| ಮಂಡಗದ್ದೆ ಪ್ರಕಾಶ್ಬಾಬು
ಜಗದ್ಗುರು ಶ್ರೀ ನೃಸಿಂಹ ಭಾರತೀ ಸ್ವಾಮಿಗಳು ಜನಿಸಿದ್ದು ಕ್ರಿ.ಶ. 1798. ಬಾಲಕನಾಗಿದ್ದಾಗಲೇ ಶಾಸ್ತ್ರಗಳ ಅಧ್ಯಯನಕ್ಕಾಗಿ ಕಾಲ್ನಡಿಗೆಯಲ್ಲಿ ಕಾಶಿಗೆ (ವಾರಾಣಸಿ) ಹೋಗಿದ್ದು, ಅಲ್ಲಿ ವೇದಕ್ಕೆ ಸಂಬಂಧಪಟ್ಟ ತರ್ಕ, ಮೀಮಾಂಸ, ವ್ಯಾಕರಣ ಮುಂತಾದ ಶಾಸ್ತಾŠಧ್ಯಯನ ಮಾಡಿ ಹಿಂದಿರುಗಿದರು. ನಂತರ ಶಾರದಾ ಪೀಠಾಧಿಪತಿಯಾಗಿ ಹಲವಾರು ಶಾಸ್ತŠಗಳಲ್ಲಿ ಪ್ರಾವೀಣ್ಯ ಸಾಧಿಸಿದರು. ಮಠದ ಆಡಳಿತ ವ್ಯವಹಾರವನ್ನು ಕ್ರಮಬದ್ಧವಾಗಿ ಯಶಸ್ವಿಯಾಗಿ ಮಾಡಿದರು. ಸುಮಾರು 40 ವರ್ಷ ದಿಗ್ವಿಜಯ ಯಾತ್ರೆಯಲ್ಲಿ ಕಳೆದದ್ದು ಈ ಗುರುಗಳ ವಿಶೇಷ. ಯಾತ್ರೆಯ ಸಮಯದಲ್ಲಿ ಅದ್ವೈತ ತತ್ವ ಪ್ರಚಾರ ಮಾಡಿದರು.
ಇನ್ನು ಮುಂದೆ ಇಲ್ಲಿಗೆ ಬರುವ ಭಕ್ತರು ದೇವಾಲಯದ ಹೊಸ್ತಿಲ ಬಳಿಯೇ ದೇವಿಯ ಪೂಜೆ ಮಾಡಿದರೆ ಸಾಕೆಂದರು. ಆಗ ಅಲ್ಲಿನ ಅರ್ಚಕರಿಗೆ ತಮ್ಮ ತಪ್ಪಿನ ಅರಿವಾಗಿ ಜಗದ್ಗುರುಗಳ ಕ್ಷಮೆ ಕೇಳಿದರು. ಅರ್ಚಕರ ಪ್ರಾರ್ಥನೆಯಂತೆ ಮತ್ತೆ ಮದುರೈಗೆ ಬಂದು ದೇವತೆಯಲ್ಲಿ ಶಕ್ತಿಯನ್ನು ಮರು ಆವಾಹನೆ ಮಾಡಿದರು. ಈ ಜಗದ್ಗುರುಗಳಲ್ಲಿ ಅಂತಹ ವಿಶೇಷ ಶಕ್ತಿ ಇತ್ತು. ಹಿಂದಿನಿಂದಲೂ ಶೃಂಗೇರಿ ಜಗದ್ಗುರುಗಳಿಗೂ ಮೈಸೂರು ರಾಜಮನೆತನಕ್ಕೂ ನಿಕಟ ಸಂಬಂಧವಿತ್ತು. ನೂರು ವರ್ಷ ಹಿಂದೆ ಮುಮ್ಮಡಿ ಕೖಷ್ಣರಾಜ ಒಡೆಯರ್ ಅವರು ನೃಸಿಂಹ ಭಾರತೀ ಸ್ವಾಮಿಗಳಿಗೆ ಭವ್ಯ ಸ್ವಾಗತ ಏರ್ಪಡಿಸಿ, ಬೆಲೆಬಾಳುವ ಕಿರೀಟವನ್ನು ಸಮರ್ಪಿಸಿದರು. ಶೃಂಗೇರಿಯ ಶ್ರೀ ಚಂದ್ರಮೌಳೀಶ್ವರ ಲಿಂಗಕ್ಕೆ ಒಂದು ಅನರ್ಘ್ಯ ನಾಗಾಭರಣವನ್ನು ಕೊಡುಗೆಯಾಗಿ ನೀಡಿದರು. ಜಗದ್ಗುರುಗಳಿಂದ ನೇರವಾಗಿ ಶಿವಗೀತೆ ಕಲಿತರು. ಇದು ಮಹಾರಾಜರ ಸೌಭಾಗ್ಯ.
