Vastu Shastra ಸಾಂದರ್ಭಿಕ ಚಿತ್ರ
- ನಮ್ಮ ಸನಾತನ ಸಂಸ್ಕೃತಿ ಮತ್ತು ವಾಸ್ತು ಶಾಸ್ತ್ರದಲ್ಲಿ ಆಹಾರಕ್ಕೆ ಅತ್ಯುನ್ನತ ಸ್ಥಾನವನ್ನು ನೀಡಲಾಗಿದೆ
- ಆಹಾರವನ್ನು ಕೇವಲ ಹಸಿವು ನೀಗಿಸುವ ಮಾರ್ಗವಾಗಿ ನೋಡದೆ, 'ಅನ್ನಬ್ರಹ್ಮ' ಎಂದು ಪೂಜಿಸಲಾಗುತ್ತದೆ
- ನಮ್ಮ ಆಹಾರದ ಅಭ್ಯಾಸಗಳು ನಮ್ಮ ಆರ್ಥಿಕ ಸ್ಥಿತಿ, ಮಾನಸಿಕ ನೆಮ್ಮದಿ ಮತ್ತು ಆರೋಗ್ಯದ ಮೇಲೆ ನೇರ ಪ್ರಭಾವ ಬೀರುತ್ತವೆ
Vastu Shastra: ನಮ್ಮ ಸನಾತನ ಸಂಸ್ಕೃತಿ ಮತ್ತು ವಾಸ್ತು ಶಾಸ್ತ್ರದಲ್ಲಿ ಆಹಾರಕ್ಕೆ ಅತ್ಯುನ್ನತ ಸ್ಥಾನವನ್ನು ನೀಡಲಾಗಿದೆ. ಆಹಾರವನ್ನು ಕೇವಲ ಹಸಿವು ನೀಗಿಸುವ ಮಾರ್ಗವಾಗಿ ನೋಡದೆ, 'ಅನ್ನಬ್ರಹ್ಮ' ಎಂದು ಪೂಜಿಸಲಾಗುತ್ತದೆ. ವಾಸ್ತು ನಿಯಮಗಳ ಪ್ರಕಾರ, ಮನೆಯ ದಿಕ್ಕುಗಳು, ಪೀಠೋಪಕರಣಗಳ ಜೋಡಣೆ ಮತ್ತು ಕೋಣೆಗಳ ನಿರ್ವಹಣೆ ಎಷ್ಟು ಮುಖ್ಯವೋ, ನಾವು ಆಹಾರ ಸೇವಿಸುವ ಪದ್ಧತಿ ಮತ್ತು ಸ್ಥಳವೂ ಅಷ್ಟೇ ಮುಖ್ಯವಾಗಿದೆ. ನಮ್ಮ ಆಹಾರದ ಅಭ್ಯಾಸಗಳು ನಮ್ಮ ಆರ್ಥಿಕ ಸ್ಥಿತಿ, ಮಾನಸಿಕ ನೆಮ್ಮದಿ ಮತ್ತು ಆರೋಗ್ಯದ ಮೇಲೆ ನೇರ ಪ್ರಭಾವ ಬೀರುತ್ತವೆ.
ತಪ್ಪಾದ ಸ್ಥಳದಲ್ಲಿ ಕುಳಿತು ಆಹಾರ ಸೇವಿಸುವುದರಿಂದ ಧನಲಕ್ಷ್ಮಿ ಮತ್ತು ಅನ್ನಪೂರ್ಣ ದೇವತೆಯು ಕೋಪಗೊಳ್ಳುತ್ತಾರೆ. ಇದರ ಪರಿಣಾಮವಾಗಿ ಮನೆಯಲ್ಲಿ ಸಕಾರಾತ್ಮಕ ಶಕ್ತಿ ಕಡಿಮೆಯಾಗಿ ಬಡತನ, ಆರ್ಥಿಕ ಮುಗ್ಗಟ್ಟು ಮತ್ತು ಅನಾರೋಗ್ಯ ತಲೆದೂರುತ್ತದೆ ಎಂದು ನಂಬಲಾಗಿದೆ. ಹಾಗಾದರೆ, ವಾಸ್ತು ಶಾಸ್ತ್ರದ ಪ್ರಕಾರ ಆಹಾರ ಸೇವಿಸುವಾಗ ಕಟ್ಟುನಿಟ್ಟಾಗಿ ಯಾವ ಸ್ಥಳಗಳನ್ನು ತಪ್ಪಿಸಬೇಕು ಎಂಬುದನ್ನು ವಿವರವಾಗಿ ತಿಳಿಯೋಣ.
