ಇಂದು ವಿಶ್ವ ಕಾವ್ಯ ದಿನ; ಕಾವ್ಯಾಸಕ್ತರಿಗಾಗಿ ಇಲ್ಲಿವೆ ಕವಿತೆಗಳು

ಕಾವ್ಯ ಎಂದರೇನು ಎಂಬ ಪ್ರಶ್ನೆಗೆ ನಿರ್ದಿಷ್ಟವಾದ ಉತ್ತರ ಕಷ್ಟ. ಅದು ಒಂದು ರೀತಿಯಲ್ಲಿ ಧ್ಯಾನ. ಮತ್ತೊಂದು ರೀತಿಯಲ್ಲಿ ಭಾಷೆಯ ಜತೆ ಸಜೀವ ಹುಡುಕಾಟದ ಅನುಸಂಧಾನ. ಕಾಣುವುದರ ಹಿಂದಿರುವ ಕಾಣದ್ದನ್ನೂ ಕಾಣುವ ಸ್ಪಂದನ. ಕಾಲದ ಪ್ರತಿಸೃಷ್ಟಿ, ಎಲ್ಲರೆದೆಯಲ್ಲೂ ಅರಳಬಹುದಾದ ಅಮೂರ್ತ ಭಾವಗಳ ಅಭಿವ್ಯಕ್ತಿ. ಇಷ್ಟಾಗಿಯೂ ಇದಷ್ಟೇ ಕಾವ್ಯದ ವ್ಯಾಖ್ಯಾನಕ್ಕೆ ಸಾಲದು. ಅದು ಬರೆದವನ ಭಾವ ಓದುಗನ ಭಾವಕೋಶಕ್ಕೆ ಸ್ಪಂದಿಸುವ ಗಳಿಗೆಯಲ್ಲೂ ಹೊಸ ಅರ್ಥ ಸ್ಪುರಿಸಿಬಿಡಬಲ್ಲದು. ಓದುವವರ ಜತೆಯಲ್ಲೇ ಬೆಳೆಯುತ್ತ ಬರೆದವನ ಹಂಗಿಲ್ಲದಂತೆ ಅರಳಬಲ್ಲದು. ವರ್ತಮಾನದ ತಲ್ಲಣಕ್ಕೆ, ನೋವಿಗೆ ಮದ್ದಾಗಬಲ್ಲ ಕಾವ್ಯ ಒಂದು ವ್ಯಾಖ್ಯೆಗೆ ದಕ್ಕಲಾರದು. ವಿಶ್ವ ಕಾವ್ಯ ದಿನದ (ಮಾ. 21) ಈ ಹೊತ್ತಿನಲ್ಲಿ ಇಲ್ಲೊಂದಿಷ್ಟು ಕವಿತೆಗಳು ಕಾವ್ಯಾಸಕ್ತರ ಸಂವಹನಕ್ಕಾಗಿ ಅರಳಿನಿಂತಿವೆ.

ಈ ದಿನಾಚರಣೆ ಶುರು ಆಗಿದ್ದು ಏಕೆ?: ಕಾವ್ಯಾಭಿವ್ಯಕ್ತಿಯ ಮೂಲಕ ಭಾಷಾ ವೈವಿಧ್ಯವನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ಯುನೆಸ್ಕೋ ಪ್ರತಿ ವರ್ಷ ಮಾರ್ಚ್ 21ನ್ನು ವಿಶ್ವ ಕಾವ್ಯ ದಿನವನ್ನಾಗಿ ಆಚರಿಸಲು ನಿರ್ಧರಿಸಿದೆ. 1999ರಿಂದಲೇ ಇದು ಜಾರಿಗೆ ಬಂದಿದೆ. ಅಳಿವಿನಂಚಿನಲ್ಲಿರುವ, ಜಗತ್ತಿನ ಹಲವು ಭಾಷೆಗಳನ್ನು ಉಳಿಸುವುದು; ರಾಷ್ಟ್ರ-ರಾಜ್ಯ- ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಾವ್ಯ ಚಳವಳಿಗಳನ್ನು ಬೆಳೆಸುವ ಸದುದ್ದೇಶವನ್ನೂ ಈ ದಿನಾಚರಣೆ ಹೊಂದಿದೆ.