ಜಗದ್ಗುರುಗಳಿಗೆ 60 ವರ್ಷವಾಗಿದ್ದಾಗ ಒಮ್ಮೆ ಮೈಸೂರಿನ ಮಹಾರಾಜರ ಆಸ್ಥಾನ ಪಂಡಿತ ಕುಣಿಗಲ್ ರಾಮಾಶಾಸ್ತಿŠಗಳ ಮಗ ಶಿವಸ್ವಾಮಿ ಮತ್ತು ಆತನ ಅಣ್ಣ ಗುರುಗಳಿಗೆ ವಂದಿಸಲು ಬಂದಿದ್ದರು. ‘ಜೀವನದಲ್ಲಿ ಏನನ್ನು ಸಾಧಿಸಬೇಕೆಂದಿರುವೆಯಪ್ಪ’ ಎಂಬ ಪ್ರಶ್ನೆಯನ್ನು ಜಗದ್ಗುರುಗಳು ಆ ಬಾಲಕನ ಮುಂದಿಟ್ಟರು. ಆಗ ಆ ಬಾಲಕ, ಸಂಸ್ಕ್ಪ್ರ ಶ್ಲೋಕವೊಂದನ್ನು ಹೇಳಿದ. ಅದು ಶಿವಸ್ತೋತ್ರವಾಗಿದ್ದು ಅದರಲ್ಲಿ ಆ ಬಾಲಕ ದೖಢಭಕ್ತಿಯನ್ನು ಬಿಟ್ಟು ಬೇರೆ ಏನನ್ನೂ ಅಪೇಕ್ಷೆಪಟ್ಟಿಲ್ಲ ಎಂಬುದು ಗುರುಗಳಿಗೆ ಕಂಡು ಬಂತು. ‘ಈತನೇ ಶಾರದಾಪೀಠಕ್ಕೆ ಮುಂದಿನ ಉತ್ತರಾಧಿಕಾರಿ’ ಎಂದು ನಿರ್ಧರಿಸಿ, ಆತನಿಗೆ ಸಂನ್ಯಾಸಾಶ್ರಮ ನೀಡಿ ‘ಶ್ರೀ ಸಚ್ಚಿದಾನಂದ ಶಿವಾಭಿನವ ನೖಸಿಂಹ ಭಾರತೀ’ ಎಂದು ನಾಮಕರಣ ಮಾಡಿದರು.
ಪರೀಕ್ಷೆ ಮಾಡಿದ ಕಮಿಷನರ್!: ಗುರುಗಳು ಒಮ್ಮೆ ಬೆಂಗಳೂರಿಗೆ ಬಂದಿದ್ದಾಗ ಬ್ರಿಟಿಷ್ ಕಮಿಷನರ್ ಬೌರಿಂಗ್ ಎಂಬಾತ ಮಧ್ಯರಾತ್ರಿ 1 ಗಂಟೆಗೆ ಒಬ್ಬನೇ ಅವರ ಬಿಡಾರಕ್ಕೆ ಹೋಗಿ ನಿಜಕ್ಕೂ ಇವರು ಹಸಿವು, ನಿದ್ರೆಯನ್ನು ಗೆದ್ದವರೇ ಎಂಬದನ್ನು ಪರೀಕ್ಷಿಸಿದನಂತೆ. ಆ ಅವೇಳೆಯಲ್ಲಿಯೂ ಗುರುಗಳು ಚಂದ್ರಮೌಳೀಶ್ವರನ ಪೂಜೆಯಲ್ಲಿ ನಿರತರಾಗಿದ್ದರಂತೆ! ಗುರುಗಳಿಗೆ 82 ವರ್ಷವಾಗಿದ್ದಾಗ ಜೇಷ್ಠಮಾಸದ ಶುಕ್ಲಪಕ್ಷದ ಬಿದಿಗೆ ದಿನ 1879ರಲ್ಲಿ ಅವರ ಆತ್ಮವು ಶಾಶ್ವತ ಆನಂದವನ್ನು ಪಡೆಯಿತು.