ದೇಗುಲಕ್ಕೆ ತೆರಳಿದಾಗ 10-15 ನಿಮಿಷ ಧ್ಯಾನಿಸೋದನ್ನ ರೂಢಿಸಿಕೊಳ್ಳಿ; ಇದ್ರಿಂದ ಎಷ್ಟೆಲ್ಲ ಪ್ರಯೋಜನವಿದೆ ಗೊತ್ತಾ?..Benefits Of Meditating Inside Temple

ಹೌದು ಜ್ಯೋತಿಷ್ಯ ಶಾಸ್ತ್ರ ಹಾಗೂ ವಿಜ್ಞಾನದ ಪ್ರಕಾರ ದೇವಸ್ಥಾನದಲ್ಲಿ ಪದ್ಮಾಸನದಲ್ಲಿ ಕುಳಿತು, ಮಂತ್ರ ಪಠಿಸುತ್ತಾ ಧ್ಯಾನ ಮಾಡುವುದರಲ್ಲಿ ತಲ್ಲೀನರಾಗುವುದರಿಂದ ನಿಮ್ಮ ಮನಸ್ಸಿನಲ್ಲಿ ಉಂಟಾಗುವ ವೈಜ್ಞಾನಿಕ ಮತ್ತು ಆಧ್ಯಾತ್ಮಿಕ ಬದಲಾವಣೆ ಹಾಗೂ ಏಕಾಗ್ರತೆ ಹೆಚ್ಚಾಗುವ ಬಗ್ಗೆ ಆಧ್ಯಾತ್ಮಿಕ ಗುರುಗಳು ವಿವರಿಸಿದ್ದಾರೆ. ಇದು ನಮ್ಮ ಆಲೋಚನಾ ವಿಧಾನವನ್ನು ಹೇಗೆ ಬದಲಾಯಿಸುತ್ತದೆ ಎನ್ನುವುದರ ಮಾಹಿತಿ ಇಂದು ತಿಳಿದುಕೊಳ್ಳೋಣ.

ಇತಿಹಾಸದಲ್ಲಿ ದೇವಾಲಯಗಳನ್ನು ಪೂಜೆಗೆ ಮಾತ್ರವಲ್ಲ ಬದಲಾಗಿ ಎಲ್ಲಿ ಹೆಚ್ಚು ಬೆಳಕಿನ ಶಕ್ತಿ ಇರುತ್ತದೆಯೋ, ಭೂಮಿಯ ಕಾಂತಿಯು ಕಂಡು ಬರುತ್ತದೆಯೋ ಅಲ್ಲಿ ಕಟ್ಟಲಾಗುತ್ತಿತ್ತು. ದೇವರು ನೆಲೆಸಿರುವ ಜಾಗದಿಂದ ಕೊಂಚ ದೂರ ಕುಳಿತು ಧ್ಯಾನ ಮಾಡುವುದರಿಂದ ಸಕರಾತ್ಮ ಶಕ್ತಿಯು ನಮ್ಮನ್ನು ಆವರಿಸಿಕೊಳ್ಳುತ್ತದೆ. ಬ್ರಹ್ಮಾಂಡದಲ್ಲಿ ಲಭ್ಯವಿರುವ ಅದೃಶ್ಯ ಮತ್ತು ಪ್ರಬಲವಾದ ಜೀವ ಶಕ್ತಿಯಾದ ಕಾಸ್ಮಿಕ್​ ಶಕ್ತಿಯು ನಮ್ಮನ್ನು ಆವರಿಸಿಕೊಳ್ಳಳುತ್ತದೆ.

ದೇವಸ್ಥಾನದಲ್ಲಿ ಹಚ್ಚಿರುವ ಧೂಪ, ಸುಗಂಧ ಕಡ್ಡಿ ಹಾಗೂ ಆಲದ ಮರದ ಗಾಳಿ ಇವು ಕಣ್ಣಿಗೆ ಕಾಣದೆ ಆವಿಯಾದರೂ ಸಹ ಪರೋಕ್ಷವಾಗಿ ಮನಸ್ಸಿಗೆ ನೆಮ್ಮದಿಯನ್ನು ನೀಡುತ್ತದೆ. ಎಷ್ಟೇ ಕಷ್ಟ ಎಂದು ಮನಸ್ಸಿನಲ್ಲಿ ನೂರಾರು ಪ್ರಶ್ನೆಗಳನ್ನು ಹೊತ್ತು ದೇವಸ್ಥಾನಕ್ಕೆ ತೆರಳಿ ಧ್ಯಾನಕ್ಕೆ ಕುಳಿತರೆ ಸಾಕು ಆತಂಕವನ್ನು ಉಂಟುಮಾಡುವ 'ಬೀಟಾ' ತರಂಗಗಳು ಕಡಿಮೆಯಾಗುತ್ತವೆ. ಶಾಂತಿಯನ್ನು ನೀಡುವ 'ಆಲ್ಫಾ' ತರಂಗಗಳು ತಕ್ಷಣವೇ ಸಕ್ರಿಯಗೊಳ್ಳುತ್ತವೆ.

ಭವಿಷ್ಯದಲ್ಲಿ ಏನಾಗಬೇಕು, ಏನು ಮಾಡಬೇಕು ಎನ್ನುವ ಗೊಂದಲ ಕಾಡುತ್ತಿದ್ದರೆ, ನಿತ್ಯ ದೇವಸ್ಥಾನದಲ್ಲಿ ಧ್ಯಾನ ಮಾಡೋದನ್ನು ಶುರು ಮಾಡಿ. ಇದರಿಂದ ಕಾಡುವ ನೂರಾರು ಆತಂಕವನ್ನು ದೂರ ಮಾಡಿ ಹೊಸದಾಗಿ ಯೋಚನೆ ಮಾಡುವುದನ್ನು ಕಲಿಸುತ್ತದೆ. ಇದರಿಂದ ನಕರಾತ್ಮಕ ರೀತಿಯ ಆಲೋಚನೆ, ಖಿನ್ನತೆಗಳು ಕೊಂಚ ಕೊಂಚವೇ ನಿಮ್ಮಿಂದ ದೂರಾಗಲು ಶುರುವಾಗುತ್ತದೆ.

ನೀವು ಧ್ಯಾನ ಮಾಡುವಾಗ ದೇವರ ರೂಪವನ್ನು ಮನಸ್ಸಿನಲ್ಲಿಯೇ ಚಿತ್ರಿಸಿಕೊಂಡು ಧ್ಯಾನಿಸಿ. ಇಲ್ಲವಾದಲ್ಲಿ ನಿಮ್ಮ ಉಸಿರಾಟದ ಮೇಲೆ ಗಮನವಿರಿಸಿ, ಧ್ಯಾನ ಹದಿನೈದರಿಂದ 20 ನಿಮಿಷ ಧ್ಯಾನ ಮಾಡುವುದರಿಂದ ನಿಮ್ಮನ್ನು ಹಲವು ವರ್ಷಗಳಿಂದ ಕಾಡುತ್ತಿರುವ ತೊಡಕು ದೂರಾಗುತ್ತದೆ, (ಏಜೆನ್ಸೀಸ್).