ಕವಿಅವನಿಗೆತನ್ನ ಬ್ರಹಜ್ಞಾನದತುಡಿತ.ಅವಳಿಗೆತನ್ನ ಸ್ವರ್ಗಲೋಕದಸೆಳೆತ.ಆ ಇಬ್ಬರಿಗೂ ಬೇಡವಾದತಬ್ಬಲಿಈ ಬುವಿಯಪಾಪದ ಕೂಸನ್ನುನನಗಿರಲಿಎಂದು ಪ್ರೀತಿಯಿಂದಸಾಕಿಕೊಂಡಕವಿ.

ಮುಕ್ತಕಗಳು

ನೀಲ ಮೇಘ. ಮಿಂಚಿನಂಚು. ಮಣ್ಣಿಗೆ ನಾಕು ಹನಿ. ಕರಗಿ ಹೋದ ಕಾಮನಬಿಲ್ಲಷ್ಟೆ ದುಶ್ಶಾಸನನ ಪ್ರಾಪ್ತಿ. +++ ಗಾಳಿ ಬೀಸು; ತಂತಿ ನಡುಕ, ವಿದ್ಯುದೆಳೆಯಲಿ! ಕಿವಿಯನೊತ್ತಿ ಕೇಳಿ, ಎಂಥ ಗೋಳು ಬಯಲಲಿ! +++ ಹೊಟ್ಟೆಯ ಹಸಿವಿಗೆ ಒಪ್ಪಿಡಿ ಅನ್ನ. ಹೃದಯಕೆ ಸಾಹಿ ತ್ಯದ ಚಿತ್ರಾನ್ನ. +++ ಹಿಂದೆ ಮೋಹನ್ ದಾಸ್ ಗಾಂಧಿ. ಮುಂದೆ ಕಂದ ನಡುವೆ ಊರುಗೋಲಿನ ತಲೆ ಮಾರ ಸಂಬಂಧ.

ಕವಿತೆಗಳು

-1- ಕೆಲವು ಕವಿತೆಗಳು ಮಡಿ ಮಡಿ ಅನ್ನುತ್ತ ಎಲ್ಲರನ್ನೂ ದೂರ ಅಟ್ಟುತ್ತವೆ ಗರ್ಭಗುಡಿಯ ಕತ್ತಲೊಳಗೆ ಉಳಿದು ಅಲ್ಲೇ ಮಡಿಯುತ್ತವೆ ಇನ್ನು ಕೆಲವು ಗುಡಿ ಬಿಟ್ಟು ಮಡಿ ಬಿಟ್ಟು ನುಡಿ ನುಡಿ ಅನ್ನುತ್ತ ಎಲ್ಲರೊಂದಿಗೆ ಬೆರೆತು ಕೂಡಿ ಆಡಿ ಹಾಡಿ ಎಲ್ಲರನ್ನೂ ಮುಟ್ಟುತ್ತವೆ -2- ಕೆಲವು ಕವಿತೆಗಳು ಎಷ್ಟು ಕಾದರೂ ಬರುವುದಿಲ್ಲ ಹೊರಗೆ ಮೇಕಪ್ ಮಾಡುತ್ತ ಕನ್ನಡಿ ನೋಡುತ್ತ ಕೋಣೆಯೊಳಗೆ ಇರುತ್ತವೆ ಗಂಟೆಗಟ್ಟಲೆ. ಇನ್ನು ಕೆಲವಕ್ಕೆ ಅದೇನೋ ಅವಸರ ಅಥವಾ ಅಲಂಕಾರ ಮಾಡಿಕೊಳ್ಳಲು ಬೇಸರ ಬರುತ್ತವೆ ಬೀದಿಗೆ ನೈಟಿಯಲ್ಲೆ!