ಪೂರ್ವ ಅಥವಾ ಉತ್ತರ?; ನಿತ್ಯ ದೇವರ ಪೂಜೆಗೆ ಅತ್ಯಂತ ಮಂಗಳಕರ ದಿಕ್ಕು ಯಾವುದು.
ದಕ್ಷಿಣ ಮತ್ತು ಪಶ್ಚಿಮ ದಿಕ್ಕುಗಳನ್ನು ನಿತ್ಯದ ಪೂಜೆಗೆ ಸಾಮಾನ್ಯವಾಗಿ ಅನುಕೂಲಕರವಲ್ಲ.
ಪೂಜಾ ಕೋಣೆಯನ್ನು ಸ್ವಚ್ಛವಾಗಿಟ್ಟು, ದೀಪ ಹಚ್ಚಿ, ತಾಜಾ ಹೂ ಇಡುವುದು ದೈವಿಕ ವಾತಾವರಣ ನೀಡುತ್ತದೆ.
Pooja room Vastu: ಭಾರತೀಯ ಹಿಂದೂ ಸಂಪ್ರದಾಯ ಪಾಲನೆ ಮಾಡುವವರ ಮನೆಯಲ್ಲಿ ದೈನಂದಿನ ಆಧ್ಯಾತ್ಮಿಕ ಆಚರಣೆಗಳು, ಧ್ಯಾನ ಮತ್ತು ಪ್ರಾರ್ಥನೆಗಾಗಿ ಪ್ರತ್ಯೇಕ ದೇವರ ಕೋಣೆ ಇರುವುದು ಗೊತ್ತೇ ಇದೆ. ಇದನ್ನು ದೇವತೆಗಳು ನೆಲೆಸಿರುವ ಸ್ಥಳ ಎಂತಲೂ ಗುರುತಿಸಲಾಗುತ್ತದೆ. ವಾಸ್ತು ಪ್ರಕಾರ, ನಿಮ್ಮ ಪೂಜಾ ಕೋಣೆಯು ನಿಮ್ಮ ಮನೆಯಲ್ಲಿ ಧನಾತ್ಮಕ ಶಕ್ತಿಯನ್ನು ರವಾನಿಸುವಂತಿರಬೇಕು. ಅನೇಕರು ಪೂಜೆ ಮಾಡುವಾಗ ಮುಖ ಮಾಡಬೇಕಾದ ದಿಕ್ಕಿನ ಕುರಿತು ವಾಸ್ತು ಶಾಸ್ತ್ರ ಮತ್ತು ಜ್ಯೋತಿಷ್ಯದ ಸಾಂಪ್ರದಾಯಿಕ ನಿಯಮಗಳನ್ನು ಅನುಸರಿಸುತ್ತಾರೆ.
ವಾಸ್ತು ಶಾಸ್ತ್ರದ ಪ್ರಕಾರ, ಪೂಜೆ ಮಾಡುವ ದಿಕ್ಕು ಪ್ರಾರ್ಥನಾ ಕೊಠಡಿಯ ಒಟ್ಟಾರೆ ವಾತಾವರಣದ ಮೇಲೆ, ಏಕಾಗ್ರತೆಯ ಮೇಲೆ ಗಾಢವಾದ ಪ್ರಭಾವ ಬೀರುತ್ತದೆ. ಹೀಗಾಗಿ ದೇವರ ಕೋಣೆಯಲ್ಲಿ ಕುಳಿತು ಪೂಜೆ ಮಾಡುವಾಗ ಪೂರ್ವ ದಿಕ್ಕಿಗೆ ಮುಖ ಮಾಡಿ ಪ್ರಾರ್ಥನೆ ಮಾಡಬೇಕು ಎಂದು ವಾಸ್ತು ಶಾಸ್ತ್ರದ ತಜ್ಞರು ಹೇಳುತ್ತಾರೆ. ಸೂರ್ಯನು ಸಕಾರಾತ್ಮಕತೆ, ಚೈತನ್ಯ, ಜ್ಞಾನ ಮತ್ತು ಹೊಸ ಆರಂಭದ ಸಂಕೇತವೆಂದು ಪರಿಗಣಿಸಲಾಗಿದೆ.
ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರಕ್ಕೆ ಬೆನ್ನುಮಾಡಿ ಪ್ರಾರ್ಥಿಸುವುದು ಉತ್ತಮ ಅಭ್ಯಾಸವಾಗಿದೆ. ಉತ್ತರ ದಿಕ್ಕು ಸಂಪತ್ತಿನ ದೇವನಾದ ಕುಬೇರನಿಗೆ ಸಂಬಂಧಿಸಿದೆ. ಹೀಗಾಗಿ ಇದು ಆರ್ಥಿಕ ಸಮೃದ್ಧಿ, ಬುದ್ಧಿವಂತಿಕೆ ಹಾಗೂ ಉತ್ತಮ ಅವಕಾಶಗಳನ್ನು ಸೂಚಿಸುತ್ತದೆ ಎಂದು ನಂಬಲಾಗಿದೆ.
ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ದೇವರ ಕೋಣೆ ಹೊಂದಲು ಈಶಾನ್ಯ ಮೂಲೆ ಅತ್ಯುತ್ತಮ ಸ್ಥಳವಾಗಿದೆ. ಇದು ಸಕಾರಾತ್ಮಕ ಆಧ್ಯಾತ್ಮಿಕ ಶಕ್ತಿಯನ್ನು ಆಕರ್ಷಿಸುತ್ತದೆ, ಆದ್ದರಿಂದ ಈ ದಿಕ್ಕನ್ನು ಹೆಚ್ಚಾಗಿ ಭಕ್ತಿ ಆಚರಣೆ ಮತ್ತು ಧ್ಯಾನದ ಸಂದರ್ಭದಲ್ಲಿ ಚರ್ಚಿಸಲಾಗುತ್ತದೆ.
ಪೂಜೆ ಮಾಡುವ ಸಂದರ್ಭದಲ್ಲಿ ದಕ್ಷಿಣ ದಿಕ್ಕಿಗೆ ಮುಖ ಮಾಡಿ ಮೂರುವಂತಿಲ್ಲ. ಹಿಂದೂ ಧರ್ಮದ ಪ್ರಕಾರ ದಕ್ಷಿಣ ದಿಕ್ಕಿನಲ್ಲಿ ಯಮನನ್ನು ಪೂಜಿಸಲಾಗುತ್ತದೆ ಹೀಗಾಗಿ ಈ ದಿಕ್ಕನ್ನು ತಪ್ಪಿಸಿ ಎನ್ನಲಾಗುತ್ತದೆ. ಪಶ್ಚಿಮ ದಿಕ್ಕಿನ ಕಡೆ ಕುಳಿತು ಮಾಡುವ ಪ್ರಾರ್ಥನೆ ದೈನಂದಿನ ಪೂಜೆಗಳಿಗೆ ಕಡಿಮೆ ಅನುಕೂಲಕರ ಎನ್ನಲಾಗುತ್ತದೆ, (ಏಜೆನ್ಸೀಸ್).