ನಾವು ಇದನ್ನು ಅಭ್ಯಾಸ ಮಾಡುವ ಮೂಲಕ ತಾಳ್ಮೆಯನ್ನು ಕಲಿಯಬಹುದು. ನೀವು ಆಗಾಗ ಕೆಟ್ಟ ಅಥವಾ ನಕಾರಾತ್ಮಕ ಆಲೋಚನೆಗಳನ್ನು ಎದುರಿಸುತ್ತಿದ್ದರೆ ಇದನ್ನು ಅಭ್ಯಾಸ ಮಾಡಿ. ಈ ಮುದ್ರೆಯು ಮನಸ್ಸಿನ ನಿಯಂತ್ರಣವನ್ನು ಬಲಪಡಿಸುತ್ತದೆ. ಈ ಮುದ್ರೆಯು ನಿರ್ಬಂಧಿತ ಭಾವನೆಗಳಿಂದ ಉಂಟಾಗುವ ಒತ್ತಡವನ್ನು ನಿಗ್ರಹಿಸಲು ಸಹಾಯಮಾಡುತ್ತದೆ.
ಸೂಚಿ ಮುದ್ರೆಯ ಅರ್ಥವೇನು?: ಸುಚಿ ಮುದ್ರೆಯು ಯೋಗದ ಹಸ್ತ (ಕೈ) ಆಗಿದೆ ಮತ್ತು ಚಿಕಿತ್ಸಕ ಮುದ್ರೆಗಳ ಸರಣಿಗಳಲ್ಲಿ ಒಂದಾಗಿದೆ ಎಂದು ನಂಬಲಾಗಿದೆ. ಈ ಪದವು ಸಂಸ್ಕೃ ಪದ ಸುಚಿಯಿಂದ ಬಂದಿದೆ. ಅಂದರೆ ಸೂಜಿ ಮತ್ತು ಮುದ್ರೆ ಅಂದರೆ ಸನ್ನೆ ಅಥವಾ ಮುದ್ರೆ. ಇದು ಪರಮಾತ್ಮ ಅಥವಾ ಸೃಷ್ಟಿಕರ್ತ ದೇವರು ಬ್ರಹ್ಮನನ್ನು ಪ್ರತಿನಿಧಿಸುತ್ತದೆ. ಈ ಮುದ್ರೆಯನ್ನು ನಿರ್ವಹಿಸಲು ಹೆಬ್ಬೆರಳು ಮಧ್ಯ, ಉಂಗುರ ಮತ್ತು ಸಣ್ಣ ಬೆರಳುಗಳೊಂದಿಗೆ ಮುಷ್ಟಿಯನ್ನು ರೂಪಿಸುತ್ತದೆ ಮತ್ತು ತೋರುಬೆರಳು ನಂಬರ್ ಒನ್ ಗೆಸ್ಚರ್ ಅನ್ನು ಹೋಲುತ್ತದೆ. ಯಾವುದೇ ಹಸ್ತ ಮುದ್ರೆಯಂತೆ, ಧ್ಯಾನ ಮಾಡುವಾಗ ಸೂಚಿ ಮುದ್ರೆಯು ಹೆಚ್ಚು ಪ್ರಯೋಜನಕಾರಿಯಾಗಿದೆ. ಅದನ್ನು ಕುಳಿತಾಗ, ನಿಂತಿರುವ ಅಥವಾ ನಡೆಯುವಾಗ ಅಭ್ಯಾಸ ಮಾಡಬಹುದು.
ಸೂಚಿ ಮುದ್ರೆಯನ್ನು ಅಭ್ಯಾಸ ಮಾಡುವುದರಿಂದ ತಡೆಗಟ್ಟಬಹು ದಾದ ಹಲವಾರು ಕಾಯಿಲೆಗಳನ್ನು ಮತ್ತು ಭಾವನೆಗಳನ್ನು ನಿವಾರಿಸುತ್ತದೆ ಎಂದು ಭಾವಿಸಲಾಗಿದೆ.