ಹಾಸಿಗೆಯಲ್ಲಿ ಕುಳಿತು ಊಟ ಮಾಡುವುದು
ಇತ್ತೀಚಿನ ದಿನಗಳಲ್ಲಿ, ಅನೇಕ ಜನರು ಹಾಸಿಗೆಯಲ್ಲಿ ಕುಳಿತು, ಟಿವಿ ನೋಡುತ್ತಾ ಅಥವಾ ವಿಶ್ರಾಂತಿ ಪಡೆಯುತ್ತಾ ಊಟ ಮಾಡಲು ಇಷ್ಟಪಡುತ್ತಾರೆ. ವಾಸ್ತು ಪ್ರಕಾರ, ಈ ರೀತಿ ಅಭ್ಯಾಸ ಒಂದು ಪ್ರಮುಖ ನ್ಯೂನತೆಯಾಗಿದೆ. ಹಾಸಿಗೆ ಮಲಗಲು ಮತ್ತು ವಿಶ್ರಾಂತಿ ಪಡೆಯಲು ಒಂದು ಸ್ಥಳವಾಗಿದೆ. ಅಲ್ಲಿ ಕೂತು ಊಟ ಮಾಡುವುದರಿಂದ ರಾಹುವಿನ ನಕಾರಾತ್ಮಕ ಪ್ರಭಾವ ಹೆಚ್ಚಾಗುತ್ತದೆ. ಇದು ಆರ್ಥಿಕ ನಷ್ಟಕ್ಕೆ ಕಾರಣವಾಗುವುದಲ್ಲದೆ, ಸಾಲ ಮತ್ತು ನಿದ್ರಾಹೀನತೆಯಂತಹ ಕಾಯಿಲೆಗಳಿಗೂ ಕಾರಣವಾಗಬಹುದು.
ಹಾಳಾದ ಪಾತ್ರೆಗಳಿಂದ ಆಹಾರ ಸೇವಿಸುವುದು
ಪಾತ್ರೆ ಅಥವಾ ತಟ್ಟೆಯಲ್ಲಿ ಸಣ್ಣ ಬಿರುಕು ಇದ್ದರೂ, ಅದನ್ನು ತಕ್ಷಣವೇ ಎಸೆಯಬೇಕು. ಬಿರುಕು ಬಿಟ್ಟ ಅಥವಾ ಮುರಿದ ಪಾತ್ರೆಗಳಿಂದ ಆಹಾರವನ್ನು ತಿನ್ನುವುದರಿಂದ ಮನೆಯ ಸಂತೋಷ ಮತ್ತು ಸಮೃದ್ಧಿಯನ್ನು ಕಸಿದುಕೊಳ್ಳುತ್ತದೆ. ಇದನ್ನು ದುರದೃಷ್ಟ ಮತ್ತು ಬಡತನಕ್ಕೆ ನೇರ ಕಾರಣವೆಂದು ಪರಿಗಣಿಸಲಾಗಿದೆ. ಹಾಗಾಗಿ ಆದಷ್ಟು ಸ್ವಚ್ಛ ಮತ್ತು ಸುರಕ್ಷಿತ ಪಾತ್ರೆಗಳನ್ನು ಬಳಸಿರಿ.
