮಾಡುತ್ತಿದ್ದಾರೆ. ಭಾರತದಲ್ಲಿ ಭಾವ್ಯಾ ರಮೇಶ್ ಅವರಂತಹ ಡಿಸೈನರ್ಗಳ ಫ್ರೇಮ್ಗಳನ್ನು ರಶ್ಮಿಕಾ ಮಂದಣ್ಣ ಮತ್ತು ರಾಜಾ ಕುಮಾರಿ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಮೆಚ್ಚಿಕೊಂಡಿದ್ದರು.
ಸನ್ಗ್ಲಾಸ್ ಜೊತೆ ಸ್ಟೈಲ್ ಮಾಡೋದು ಹೇಗೆ?
ತವರಿನಿಂದ ಗಂಡನ ಮನೆಯತ್ತ ಹೊರಡುತ್ತಿರುವ ಸನ್ಗ್ಲಾಸ್ ಧರಿಸಿ ಫೋಟೋ ಶೂಟ್ ಮಾಡಿಸಿ, ರಾಯಲ್ ಆಗಿ ಎಕ್ಸಿಟ್ ಕೊಡುವುದು ಒಂದು ಆಕರ್ಷಕ ಮತ್ತು ಕೂಲ್ ಲುಕ್ ನೀಡುತ್ತದೆ.
ಹಗಲಿನಲ್ಲಿ ಮದುವೆ ಅಥವಾ ಔಟ್ಡೋರ್ ಫೋಟೋಶೂಟ್ ವೇಳೆ ಕಣ್ಣುಗಳನ್ನು ರಕ್ಷಿಸಿಕೊಳ್ಳಲು ಬಳಕೆ ಮಾಡುವ ಇದು, ನಿಮ್ಮ ಕಣ್ಣನ್ನು ರಕ್ಷಿಸೋದು ಮಾತ್ರವಲ್ಲ, ಹೊಸ ಟ್ರೆಂಡ್ ಕೊಡುತ್ತದೆ.
ಬ್ರೈಡ್ಸ್ಮೇಡ್ಸ್: ನಿಮ್ಮ ಜೊತೆ ಇರುವ ಗೆಳತಿಯರಿಗೂ ಮ್ಯಾಚಿಂಗ್ ಸನ್ಗ್ಲಾಸ್ ನೀಡಿದರೆ ಫೋಟೋಗಳಿಗೆ ಮಜುವಾದ ಒಗ್ಗಟ್ಟಿನ ಲುಕ್ ಸಿಗುತ್ತದೆ, (ಏಜೆನ್ಸೀಸ್).