Astrology: ಇನ್ನೇನು ಕೆಲವೇ ದಿನಗಳಲ್ಲಿ ಹೊಸ ವರ್ಷ ಆರಂಭವಾಗಲಿದೆ. ಈಗಾಗಲೇ ಜನರು ಉತ್ಸುಕರಾಗಿದ್ದಾರೆ. ಈ 2026ರಲ್ಲಿ ವಿಕ್ರಮ್ ಸಂವತ್ ಪ್ರಾರಂಭವಾಗುತ್ತದೆ. ಇದು ಹೆಚ್ಚುವರಿ ತಿಂಗಳನ್ನು ಹೊಂದಿದೆ. ಹೆಚ್ಚುವರಿ ಮಾಸವು ಮೇ 17, 2026 ರಂದು ಪ್ರಾರಂಭವಾಗಿ ಜೂನ್ 15, 2026 ರಂದು ಕೊನೆಗೊಳ್ಳುತ್ತದೆ. ಸನಾತನ ಸಂಪ್ರದಾಯದಲ್ಲಿ, ಹೆಚ್ಚುವರಿ ಮಾಸವು 32 ತಿಂಗಳು ಮತ್ತು 16 ದಿನಗಳ ಅಂತರದ ನಂತರ ಪ್ರಾರಂಭವಾಗುತ್ತದೆ. ಇದು ಸಂಜೆಯ ಧ್ಯಾನ, ಸ್ನಾನ ಮತ್ತು ದಾನಕ್ಕೆ ಶುಭವಾಗಿದೆ. ಆದಾಗ್ಯೂ, ಈ ಅವಧಿಯಲ್ಲಿ ಕೆಲವು ಚಟುವಟಿಕೆಗಳನ್ನು ಮಾಡಬಾರದು ಎಂದು ಹೇಳುತ್ತಾರೆ. ಹಾಗಿದ್ದರೆ, ಆ ಕೆಲಸಗಳು ಯಾವುದು ಎಂದು ನೋಡೋಣ ಬನ್ನಿ...
ಜ್ಯೋತಿಷ್ಯದ ಪ್ರಕಾರ, ಈ ಅವಧಿಯಲ್ಲಿ ಮದುವೆ, ನಿಶ್ಚಿತಾರ್ಥ, ಕ್ಷೌರ ಸಮಾರಂಭ, ನಾಮಕರಣ ಸಮಾರಂಭ, ಗೃಹಪ್ರವೇಶ, ಭೂಮಿ ಪೂಜೆ ಮತ್ತು ಹೊಸ ಮನೆ ಖರೀದಿಸುವಂತಹ ಶುಭ ಚಟುವಟಿಕೆಗಳನ್ನು ತಪ್ಪಿಸಬೇಕು ಎಂದು ತಿಳಿಸುತ್ತದೆ.
ತಾಮಸಿಕ ಆಹಾರ
ಅಧಿಕ ಮಾಸದಲ್ಲಿ ಮಾಂಸ, ಮೀನು, ಮದ್ಯ, ಬೆಳ್ಳುಳ್ಳಿ, ಈರುಳ್ಳಿ, ಬೇಳೆ, ಮೂಲಂಗಿ, ಹಳೆಯ ಆಹಾರಗಳನ್ನು ಸೇವಿಸುವುದನ್ನು ಬಿಡಬೇಕು ಎಂದು ಹೇಳಲಾಗುತ್ತದೆ. ಹಾಗಾಘಿ ಈ ಹೊಸ ವರ್ಷದ ಈ ಮಾಸದಲ್ಲಿ ಈ ಆಹಾರ ಪದಾರ್ಥಗಳನ್ನು ಸೇವಿಸಬೇಡಿ.
ಹೊಸ ಉದ್ಯೋಗವನ್ನು ಪ್ರಾರಂಭಿಸುವುದು
ಈ ಮಾಸದಲ್ಲಿ ಹೊಸ ವ್ಯವಹಾರ, ಉದ್ಯೋಗ, ಯೋಜನೆ, ಹಣಕಾಸಿನ ಹೂಡಿಕೆಯನ್ನು ಮಾಡಬೇಕಾದರೆ ಸ್ವಲ್ಪ ಯೋಚಿಸಿ. ಏಕೆಂದರೆ, ನೀವು ಅಂದುಕೊಂಡ ಕೆಲಸಗಳು ಬೇಗನೆ ಈಡೇರುವುದಿಲ್ಲ. ಹಾಗಾಗಿ ಯೋಚಿಸಿ ಕೆಲಸವನ್ನು ಆರಂಭಿಸಿ.
ಬೆಳಿಗ್ಗೆ ತಡವಾಗಿ ಏಳುವ ಅಭ್ಯಾಸ ಬಿಡಿ
ಅಧಿಕ ಮಾಸದಲ್ಲಿ ಬೆಳಿಗ್ಗೆ ತಡವಾಗಿ ಏಳುವ ಅಭ್ಯಾಸವನ್ನು ಬಿಟ್ಟುಬಿಡಿ. ಬ್ರಹ್ಮ ಮುಹೂರ್ತದ ಸಮಯದಲ್ಲಿ ಪ್ರತಿದಿನ ಏಳುವುದು, ಸ್ನಾನ ಮಾಡುವುದು ಮತ್ತು ಪೂಜೆ ಮಾಡುವುದನ್ನು ಶುಭವೆಂದು ಕರೆಯಲಾಗುತ್ತದೆ. ಈ ಸಮಯದಲ್ಲಿ ಆದಷ್ಟು ಚಾಪೆ ಅಥವಾ ನೆಲದ ಮೇಲೆ ಮಲಗುವುದನ್ನು ಅಭ್ಯಾಸ ಮಾಡಿ. ಇದನ್ನು ಪವಿತ್ರವೆಂದು ಹೇಳಲಾಗುತ್ತದೆ.
ಉಪವಾಸ ಮಾಡಬೇಡಿ
ಅಧಿಕ ಮಾಸದಲ್ಲಿ ಹೊಸ ಉಪವಾಸವನ್ನು ಪ್ರಾರಂಭಿಸಿ, ಉಪವಾಸವನ್ನು ಮುರಿದುಕೊಳ್ಳುವುದು ನಿಷಿದ್ಧವಾಗಿದೆ. ಹಾಗಾಗಿ ನೀವು ಆದಷ್ಟು ನಿಯಮವನ್ನು ಅನುಸರಿಸುವುದು ಉತ್ತಮವಾಗಿದೆ (ಏಜೆನ್ಸೀಸ್).
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್ ನೆಟ್” ಜವಾಬ್ದಾರರಾಗಿರುವುದಿಲ್ಲ.