ಕತ್ತಲೆ ಅಥವಾ ಮಂದವಾದ ಸ್ಥಳದಲ್ಲಿ ಊಟ ಮಾಡುವುದು
ಬೆಳಕು ಕಡಿಮೆ ಇರುವ ಅಥವಾ ತುಂಬಾ ಕತ್ತಲೆಯಾದ ಸ್ಥಳದಲ್ಲಿ ಎಂದಿಗೂ ಊಟ ಮಾಡಬೇಡಿ. ಕತ್ತಲೆ ನಕಾರಾತ್ಮಕ ಶಕ್ತಿಯನ್ನು ಸಂಕೇತಿಸುತ್ತದೆ. ಮಂದ ಬೆಳಕಿನಲ್ಲಿ ಊಟ ಮಾಡುವುದರಿಂದ ನಕಾರಾತ್ಮಕತೆಯು ದೇಹವನ್ನು ಪ್ರವೇಶಿಸಬಹುದು, ಜೀರ್ಣಾಂಗ ವ್ಯವಸ್ಥೆಯನ್ನು ಅಡ್ಡಿಪಡಿಸಬಹುದು ಮತ್ತು ಆರ್ಥಿಕ ಪ್ರಗತಿಗೆ ಅಡ್ಡಿಯಾಗಬಹುದು ಎಂದು ಹೇಳಲಾಗುತ್ತದೆ.
ಕೈಯಲ್ಲಿ ತಟ್ಟೆ ಹಿಡಿದು ತಿನ್ನುವ ಅಭ್ಯಾಸ
ಕೆಲವರು ಆತುರದಿಂದ ತಿನ್ನುತ್ತಾರೆ ಅಥವಾ ನಿಂತುಕೊಂಡು ಕೈಗಳಿಂದ ತಿನ್ನುತ್ತಾರೆ. ಆದಾಗ್ಯೂ, ಕುಳಿತು ಊಟ ಮಾಡುವಾಗ ಮೇಜು ಅಥವಾ ನೆಲದಂತಹ ಸ್ಥಳದಲ್ಲಿ ತಟ್ಟೆಗಳನ್ನು ಇರಿಸಬೇಕು ಎಂದು ವಾಸ್ತು ಹೇಳುತ್ತದೆ. ಕೈಯಲ್ಲಿ ತಟ್ಟೆ ಹಿಡಿದು ತಿನ್ನುವುದರಿಂದ ಆಹಾರಕ್ಕೆ ಅವಮಾನ ಮತ್ತು ಮನೆಯಲ್ಲಿ ಬಡತನಕ್ಕೆ ಕಾರಣವಾಗುತ್ತದೆ.
ಕಸ ಇರುವ ಸ್ಥಳದಲ್ಲಿ ಊಟ ಮಾಡುವುದು
ನಕಾರಾತ್ಮಕ ಶಕ್ತಿಯು ಬಲವಾಗಿ ಹರಿಯುವ ಸ್ಥಳಗಳಲ್ಲಿ ಅಂದರೆ, ಸ್ಮಶಾನದ ಹತ್ತಿರ, ಕಸ ಇರುವಂತಹ ಸ್ಥಳಗಳಲ್ಲಿ ತಿನ್ನುವುದನ್ನು ತಪ್ಪಿಸಬೇಕು. ಇಲ್ಲದಿದ್ದರೆ ಇದು ಮಾನಸಿಕ ಒತ್ತಡವನ್ನು ಹೆಚ್ಚಿಸುತ್ತದೆ ಜೊತೆಗೆ ಅನಾರೋಗ್ಯ ಮತ್ತು ಅನಗತ್ಯ ಖರ್ಚುಗಳನ್ನು ಹೆಚ್ಚಿಸುತ್ತದೆ ಎಂದು ವಾಸ್ತು ಹೇಳುತ್ತದೆ (ಏಜೆನ್ಸೀಸ್).
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು, ಜ್ಯೋತಿಷಿಗಳು/ ಪಂಚಾಂಗಗಳು/ ನಂಬಿಕೆಗಳು/ ಹಾಗೂ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದನ್ನು ವಿಜಯವಾಣಿ ವೆಬ್ಸೈಟ್ ಜವಾಬ್ದಾರರಾಗಿರುವುದಿಲ್ಲ.