ವಿಧಾನ: ಎರಡು ಕೈಗಳಲ್ಲಿ ಬಿಗಿ ಮುಷ್ಠಿ ಮಾಡಿ ತೋರು ಬೆರಳನ್ನು ನೇರವಾಗಿ ಚಾಚಬೇಕು. ಈ ಎರಡು ಕೈಯ ಈ ರೀತಿಯ ಮುಷ್ಟಿಯನ್ನು ಸುಮಾರು 2 ರಿಂದ 4 ನಿಮಿಷ ಹಿಡಿಯಿರಿ. ಈ ದಿನಕ್ಕೆ 4 ರಿಂದ 8 ಬಾರಿ ಅಭ್ಯಾಸ ಮಾಡಬಹುದು (ಸಮಸ್ಯೆ ಇದ್ದವರೂ)
ಪ್ರಯೋಜನ: ಉತ್ತಮ ದೇಹ, ಮನಸ್ಸಿನ ಆರೋಗ್ಯ ಕಾಪಾಡುತ್ತದೆ. ದೋಷವನ್ನು ಹೊರ ಹಾಕುವ ಮುದ್ರೆಯಾಗಿದೆ. ಜೀರ್ಣಕಾರಿ ಸಮಸ್ಯೆಗಳು, ಅಸಹನೆ ಮತ್ತು ಕೋಪ, ದ್ವೇಷ ಮತ್ತು ಅಸೂಯೆ ಭಾವನೆಗಳ ನಿರ್ಬಂಧದಿಂದ ಉಂಟಾಗುವ ಒತ್ತಡ,
ದೀರ್ಘಕಾಲದ ಮಲಬದ್ಧತೆ ನಿಯಂತ್ರಣಕ್ಕಾಗಿ ಈ ಮುದ್ರೆಯನ್ನು ಹೊಕ್ಕುಳ ಮತ್ತು ಶ್ರೋಣಿಯ ಚಕ್ರಗಳನ್ನು (ಶಕ್ತಿ ಕೇಂದ್ರಗಳು) ಕೇಂದ್ರೀಕರಿಸಿ ದಿನಕ್ಕೆ ನಾಲ್ಕು ಬಾರಿ ಆರು ಉಸಿರಾಟಗಳಿಗೆ ಅಭ್ಯಾಸ ಮಾಡಿ. ಸೂಚಿ ಮುದ್ರೆಯೊಂದಿಗೆ ಧ್ಯಾನವನ್ನು ಅಭ್ಯಾಸ ಮಾಡುವುದು ದೇಹವನ್ನು ಅವಿಭಾಜ್ಯ ಸ್ಥಿತಿಯಲ್ಲಿಡಲು ಸಹಾಯ ಮಾಡುತ್ತದೆ. ಒಟ್ಟಾರೆಯಾಗಿ ಹೇಳುವುದಿದ್ದರೆ ಮನಸ್ಸು ಮತ್ತು ದೇಹದ ಒತ್ತಡವನ್ನು ಈ ಮುದ್ರೆಯು ಹೊರಹಾಕುತ್ತದೆ. ಸೂಚಿ ಮುದ್ರೆಯು ನಾಯಕತ್ವದ ಗುಣಗಳು, ದಕ್ಷತೆ ಮತ್ತು ಶಿಸ್ತುಗಳನ್ನು ಅಭಿವೃದ್ಧಿಪಡಿಸುತ್ತದೆ ಎಂದು ಭಾವಿಸಲಾಗಿದೆ.
ನಮ್ಮ ಕೈಬೆರಳುಗಳನ್ನು ಹಾಗೂ ಹಸ್ತಗಳನ್ನು ಉಪಯೋಗಿಸಿಕೊಂಡು ವಾತ, ಪಿತ್ತ ಕಫವನ್ನು ನಿಗ್ರಹಿಸಬಹುದು ಎಂದು ಮುದ್ರಾ ಶಾಸ್ತ್ರದಲ್ಲಿ ಹೇಳಿದೆ. ಮುದ್ರೆಗಳ ಪ್ರಭಾವದಿಂದ ಶರೀರದ ರಕ್ತದಲ್ಲಿರುವ ಧನಾತ್ಮಕ ಹಾಗೂ ಋಣಾತ್ಮಕ ರಕ್ತ ಕಣಗಳು ನಾಶವಾಗುವುದಿಲ್ಲ. ಅದ್ಭುತ ಪರಿಣಾಮ ಬೀರುವ ಮುದ್ರೆಗಳನ್ನು ದಿನ ನಿತ್ಯದ ಜೀವನದಲ್ಲಿ, ಮಾಡುತ್ತ ಬಂದಲ್ಲಿ ಸದೃಢವಾಗಿ, ಆರೋಗ್ಯಕರವಾಗಿ ಬಾಳಬಹುದು.