ಜೀವ ಕೊಟ್ಟು ಜೀವನ ರೂಪಿಸಿದ ಸಹನಾಮೂರ್ತಿ, ಮಮತೆಯ ಗಣಿ ಅಪ್ಪ. ನನ್ನ ಹೃದಯದಲ್ಲಿ ನಿನಗೊಂದು ವಿಶಿಷ್ಟ ಸ್ಥಾನವಿದೆ. ಬದುಕಿನ ಕಷ್ಟದ ನಡುವೆಯೂ ಎಲ್ಲವನ್ನು ಸಹಿಸಿಕೊಂಡು ಎಲ್ಲ ಸಮಸ್ಯೆಯನ್ನು ಮೆಟ್ಟಿನಿಂತು ಕುಟುಂಬವನ್ನು ಕಾಪಾಡುವ ಶಕ್ತಿ ನೀನು. ಮನೆಯಲ್ಲಿ ಎಲ್ಲ ಕೆಲಸವನ್ನು ಜವಾಬ್ದಾರಿಯಿಂದ ನಿರ್ವಹಿಸುವ ಗುರಾಣಿಯಾಗಿದ್ದಿ. ನಿಮ್ಮ ತ್ಯಾಗ ಪ್ರೀತಿಯನ್ನು ವರ್ಣಿಸಲು ಪದಗಳೇ ಸಾಲದು. ನನಗೆ ಸಂತೋಷದಾಯಕ ತೃಪ್ತಿ ಜೀವನವನ್ನು ನೀಡಿದ್ದೀಯ. ಸದಾ ನನ್ನ ಬೆಂಬಲವಾಗಿ ನಿಲ್ಲುತ್ತಾ ನನ್ನ ಗುರಿಯನ್ನು ತಲುಪಲು ಬೆಳಕಾಗಿದ್ದೀಯ. ನನ್ನ ಪ್ರತಿಯೊಂದು ಹೆಜ್ಜೆಯಲ್ಲಿ ಜತೆಯಾಗಿ ಪ್ರೋತ್ಸಾಹ ನೀಡುವ ನಿನಗೆ ನಾನು ಸದಾ ಚಿರಋಣಿ.
| ಅಂಬಿಕಾ ಬಿಟಿ ತುಮಕೂರು